Ijemiisi 1:22 - IWE ỌNỊNỊ

²² Asị u vene ẹngụ awụ nịnị, dị ahịka ụ waa wụ́ ịrẹyị ọnọọ kẹnẹ nịnị nị; wa rẹẹ mẹ̀ ẹ nịnị bẹẹ.

Ijemiisi 1:22 Referans Kwoze

Aniroomi 2:13

Ayị vị ka vị ọza aa wụ́ ịrẹyị ọda ọnọọ kẹnẹ, dị Ohomorihi wụsẹ jị ịhị yọ nị. Eyiye, ịjị ọza àa mẹ̀ ịsa ọnị ọda ọnọọ kà, ịjọnọọ Ohomorihi vaa jị ịhị yọ nị.

Ịjọọnụ 13:17

Wa raà yẹ ịrẹyị ẹnẹnị nịnị. Ụ vaa daa jẹ nịnị, wàaa mẹ̀ ẹ nịnị.

Ijemiisi 4:17

Agụvị avọọ ọza ana àa yẹ ịsa ana vọrọ dị ẹ̀ yị mẹẹ nị, ịvị ọ vị yọ nị.

1 Ịjọọnụ 2:3

Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.

Iruuku 11:28

Dị Ijeesu ka, “Eyiye de, aza ana aa wụ́ ịrẹyị Ohomorihi, dị ẹ rẹ sị tụ́ ịnị ayị, ẹ vị ana jẹ nị.”

Imatiwu 12:50

Ọza ana àa mẹ̀ ịsa ana Ada amị ẹbẹẹba sì, ọnị ọ vị ọyịnyara amị ọnịrị onyeyiza amị beri ọnyị amị nị.”

Anikorasi 3:17

Ịnị avaba ịsị ụ wàa mẹ ọnịrị ịnị avaba ịrẹyị ọnị ụ wàa kà, waa mẹẹ anka ọza Ijeesu Ananyị yị. Waa kụ́ Ohomorihi Ada ayị avọ ini oze Ijeesu.

Ẹtore 22:7

Di Ijeesu ka, “Re, maa aa vẹ ịsọọnị-ịsọọnị. Ọza ana àa saasa ịsẹ ana a kà tụ́ ini iwe ọnọnị, vaa daa jẹ.”

1 Ịjọọnụ 3:7

Ẹwụ nịnị ezi emi, asị ụ zẹẹ ka à nyị ọza ene vene wu nịnị! Ọza ana àaā mẹ ịzẹyịza, ọnịrẹyịzẹyịza ọ vị nị, anka Ikirisiti ọnị mẹ̀ rẹ vị ọnịrẹyịzẹyịza.

Ijemiisi 1:26

Ọza ene èe ro ka ọnị ọ́ọ nyị ahẹkẹ, dị ọ̀ yị sị ụvọ za ịrarẹ anị nị, ọza ọnọọ ee vene ẹngụ anị. Ahẹkẹ ẹngụ ọza ọnọọ vị ahẹkẹ osusu kẹnẹ-kẹnẹ.

Anigaratiya 6:7

Asị u vene ẹngụ awụ nịnị! ẹ yị nyị ọza ana zụ mẹ Ohomorihi rị. Ịsa tụra ịsa ọnị ọza òo chire, ọnị ọ rẹ vaa há nị.

3 Ịjọọnụ 1:11

Ọta amị, asị ụ sị eyi sì ọza na mẹ̀ ebira odivi; ama waa sị eyii sì ọzaa mẹ̀ ebira ozoza! Ọza ana àa mẹ̀ ịsa ozoza, ọ vị ozi Ohomorihi nị; ama ọza ana àa mẹ̀ ịsa odivi ẹ́ yị yẹ Ohomorihi vụrụ-vụrụ.

Anigaratiya 6:3

Àa nyị ọza ene ro ka áa nyị ịsị ọnị vị, ịnị ụmẹ ana ahịka ẹ yị nyị ịsị ọ vị, ọza ọnọọ ee vene ẹngụ anị.

1 Anịkọrịntị 6:9

Máa yẹ ka wáa yẹ nịnị kaakara ka ọza ẹnẹ ẹ̀ yị nyị ịzẹyịza, ọ yị vaa ngụ ịzị Ohomorihi yà aa mẹ ịjọva. Asị ụ vene ẹngụ awụ nịnị oo! Ọmụnọ nịnị ọnịrị aza ana aa hẹkẹ ori, beri ọsẹrẹka nịnị ọnịrị ọnọrụ nịnị anaā nọ ịdị ọnọrụ ọsa anka ọnẹẹ avọọ,

Imatiwu 28:20

Sị zụ̀ wa nịnị ka ẹ̀ẹ saasa avaba ịsa ọnị mị mẹ ọda anịị wụ nịnị! Tamayị, mị vaa yàa pe wu nịnị ịnị avaba ụmẹ pooro ne tù ọdịrẹma ẹhẹ.”

1 Ịjọọnụ 1:8

Yàa kà a ka yẹ yị nyị ịvị, i yee vene ẹngụ ayị, yẹ yị nyị ịzẹyịza vụrụ-vụrụ.

Anihwiripi 4:8

Ẹwụ nịnị ẹyịnyara amị, maa za ịrẹyị amị ịrẹsụ. Ẹngụ ịrẹyị ẹnẹnị a vọrọ ka wee ro nịnị nị: ịrẹyị ana àa vị ịzẹyịza, dị ọ vị ịrẹyị obooro nị, ọnịrị ịrẹyị ana àa vọrọ, dị ọ rẹ nị nị, beri ịrẹyị ana aza èe sì ịrẹyị anị, dị a raa kà ọyịza anị nị; ịsị ẹ̀ẹ vị ebira ozoza, dị aza raa ga a nị, wee ro ẹngụ ịrẹyị ọnọọ nịnị.

1 Anịkọrịntị 15:33

Asị ụ zẹẹ ka è vene wu nịnị! Ogu odivi vị eneē du ebira ozozaa ha,

Ẹtore 12:9

Dị a dụ uye odivi ọbanyị ọnọọ jịnẹ tụ́ ẹhẹ nị. Ọnị ọ vị ẹwụ ịyẹẹyẹ ọnọọ ana aā hị́ Echu ọnịrị Isitani nị. Oni o vene avaba anẹhẹ nị. Dị a dụ ọọ jịnẹ va ngụ ẹhẹ, dị a rẹ dụ anggẹẹrị anị jịnẹ saasa a nị.

2Ipita 2:13

Ụya ẹnẹ yaa sịị yị aza avọọ, Ohomorihi rẹ vaa sị ụyaa rị waa si atọ. Óo zé wa eyi ka ẹnị ẹ̀ẹ rị ịsa chavaa, dị ẹ̀ rẹẹ mẹ̀ ebira kẹnẹ-kẹnẹ, ọ̀ọ daka vị ọọdụ gaaga. Wàa kụ́ gụ aa rị ịsa, dị ẹ yà ịnị akakana awụ nịnị nị; ịdọtị ẹ vị tụ́ ịnị ịragụ awụ nịnị nị, dị eyee vene wu nịnị, dị ẹyaa rị ịsa chavaa kẹnẹ.

Ịtayịtọsị 3:3

Yáa yẹ ka ẹyị nyẹmba vịdị vị ọnụra, dị ị rẹ vị anakamawụ, di e reè vene yi nị. Dị yaa hẹkẹ ịsa edivi ọnị ọchẹngụ ayịị̄ sì, dị ị rẹ dụ ọda ụbanyị ẹhẹ ọnọnị ọyịmẹ̀ nị. Ịị̄ vịdịị mẹ̀ ebira edivi, dị yaa mẹ eyọhụrẹ, dị yaa kụ́ ayị aza, dị ị hyakụ aa kụ́ ayị ẹngụ bẹẹ nị.

Ọbadaya 1:3

Ọyị sị ẹngụ tụ ẹba Anedomi nịnị ọ sị wa vene. Agụvị ka ẹẹ ra ịrẹsụ ataba, dị ẹ sị ịrẹta-ịrẹta jị ọvọ okiri-okiri kara ohyẹtẹ ẹkụra ẹnịnị, di ê ro ka ẹ yị nyị anẹkụra ẹnyẹnyị ene zu ziizi ẹnị ụvọ nị.

Ayịsaya 44:20

Vị́ ọ kụkụ sị mẹẹ anka ọza anaa rị atịtọ avọọ nị. Ịrẹyị ụrụụra ẹnẹẹ ro ọ́ raa mẹ̀ ẹ nyeeyi. Ẹ yị zụ dọ ẹngụ anị tụ. Ẹ yị zụ họ̀ ẹngụ anị ka, “ẹ yị vị evene kẹnẹ ori ọnị mị sị rị ụvọ ụvọrị aanị vị?”

1 Anịkọrịntị 3:18

Asị a nyị ọza ene vene ẹngụ anị! Ọza ene èe ro ka ọnị ọ́ọ yẹ ịrẹyị ịnị ẹhẹ ọnọnị, ọ̀ vara ọnụra, agụvị dị ọ̀ zụ yẹ ịrẹyị booro!

2 Itimoti 3:13

Ama aza edivi ọnịrị enevene nịnị vị oni o vee divi yii hu avọọ hu avọọ. E vee vene ọza, dị e re vene ẹnị.

Ijeremaya 11:6

Ijeremaya ka, dị Ẹnẹyịmavara kà a yị ọnị ka, ọnị ọ̀ nọ ẹkụra ene hi Ijuda ọnịrị utoze-utoze Ijerusarẹmị dị ọnị ọ̀ naa nọ̀ọ avaba ịrẹyị ọnọnị yị wa nị. Ọ ka ọnị kà a yị wa ka ẹnịnị ẹ̀ wụ́ ịrẹyị ọnị ẹnị dọ beri ẹngụ tụ ịnị anị dị ẹnịnị ẹ̀ saasa a.

Ijemiisi 4:11

Ẹwụ nịnị ẹyịnyara amị, asị ụ rẹ kà ịrẹyị odivi ẹngụ nịnị! Ọza ana àa kà ịrẹyị odivi ọnọhụva anị, à vị ka dị ọ jị ịvị yọ, ọda Ohomorihi ọ́za ọnọọ aa kà ịrẹyị odivii hi, dị ọ raa jị ịvịị yị avọọ nị. Yẹ ka wàaa jị ịvịị yị ọda Ohomorihi, wẹ yị kụkụ mẹ̀ ịsa ọnị ọda kà, ụ kụkụ aa jị ịvịị yọ avọọ nị.