Ijemiisi 1:9 - IWE ỌNỊNỊ

⁹ Ọdọwụ ana vị onosiye ọ̀ọ jẹ agụvị ka Ohomorihi ọ raà kà a hịrẹ.

Ijemiisi 1:9 Referans Kwoze

Ụhịrẹyị 19:1

Onosiye anaa mẹ ịzẹyịza ọ dahi huni ọnụra enee cheeche nị.

2 Anịkọrịntị 6:10

Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa.

Ẹtore 2:9

Mâ yẹ ụya ọnị waa rị ọnịrị osiye oni u wee re; ama àa ka à na kà, wá nyị ịsa nịnị. Mâ yẹ ịrẹyị odivi ana aza ana ka ẹnị vị Aniju aa kà. Ama ẹnịnị ẹ yị vị Aniju, ezirẹma Echu ẹ̀ vị nị.

Iruuku 1:52

Ọ sị aza ana nyị ọda jị hụrẹ udi ẹnịnị. Dị ọ kụkụ sị aza ẹnẹ ẹ̀ yị nyị ịsị ẹ vị, dị ọ kà wa hịrẹ nị.

Ụhịrẹyị 17:5

Ọza anaā sịị onosiye mẹ enyinyi vị anaa kụ̀ Ohomorihi ana tụ ọ ụhụ. Ọza enee hine ayị agụvị ịrẹyị ọhịmị ene tu ọza vị ana vaa rị ụya anị.

Ahẹ Ụgama 62:9

Nyị ịsị ọza vị vụrụ-vụrụ ahị ọza ọbanyị, ahị onosiye, ẹ yị nyị ana a ka â nyị ịsị ọnịvị àa kụ́ wa hi ịnị ịngọ, e vee re ka ẹ yị nyị ịsị ẹ vị vụrụ-vụrụ ẹnịnị ệ hẹrẹ hu asịsẹ.

Iwe Ọhụhị Imosiisi ana aa hị́ Ọyịvatụrọda 15:11

A mẹ hịka ẹ yị nyị ụmẹ ọnị anarịmanyị ẹ̀ vaa ya ịnị ẹhẹ, agụvị avọọ ọnị mẹ̀ ọda yị wa ka ẹ ha ụvọ tụ́ yị onosiye ọnịrị ọnụzọngwa nịnị.

Iwe Ọhụhị Imosiisi ana aa hị́ Ọyịvatụrọda 15:9

Asị e rò ka ịrayị ịhịmba anaā sịị sị eyi hụụnị ụta yị ọza ọ sị gụrị ẹtẹ, agụvị avọọ wẹ yị sị. Onosiye ọnọọ òo na owu hị́ Ẹnẹyịmavara, ọza ọnọọ aa mẹ̀ ịvị.

Iwe Ọhụhị Imosiisi ana aa hị́ Ọyịvatụrọda 15:7

Ịjị ẹnịnị ẹ̀ na ngụ ẹtẹ ọnị Ẹnẹyịmavara aa sị yị wa, àa nyị ọza ịnị ẹngụ ẹnịnị ene re osiye ịnị ẹkụra ọnyọọnyị, asị ẹ̀ sị ụvọ kwoku yọ.

Anihwiripi 3:14

Mị vụrị aa yịị kà a tụ́ ọvịdị ne tù ọzarẹyịrẹsụ, agụvị dị ma zụ dọ ọgụ ọnọọ, oni Ohomorihi hụ agụvị anị hị́ mị ini Ikirisiti; ọnị ọ vị ka ma na ra ẹbẹẹba nị.

Anihwiripi 3:3

Ẹyị ọnị Ụhwẹ Ọnịnị sị ụkata yị ka yaa hẹkẹ Ohomorihi, ẹngụ ẹyị ọnọọ ọ vana jị ụvẹvẹnẹ obooro nị. Ịsa oni Ijeesu mẹ ịnị ẹhẹ ayị, ẹyị aa sịị mẹ ụbanyị nị. Ẹyị ẹ yị sị ayị tụra ịsa ana a mẹ tụ́ ịnị ọchẹngụ kẹnẹ.

Aniroomi 8:17

Ị mẹ̀ sị vị ezi Ohomorihi aanị, ị rẹ vaa dọ ẹyịza oni Ohomorihi sị tịtẹ yị aza anị. Ẹyịrị Ikirisiti re dudu vaa dọ ẹyịza oni Ohomorihi raà sị tịtẹ yọ. Yàa rị ụya, anka Ikirisiti ọnị mẹ̀ rẹ rị ụya, ẹyị rẹ vaa nyịị tụ́ ịnị ụbanyị ọnị ọ nyị.

Iruuku 10:20

Ama asị ụ rẹ̀ jẹ nịnị ka ụhwẹ echu ệ ká ịrẹsụ hi wu nịnị! Ama wa vanaa jẹ nịnị ka a sị ịrẹha awụ nịnị chẹrẹ tụ́ ịdị Ohomorihi!”

Iruuku 9:48

Dị ọ kà a yị wa ka, “Ọza ana àa dọ ẹngụ ozweyi ọnọnị pe ẹngụ agụvị amị, ẹmị ọ rẹ dọ pe ẹngụ avọọ nị. Ọza ana àa dọ mị pe ẹngụ, ọza ana tụ́ mị vẹ ẹhẹ, ọ rẹ dọ pe ẹngụ avọọ nị. Ọza ana ka ẹngụ anị chi hu ịnị awụ nịnị, oni o hu keekere nị.”

1 Ịsamụwẹrị 2:8

Ọ nyẹngụ sị oniruwa kwẹẹtẹ hụụnị eteesu, dị ọ vara a ọza obooro. Dị ọ mẹ ka ẹnịrị aza ẹbanyị è dudu yaayịtẹ, dị ẹnị rẹ nyị udi ọbanyị. Ẹnẹyịmavara ọ ká ẹhẹ ọnọnị ẹtẹ, dị ọ sị ẹhẹ jẹẹ ịrẹsụ anị nị.

1Ipita 2:9

Àa vị ẹwụ nịnị yọ, ẹwụ nịnị vị aza oni Ohomorihi sị nyị. Ẹngụ ohirẹsụ irehi Ohomorihi ana aa hẹkẹ Ohomorihi Ohinọyị, ụ vị nịnị nị. Anẹkụra oni Ohomorihi nyị tụ́ irenyi yị ẹngụ anị, ụ vị nịnị nị. Aza Ohomorihi obooro ụ vị nịnị nị. Ộ nyị wụ nịnị ka waa kà a yị aza ịsa ẹbanyị-ẹbanyị oni Ohomorihi mẹ, ọ mẹ̀ hị́ wụ nịnị hụụnị ịrahụ va ngụ ini ẹtohweyi anị ene hí ọza irenu.

Ayịsaya 29:19

Ẹnẹyịmavara ana vị Ohomorihi ẹnịnị ana Anisirẹrị aa hẹkẹ rẹ vanaa mẹ ka onosiye nịnị ẹ̀ rẹẹ jẹ.

Iruuku 14:11

Ọza ana àa kà ẹngụ anị hịrẹ, a vaa kà a chí; ama ọza ana àa kà ẹngụ anị chí, ọnị a vaa kà a hịrẹ nị.”