Ijemiisi 1:21 - IWE ỌNỊNỊ

²¹ Agụvị avọọ, sị ụvọ hụụnị avaba ebira ịdọtị ọnịrị ebira odivi nịnị! Ká ịrẹsụ hi yị Ohomorihi, dị ụ wa dọ ịrẹyị oni o chire tụ́ ịnị ayị awụ nịnị. Ịrẹyị ọnọọ ọ zụ dọ ụhwẹ awụ nịnị há nị.

Ijemiisi 1:21 Referans Kwoze

Anẹhwẹsọsị 4:22

Agụvị avọọ kụkụ sị ebira awụ nịnị ịyẹẹyẹ tịtẹ! Ebira ọnọọ vị ịsa ọnị ọchẹngụ ọzaā sì eneē vene ọza; ọ sị wụ nịnị wụ da.

Anẹhwẹsọsị 1:13

Avọọ ọ mẹ̀ rẹ yà yị ẹwụ nịnị nị. Ụ mẹ̀ wụ́ enube ọyịza ana vị ịzẹyịza ana mẹ ka Ohomorihi ọ̀ dọ wụ nịnị há, wá sị ayị tụra Ikirisiti nịnị. Ẹwụ nịnị ọnị ọnịrị Ikirisiti sị vị ọnya, Ohomorihi ộ sị apọtẹrẹwa tụ́ wụ nịnị ẹngụ ka ọnị ọ nyị wụ nịnị nị. Ụhwẹ Ọnịnị ọnị ọ kà a ka ẹ yị zụ nyị ka ọnị ọ yị vaa sịị wụ ọ jẹẹ yị apọtẹrẹwa ọnọọ nị.

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

Ịjọọnụ 6:63

Ụhwẹ Ọnịnị ọọ̄ mẹ̀ ka ọza ọ̀ yàra nị; ịrẹyị ọza vị osusu kẹnẹ-kẹnẹ. Ịrẹyị ọnị maa kà a wụ nịnị aanị vị Ụhwẹ Ọnịnị, ọ rẹ zụ mẹ ka aza ẹ̀ yàra.

Ahẹ Ụgama 25:9

Ẹnẹyịmavara vị ana aā sị oze zụ̀ aza ana ka ẹngụ ẹnịnị chi Dị aa sịị zụ̀ wa ẹngụ ebira ọnị ọ yẹ ka ộ vọrọ ka ẹ̀ vavọọ mẹẹ.

1Ipita 2:1

Agụvị avọọ, hụụnị avaba ịsa odivi! Asị u ré vene ọza nịnị vụrụ-vụrụ! Asị ụ rẹ̀ mẹ ogevegeve nịnị! Asị ụ rẹ̀ mẹ eyọhụrẹ nịnị! Asị u rè du ọza nịnị.

Anihiburu 12:1

Wee re ka áa nyị onivenu ọrụrụ-ọrụrụ ana kara yị aanị. Agụvị avọọ ịsa tụra ịsa ana àa vaa dọ yị oro, à vẹ ya sị ọọ kwooze beri ịvị anaā paraa za yị biri-biri! À vẹ ya jẹẹ geri-geri, di yee zwe echi ana yà ọvịdị ayị!

Ijemiisi 4:8

Kà pe Ohomorihi nịnị, ka ọnị rẹ vaa kà a pe wu nịnị! Ẹwụ nịnị ọnịvị, sị ụvọ hụụnị ịsa odivi nịnị! Tenyi ayị awụ nịnị, ẹwụ nịnị ana aa mẹ ayị ẹẹva!

Ịtayịtọsị 2:11

Ohomorihi ọ raa sị ayamva anị zụ̀ avaba aza, ana zụ mẹ ka avaba aza ẹ̀ zụ há.

Aniroomi 1:16

Mẹ yị nyị ụhị agụvị enube ọyịza. Ụkata oni Ohomorihi aa sị dọ ọza ana dọ wụ́ụ há ọ vị nị. Aniju nịnị o vịdị tù, di o re ve tù Anigiriki u nịnị nị.

Anihiburu 4:2

A ma rẹ kà enube ọyịza ọnọnịị yị aanị, a rẹ kà a yị ẹnị ịnị ụnọmị nị. Ama ịrẹyị ana a kà yị wa ẹ yị mẹ ọgụvọ yị wa vụrụ-vụrụ, agụvị ka ẹ mẹ̀ wụ́ ọ, ẹnịnị ẹ yị dọ ọ wụ́.

Anihiburu 2:3

Yéé ro ka ẹyị àa sị ụvọ dẹmbẹrẹ sị ịrẹyị ẹdọha ana maanị banyị aanị, ka ya zụ há? Ananyị yị ọnị ụvọta ọ vịdị kà a yị aza nị. Dị aza ana wụ́ ọọ ẹnị rẹ sị zụ̀ yị ka ịzẹyịza ị́rẹyị ọnọọ vị nị.

1 Anịkọrịntị 15:2

Ini oze enube ọyịza ọnọọ Ohomorihi aa yàa dọ wụ nịnịị há nị, wàa yị jẹẹ pe ịrẹyị ọnị mị vịdị kà wụ nịnị, àyị vị ahịka ụ wẹ̀ yị dọ wụ́ nịnị booro nị.

Aniroomi 6:17

Wâ vịdị vị ọrịhị ịvị nịnị da. Ama yáa kụ́ Ohomorihi avọ, agụvị ka wa va raà sị avaba ayị awụ nịnị dọ ịrẹyị ana aa sịị zụ̀ wụ nịnị.

Ayịsaya 29:19

Ẹnẹyịmavara ana vị Ohomorihi ẹnịnị ana Anisirẹrị aa hẹkẹ rẹ vanaa mẹ ka onosiye nịnị ẹ̀ rẹẹ jẹ.

Ịjọọnụ 6:68

Dị Ịsayịmọnị Ipita tụ́ ohi, dị ọ ka, “Ananyị yị, ẹnẹ ẹyị kụkụ aa káa na? Ẹwa nyị ịrẹyị ana zụ mẹ ka ọza ọ̀ yàra pooro zịna-zịna nị.

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

2 Anịkọrịntị 7:1

Ẹwụ nịnị anda ayị, avaba ayị a kà a ka a vaa mẹ̀ ịsa ẹnẹẹ yị nị. Agụvị avọọ, à vẹ ya nyịna ẹngụ ayị hụụnị avaba ịsị ẹẹ̄ mẹ ka asị ẹngụ ọza ọnịrị ayị ọza nị! À vẹ ya vị Ohomorihi saka-saka ini oze angwahi Ohomorihi ọyịnyị.

Ayịsaya 30:22

Ịjọnọọ ụ vaa kụ́ ori ụ bẹ dị u kụ́ ẹkẹhị ọnịrị igooru kú ọ, dị ụ kụ́ wa aa và ha anka ụsẹ ana aa nyị ọza ịhyẹrẹ avọọ. Dị ụ ka, “Nyaanyị, mẹ yị kụkụ nyị!”

Ayịsaya 2:20

Ịhị ọnọọ aza vaa kụ́ ori ẹnị ẹ sị enyusẹ ẹkẹhị ọnịrị igooru mẹ dị ẹ yaa hẹkẹ ẹ, di e ne wa ta yi isu ọnịrị arịga.

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Ayịsaya 61:1

Ụhwẹ Ọnịnị Ẹnẹyịmavara Ohomorihi ộ dọ avaba ayị amị, Ọ raà nyị mị, dị ọ tụ́ mị Ka ma Kà enube ọyịza yị onosiye nịnị Dị ma mẹ ụkụ aza ọnị ayị ẹnịnị dụ dị ma nọ ọ ọyịhụrẹ ụvọ aza ana a za a ọnịrị ẹngwọọrọ yị

1Ipita 1:9

Agụvị ka waa sị ayị tụra a nịnị, ọ vaa dọ wụ nịnịị há nee tù ẹtẹ.

Aniroomi 11:17

 dà ẹnyị ịnị avọ oromi obooro. Ẹwụ nịnị ẹnẹ ẹ̀ yị vị Aniju vị ana sị mẹẹ anka avọ oromi ịnị avị avọọ.  sị wụ́ chire oromi obooro ọnọọ. Dụ ụ kụkụ aa rị ịsọyịrị ozoza ẹnẹ ẹpa oromi obooro aa sịị vẹ.

Odeyi 10:33

Dị mị wụsẹ tụ́ va hị́ wụ nị. Wâ mẹẹ dị ụ vẹ. Avaba ayị hi ọvịdị Ohomorihi ịzẹnị, yee zí ka ya wụ́ ụtụ oni Ohomorihi ọ̀ọ tụ́ wụ hi yi.”

Imatiwu 5:5

Aza ana nyị ebira hẹẹ vaa daa jẹ, agụvị ka ẹnị Óhomorihi vaa sị avaba ẹhẹẹ yị nị.

Ịzẹhwanaya 2:3

Ama aza ana nyị angwahi Ẹnẹyịmavara ene hi ịzọọ, èe ro ịnẹ, dị ẹ saasa ọda anị nị, ẹyịyara Ẹnẹyịmavara vaa vayị ẹnịnị dị ọ dọ wa ha hụụnị ọyịkụ anị.

Ezikẹẹrị 36:25

Ọnị vee che enyi ana nịị sẹ ẹwụ nịnị ẹngụ, dị ọnị nyee avaba ịdọtị ori awụ nịnị kwooze. Ọnị re vee nyee avaba ịsa ana vọ ene du wu nịnị ẹngụ kwooze.

Ezikẹẹrị 18:31

Sị ụvọ hụụnị ebira odivi ọnị waa mẹ nịnị, dị waa dọ ayị ọwọọwa ọnịrị ụhwẹ ọwọọwa nịnị. Ẹwụ nịnị Anisirẹrị, sị ẹ vẹ di wee sì ka we sú nịnị?

1 Anịtẹsaronika 1:5

Ị mẹ̀ vịdị va kà enube ọyịza wụ nịnị, ayị vị ịrẹka kẹnẹ ị za vẹ. Ohomorihi ộ sị ụkata anị zụ̀ ini oze enube ọnọọ. Enube ọnọọ vị ana hụụnị ụvọ Ụhwẹ Ọnịnị vẹ. Ộ sị zụ̀ ka enube ọnọọ vị ịzẹyịza. Wáa yẹ, ị mẹmẹ aa mẹ̀ ebira, ị mẹ̀ yà ịdị awụ nịnị ịzọọ. Agụvị awụ nịnị ị vavọọ aa sịị mẹ nị.

Anẹhwẹsọsị 5:4

Ẹ yị rẹ vọrọ ka waa kà ịrẹyị ịdọtị ọnịrị ịrẹyị kẹnẹ-kẹnẹ nịnị. Ama ịsị a vọrọ ka waa mẹ nịnị ọ vị ka waa kụ́ Ohomorihi avọ nịnị nị.

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

Ijemiisi 5:20

yẹ ka ọza ana mẹ ka ọnịvị ọ̀ và hụụnị oze oni o zi nyeeyi, ọ vaa dọ ọ há hụụnị isu. Ọ rẹ vaa mẹ ka Ohomorihi ọ̀ vagu ịvị ọrụrụ-ọrụrụ.

1Ipita 1:22

Wa sị ẹngụ awụ nịnị vara aza ọnịnị, agụvị ka waa saasa ịzẹyịza Ohomorihi nịnị; agụvị avọọ di u kuku ee sì ịrẹyị ọdọwụ anda ayị nịnị ẹtẹẹtẹrẹ nị. Agụvị avọọ, wa yịị sị avaba ayị awụ nịnịị sì ịrẹyị ẹngụ nịnị ẹtẹẹtẹrẹ.