Ijemiisi 1:10 - IWE ỌNỊNỊ

¹⁰ Ọdọwụ ana vị ọzọbanyị, ọnị ọ̀ rẹẹ jẹ ka Ohomorihi ọ sị ọnị kà chi; agụvị ka ódodoo nịnị mẹẹ̄ sụ̀ụ vaa ha, avọọ ọzọbanyị mẹ̀ vaa para ụbanyị anịị hu nị.

Ijemiisi 1:10 Referans Kwoze

1Ipita 1:24

Avaba aza vị ana sị mẹẹ anka avị avọọ Uzoza ọza vị ana sị mẹẹ anka ododo avị Ịjị avị ọ̀ọ sị wụ̀, dị ododo anị wọ̀rọ̀ va ha.

1 Ịjọọnụ 2:17

Yẹ ka ẹhẹ vị ana aa ta; avaba ịsa ene hi ịnị anị ana aza sị eyi tụ́ ịnị anị, ẹnị vị ene ree du. Ama ọza ana àa mẹ̀ ịsa oni Ohomorihi sì, ọnị ọ vaa jẹẹ pooro zịna-zịna nị.

Ijoovu 14:2

Ẹhẹ ẹyị ọza sị mẹ anka ododo ene e yi me ku di o su avọọ nị. Ọ ya viiri anka ụ̀mọ̀mọ́ ọza avọọ nị.

1 Itimoti 6:17

Aza ana vị ọzọbanyị ịnị ẹhẹ ọnọnị, hú wa ụvọ ka asị ẹ na mẹ eyi! Kàa ka asị ẹ na sị eyi tụra ụbanyị ana ahịka ọ mā za jẹẹ! Ama kà a ka ẹ̀ sị ayị tụra Ohomorihi anaā mẹ ẹyịza! Ọnị ọọ̄ sị avaba ịsaa yị ka ya sịị mẹ inohine.

Imatiwu 5:3

“Aza ana yẹ ka ẹnị ẹ̀ yị yẹ Ohomorihi a mẹ̀ vọrọ, vaa daa jẹ, agụvị ka ẹnị ẹ vaa ngụ ịzị Ada ayị ẹbẹẹba yà aa mẹ ịjọva nị.

1 Anịkọrịntị 7:31

Ọza ana àa nyị ịsa aa mẹ ịnị ẹhẹ ọnọnị, ẹ̀ẹ mẹ anka ọza ẹnẹ ẹ̀ yị sị avaba ayị anị tụ́ ọọ! Agụvị ka ẹhẹ ọnọnị mẹ̀ yà booro aanị, aa vaa ta.

Ahẹ Ụgama 103:15

Ẹhẹ ọza vị ana si mẹẹ anka ododo ịnị avị avọọ. Ịsọnị-ịsọnị dị ọ yara hi ẹtẹ,

Ijemiisi 4:14

Ama wẹ yị yẹ ịsị ụhwọọ vaa vị nịnị. Sị ụ sị ọ hị́ ka ụhwẹ awụ nịnị ọ́ọ vị? Vị ụ sị mẹẹ nịnị anka eguhi ene èe chire chee, dị ọ wụsẹ ta avọọ nị.

Imatiwu 6:30

Ohomorihi ọ̀ọ vavọọ sị uzoza yị avị, oni u wèe re ajịnị, ụhwọọ dị a sị ọọ ká tụ́ ịnị ịra, wé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ!

Ayịsaya 66:2

Ọ kà ọnị ọ mẹ ẹbẹẹba ọnịrị ẹtẹ nị. Avaba ẹhẹ vị anị. Ayị anị o hine tù aza anaā ka ẹngụ ẹnịnị chi, dị ẹ sị ayị tụra ọnị kẹnẹ, di e hí angwa anị ọ̀ọ ka ịrẹyị.

Ayịsaya 40:6

Ọngwẹ ọnya kà nowu tụ́, dị Ayịsaya họ̀ ka enube ịsị ọnị vaa ka kẹ? Ọ kà Ayịsaya ọ̀ kà a a ka, avaba aza vị ana sị mẹẹ anka avị ẹnẹ ẹ̀ yị mā jẹẹ dị è sú. Uzoza ọza vị ana sị mẹẹ anka ododo avị ẹnẹ ẹ̀ yị mā jẹẹ dị ẹ̀ wọ̀rọ̀ va ha.

Anihwiripi 3:8

M mẹ̀ hụrẹ va yẹ Ijeesu Ikirisiti ka ọnị ọ nyị mị nị, avaba ịsa ana vọ vị ọnị mị kụkụ za ịrịka tụ́ ịnị ịsa kẹnẹ-kẹnẹ. Ọnọ o huna avaba ịsa ẹnẹẹ nị. Mé yi re wa anka ịhyẹrẹ, agụvị ma kụkụ va rị ọgụ obooro ana vị Ikirisiti.

Ayịsaya 57:15

Ẹma vị Ohomorihi ọnịnị ana nẹba nị. Ẹma yàra pooro zịna nị. Aha ana nẹba dị ọ vị ọnịnị mị ra nị. Ama mị rẹẹ raa pe aza ana ka ẹngụ ẹnịnị chi, di e ro ịnẹ varẹma. Ọ vaa mẹ ka ma mẹ ka ayị ẹnịnị ọ̀ vana nẹtẹ, dị ẹ rẹ nyị ọyịtureyi.

Ahẹ Ụgama 102:11

Ẹhẹ amị vị ana yà chee anka ụmọmọ ọnị ọzaā re oruva avọọ, ịsọnị-ịsọnị dị ộ ta anka avị avọọ.

Ahẹ Ụgama 37:2

Wê re avị mèe nyị, òo tù ụpẹ ọnya kẹnẹ dị ọ rị ịra va ha avọọ ẹhẹ aza edivi mẹ̀ yà nị Ọ yị jẹẹ dị ẹnịnị è sú va ha.

Ahẹ Ụgama 39:6

nyị ịsị ẹhẹ ọza vị vụrụ-vụrụ ộ. Vi ee zwee vàa chii vàa hịrẹ kẹnẹ nị Ọ̀ọ gụ ogu gụ, ọ yị yẹ ọza ana vaa rị ọ.

Ayịsaya 40:7

Avị ọ̀ọ sị wụ̀, di ododo anị za. Ịjị Ẹnẹyịmavara ọ̀ọ tụ́ ahị, dị ẹ wọrọ va ha. Avọọ gẹdẹ-gẹdẹ aza mẹ ya nị.