Ihwirimọnị 1:9 - IWE ỌNỊNỊ

⁹ Ama agụvị ka me sì ịrẹyị awụ, ịpẹ m maa dáa wụ nị. Wáa yẹ ka ẹmị Ịpọọrụ, ma sị vị ọzọkụ, dị mị rẹ yà ịnị ẹngwa agụvị Ijeesu Ikirisiti booro aanị nị.

Ihwirimọnị 1:9 Referans Kwoze

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

2 Anịkọrịntị 5:20

Ẹya vị odeyi Ikirisiti tụ́ ịzẹnị nị. Vị ọ sị mẹẹ ka Ohomorihi ụvọta aa zị oze ịnị ụvọ ayịị dá ịpẹẹ wụ nịnị aanị nị: “Yâ sị Ikirisiti dá ịpẹẹ wụ nịnị ka wa navọ Ohomorihi ọ̀ vara wụ nịnị ọta anị.”

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

1Ipita 2:11

Ẹwụ nịnị ọnị mi sì, wâ yẹ nịnị ka ọzọga ụ vị hi ịnị ẹhẹ nịnị nị. Agụvị avọọ, maa dá ịpẹẹ wụ nịnị: Và hụụnị ịsa edivi ọnị ọchẹngụ awụ nịnị sì. Ịsa ẹnẹẹ vị ana và eyi ịrazị kà ayị awụ nịnị.

Anihiburu 13:19

Hu keekere, aarịhịnị waa mẹ̀ aduwa nịnị ka me re oze jintu vavẹ ịdị awụ nịnị!

2 Anịkọrịntị 6:1

Vi i dudu ee pe Ohomorihii mẹ̀ ụkọrọ nị. Yaa da ịpẹẹ wụ nịnị ka ọyịza oni Ohomorihi mẹ wụ nịnị, asị ụ dọ ọ kẹnẹ-kẹnẹ nịnị,

Ayịsaya 46:4

Ẹma vị Ohomorihi awụ nịnị nị. Mị vaa tẹsị awụ nịnị pooro di u we bo, di u we nyị ẹwa nịnị nị.

Ụhịrẹyị 16:31

Ẹwa vị ụbanyị yị ọza ene bo tu ọ; aha ọ vị ka ọza ọ ra ẹhẹ ọyịza nị.

Ahẹ Ụgama 71:18

Aarịhịnị mèe si bo di mi kụ́ ẹwa nyị nị, asị u hi ayị amị. Navọ wa jẹẹ mị ịrẹma pooro dị ma kà ịrẹyị ụkata awụ yị ezirẹma ana aa vẹ. Ohomorihi, ẹ yị nyị ọza ana zụ yẹ ta ụkọrọ ẹbanyị-ẹbanyị ọnị waa mẹ, nyị ọza ene e sii juwe awụ.

Ahẹ Ụgama 71:9

Ohomorihi, aarịhịnị kwogwo, mèe si bo, dị mẹ̀ yị kụkụ nyị ụkata nị, asị u nē mi ta.

Anigaratiya 3:26

Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị.

Anẹhwẹsọsị 6:20

Odeyi Ikirisiti mị vị nị, ộ tụ́ mị ka ma naa kà enube ọyịzaa yị aza nị; agụvị anị mị hyakụ yà ịnị ẹngwa booro aanị nị. Mẹ aduwa yị mị nịnị ka ma nyị ọtụtụrụma dị ma yịị kà a, anka ọ mẹ̀ vọrọ!

1 Itimoti 1:12

Máa kụ́ Ijeesu Ikirisiti Ananyị yị avọ, agụvị ka aa sị ụkataa mị. Ma rẹ kụ́ ọọ avọ, agụvị ka ộ za mị ịrịka ka máa nyị ịzẹyịza, dị ọ sị mị tụ́ ịnị ụkọrọ anị nị.

Ịtayịtọsị 2:2

Kàa yị anọrụ ana sị vị azọkụ ka ẹ̀ sị ụvọ za ẹngụ ẹnịnị, dị ẹ̀ nyị ebira ana vọrọ, dị ẹ̀ẹ mẹ̀ ebira ịrẹyọyẹ. Ẹnịnị ẹ̀ sị ayị tụ́ ịnị ẹdọwụ obooro. Kàa ka èe sì ịrẹyị ọza, dị ẹ̀ rẹ nyị ayọnẹtẹ.

Ọdọvịdị 21:22

Ịjị ada ẹnịnị ọnịrị ẹnẹbẹnị ẹnịnị ẹ sị ọyịkụ va họ̀ ẹnị use ka sị ẹ vẹ, ẹnị vaa kà a yị wa ka ẹ mẹ ayamva yị ẹnị dị ẹ sị mẹ ọgụvọ yị Anịbẹnjamịnị agụvị ka ọza ẹ yị re ọnẹẹ yị wa nyị ịnị ụmẹ ịrẹkụ. Wẹ yị rị ịvị nịnị agụvị ka e yị vị ẹwụ nịnị ọ sị ozi ewu nịnị ga wa.