Ihwirimọnị 1:7 - IWE ỌNỊNỊ

⁷ Ẹnẹbẹnị, ịrẹyị ọza ọnị u sì, ộ mẹ̀ ka ịnẹ amị ò hine ẹtẹẹtẹrẹ, ộ rẹ sị ọtụtụrụma mị bẹẹ. Wa raà mẹ ka avaba aza Ohomorihi ẹ̀ nyị ayọnẹtẹ.

Ihwirimọnị 1:7 Referans Kwoze

2 Anịkọrịntị 7:13

Ịsị ẹ mẹ ka ya nyị ayọnẹtẹ ọ vị ọnọọ nị. Ẹ yị vị ka ayị ayị ộ nẹtẹ, ama yâ jẹ hu avọọ agụvị ka ịnẹ Ịtayịtọsị ô hine, agụvị ka wâ kụ́ ọ ẹngụ nịya nịnị.

1 Anịtẹsaronika 3:9

Yẹ yị nyị ẹngụ kụ́ Ohomorihi avọ booro aanị agụvị awụ nịnị. Yaa kụ́ ọọ avọ agụvị inohine ọnị ị nyị ọ́vịdị Ohomorihi agụvị awụ nịnị.

2 Anịkọrịntị 7:4

Mâ sị ayị tụra wụ nịnị ẹtẹẹtẹrẹ, dị mị raa sị wụ nịnị mẹ eyi nị. Yâ daka aa rị ụya pooro, ma nyị nyị ayọnẹtẹ, ayị amị vị ene ee yii hine ẹtẹẹtẹrẹ.

Ihwirimọnị 1:20

Ẹnẹbẹnị ayị, aarịhịnị hụ agụvị Ananyị yị dụ wa mẹ̀ ịsa ọnọnị mị. Sị ayị amị nẹtẹ agụvị ka ẹmịrị ẹwụ vị ọnya ini Ikirisiti.

1 Anịtẹsaronika 2:19

Sị ị daba sị eyi tụra? Sị aa mẹ ka yaa jẹ? Sị ẹ vị ọgụ ayị ọnị yaa sịị mẹ ụbanyị ọvịdị Ijeesu Ikirisiti Ananyị yị, ọ̀ọ vẹ? Ẹyị vị ẹwụ nịnịị?

2 Ịjọọnụ 1:4

Ịnẹ amị ô hine ẹtẹẹtẹrẹ m mè re ka ezi ewu ẹnyị aa mẹ ịzẹyịza anka Óhomorihi Ada ayị mẹ̀ mẹẹ ọdaa yị.

2 Itimoti 1:16

Ohomorihi ọ̀ vayị aneehi Onesihworọsị. Ụmẹ tụra ụmẹ ọ sịị kụ́ mị ẹngụụ nịya nị. Ụhị ọyị nyị ọ ka mị yà ịnị ẹngwa

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.

1 Anịtẹsaronika 1:3

Ịị̄ tamayị awụ nịnị pooro ọ́vịdị Ohomorihi Ada ayị, anka ụ mẹmẹ aa sịị zụ̀ ka wáa sị ayị tụraa ini oze ụkọrọ awụ nịnị nị. Ịrẹyị ọza oni u sì raa mẹ ka waa mẹ̀ ụkọrọ nịnị ẹtẹẹtẹrẹ, vị ụ rẹ nyayịnẹ ee zí Ijeesu Ikirisiti Ananyị yị eyi nịnị.

1 Anịkọrịntị 16:18

Ẹ raà kụ́ mị ẹngụ nịya, anka ẹ mẹ̀ rẹ kụ́ ẹwụ nịnị ẹngụ nịya. Â vọrọ ka wa sị ụbanyị yị ẹngụ aza ẹnẹẹ nịnị!