Ijemiisi 1:25 - IWE ỌNỊNỊ

²⁵ Ama ọza ana àa jị eyi ngụ ọda Ohomorihi, dị ọ sị ụvọ zaa, di ò yi hí ayị ịrẹyị ọnị ọ wụ́, dị aa sịị mẹ̀ ụkọrọ nị, Ohomorihi vaa mẹ ka ò zé yọ ịnị ịsa ana àa mẹ. Avaba ọda Ohomorihi ọ́ọ gụ, ọ nyẹngụ dọ yị tịtẹ.

Ijemiisi 1:25 Referans Kwoze

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Ịjọọnụ 13:17

Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.

1Ipita 2:16

Waa mẹ anka aza ana nyị ẹngụ anị nịnị, ama asị ụ sị ọnọọ kà eyi hi, dị ụ waa mẹ̀ ịsa odivi; ama waa mẹ anka ozi ahụ Ohomorihi nịnị.

Ijemiisi 2:12

Agụvị avọọ dị ụ wa tamayị ịnị avaba ịrẹyị ọnị ụ waa kà, ọnịrị ebira ọnị ụ waa mẹ, ka Ohomorihi vaa mẹ̀ ọkarẹyị yị wụ anka ọda Ohomorihi ana nyẹngụ dọ yị tịtẹ.

Anigaratiya 5:1

Ikirisiti ọ sị yị dọ hụụnị ọrịhị, agụvị avọọ, áa vọrọ ka wa jẹẹ geri-geri nịnị anka ọza ana nyị ẹngụ anị. Asị ụ kụkụ zẹẹ ka ọza ọ va vara wụ nịnị ọrịhị.

1 Anịkọrịntị 15:58

Ẹwụ nịnị ẹyịnyara amị, re ka wa hụ agụvị avọọ jẹẹ geri-geri nịnị, asị ụ zizi! Waa sị avaba ụmẹẹ mẹ ụkọrọọ yị Ananyị yị nịnị pooro, agụvị ka wâ yẹ nịnị ka ẹ yị nyị ịsị ụ mẹ yị Ananyị yị nịnị ana zụ vị ọọhẹ kẹnẹ.

1 Itimoti 4:16

Sị eyi pe ẹngụ awụ ọnịrị ịsa ọnị ụ waa sịị zụ̀ aza! Waa yịị mẹ̀ ịsa ẹnẹẹ, agụvị ka wàaa mẹẹ, ụ vaa dọ ẹngụ awụụ há ọnịrị aza ana aa wụ́ ịrẹyị awụ.

2 Anịkọrịntị 13:5

Zama ẹngụ awụ nịnị re, dị ụ wa yẹ wàa yị sị ayị tụra Ikirisiti nịnị! Aanị ka wẹ yị yẹ ẹngụ awụ nịnị ka Ijeesu Ikirisiti yà ịnị ayị awụ nịnị? À yị vị avọọ, ahịka ụ wẹ̀ yị kụkụ mẹ ẹtẹẹrẹ nịnị nị.

Aniroomi 11:22

Agụvị avọọ yẹ nịnị, Óhomorihi mẹmẹẹ̄ vayị ọza ẹtẹẹtẹrẹ, dị ọ rẹẹ̄ mẹ̀ ọkarẹyị ọkatẹngụ. Ọnọọ vị ka ọọ̄ mẹ̀ ọkarẹyị ọkatẹngụụ yị aza ana sị hyẹdụ. Wàaa yịị mẹ ịrẹyị anaa vọrọ ka ọ̀ sị vayị awụ nịnị, ọ vaa vayị awụ nịnị. Ama wẹ̀ yị vavọọ mẹ nịnị, vị ọ raa dà ẹwụ nịnị kwooze bẹẹ nị.

Ụhịrẹyị 14:15

Ọnụra vị ana a dọ avaba ịsa hyọọrọ kẹnẹ ama ọza ọnị eyi anị hweyi vi anaā teyi ẹtẹ.

Aniroomi 8:15

Ụhwẹ Ohomorihi ọnị ọ sị wụ nịnị ọ yị za wụ nịnị ọrịhị, ana zụ mẹ ka we kukuu hí angwa nịnị. Ama Ụhwẹ ọnọọ ộ sị ụkata yị ka ye zuu nowuu hị́ Ohomorihi ka; Ada ayị!

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

Ịjọọnụ 8:36

Ama àa vị ẹmị Ozi Ada amị ọ mẹ ka wa nyị ẹngụ awụ nịnị nị, ịjọnọọ ụ vaa nyị ẹngụ awụ nịnị obooro ịnị ịzẹyịza.

Ahẹ Ụgama 106:3

Aza ẹnẹ ẹ̀ yị mā mẹ irikichi, dị ahịka ịsa ana vọrọ ẹẹ̄ mẹ pooro nị ẹ̀ nyarị ịrẹsụ ọyịza.

Ẹtore 14:13

Dị mị wụ́ ọngwẹ hụrẹ ẹbẹẹba vẹ, dị ọ kà a mị ka, “Chẹrẹẹ ka aza ene èe sú agụvị Ananyị yị hụrẹ ọyaanị na, vaa daa jẹ! Dị Ụhwẹ Ọnịnị tụ́ ohi ka avọọ yịị yọ nị; ẹnịnị vaa tụ́ ụhwọ́ ịnị ụkọrọ ẹnịnị. Ẹyaa dọ ọgụ ụkọrọ ẹnịnị.”

1 Itimoti 2:15

Ama ányẹnẹẹ màa ma ozi, ẹ̀ẹ yaa yịị sị ayịị tụra Ohomorihi, dị e re yee sì ịrẹyị ọza, dị ẹyaa mẹ̀ ebira ọnịnị dị ẹ rẹ sị ụvọ za ẹngụ ẹnịnị nị, Ohomorihi vaa dọ waa há.

Aniroomi 7:12

Àa vị ọdaa yọ, ọda ọnị vị ọnịnị, avaba ọda ọnya-ọnya vị ọnịnị, dị ẹ vị ịzẹyịza, di e re zoza nị.

Odeyi 26:22

Ama Ohomorihi ộ mẹ̀ ọgụvọ mị pooro ve tù ajịnị, dị mị jẹẹ dị maa kà enube anịị yị onosiye ọnịrị azọbanyị nị. Mẹ yị kà ịrẹyị ọsa, ẹ̀ yị vị ịsị Imosiisi ọnịrị ọnịsẹ nịnị vịdị kà a ka ọ vaa mẹ.

Odeyi 13:43

Ịjị aza ẹnẹẹ sị gara hi, Aniju ọrụrụ-ọrụrụ ọnịrị Anigiriki, ama dị ẹ sị ahẹkẹ Aniju dọ, ệ saasa Ịpọọrụ ọnịrị Ịbanabasị. Dị Ịpọọrụ ọnịrị Ịbanabasị aa kà ịrẹyịị yị wa ka ẹ̀ dọ ayamva oni Ohomorihi aa sịị yị wa, dị ẹ̀ sị ụvọ za a.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Odeyi 2:42

Ẹnịnị ệ sị ụmẹ ẹnịnị tịtẹ kụkụ aa kọsẹ ịdị odeyi nịnị, dị ẹyaa sị ayịị yị ẹngụ, di e re dudu aa rị ịsọyịrị Ananyị yị, di e re dudu aa mẹ̀ aduwa nị.

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Ahẹ Ụgama 119:45

Ịzị màa yà me yi vee hí angwa, agụvị ka ọda awụ vị ọnị mị sị eyi pè.

Ahẹ Ụgama 119:32

Mẹ yị vaa sị ọda awụụ tụ́ aruvore, agụvị ka mâ yẹ ka ụ vaa mẹ ka maa yẹ ịrẹyịị hu avọọ.

1 Ịsamụwẹrị 12:14

Wàa nyị angwahi Ẹnẹyịmavara nịnị, dị ụ hẹkẹ ẹ, dị ụ rẹẹ wụ́ chire e nịnị nị. Wàa saasa ọda anị nịnị, dị ẹwụrị ohinọyị awụ nịnị zẹẹ ka wa saasa Ẹnẹyịmavara ana vị Ohomorihi nị, o vee ze yị wụ nịnị nị.

Ẹtore 22:14

Aza ana àa nyịna ịta ẹnịnị nị, agụvị à zụ sị oze yị ẹnị ka ẹnị ẹ̀ zụ rị ẹtụtụ ọchị anaā mẹ ka ọza ọ̀ yàra pooro zịna-zịna, dị ẹnị ẹ̀ rẹ zụ zị oze ịnị ẹkụra ọnọọ ngụ eehi, vaa daa jẹ.

1 Ịjọọnụ 2:24

Agụvị avọọ, navọ enube ọnị u vịdị sị wụ nịnị hụrị ụmọrụmọ ọ̀ yà ịnị ayị awụ nịnị. Enube ọnọọ ọ̀ọ yà ịnị ayị awụ nịnị, ẹwụrị Ozi Ohomorihi beri Ohomorihi Ada ayị vaa vaabẹ nịnị pooro.

Anikorasi 1:23

Áa nyị ka wa yịị sị ayịị tụra Ijeesu nịnị, dị ụ wa jẹẹ geri-geri nịnị, dị asị ụ zẹẹ ka à hụrẹ wụ nịnị hụụnị ọyịtureyi ọnị ụ nyị nịnị, ụ mẹ̀ wụ́ enube ọyịza nịnị. Â kà enube ọyịza ọnọọ yị avaba anẹhẹ. Ụkọrọ enube ọyịza ọnọọ ẹmị Ịpọọrụ kụkụ aa mẹ nị.

Aniroomi 2:13

Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị.

Aniroomi 8:2

Ị mẹ̀ kụkụ yà ịnị ụvọ Ụhwẹ Ohomorihi aanị, ọ raà mẹ ka ẹyịrị Ikirisiti ọ̀ vị ọnya, dị ya yàra obooro. Ụhwẹ Ohomorihi ọnọọ ọ sị mị dọ hụụnị ụvọ ọda anaā sịị ọzaa mẹ ịvị, di o sú.

Anigaratiya 6:2

Wee pe ẹngụụ za ẹnya ẹngụ nịnị! Wàa vavọọ aa mẹ nịnị, waa saasa ọda Ijeesu nịnị avọọ nị.