Ihwirimọnị 1:16 - IWE ỌNỊNỊ

¹⁶ Ẹ́ yị kụkụ vị ọrịhị awụ kẹnẹ Onesimọsị vị, o si huna ọrịhị yị wụ. Ọyịnyara ayị ini Ikirisiti ọ kụkụ vị nị. Ịsa obooro ọ vị mị nị; máa yẹ ka ọ vaa vị ịsa obooro hu avọọ yị wụ anka ọza, dị ọ rẹ kụkụ va vị ọdọwụ bẹẹ.

Ihwirimọnị 1:16 Referans Kwoze

Anikorasi 3:22

Ẹwụ nịnị ezi ahụ, avaba ịsị ọga awụ nịnị ẹ́hẹ ọnọnị ọ̀ọ kà a wụ nịnị, waa wụ́ nịnị Asị a hị́ ka wèe re wa nịnị kẹnẹ, ụ waa wụ́ ịrẹyị ẹnịnị anka omeyọza avọọ nị. Ama waa sị ayị ọnyaa mẹ̀ ụkọrọ anka ọ mẹ̀ vọrọ tụra ọza ana nyị angwahi Ohomorihi.

Imatiwu 23:8

Asị ụ rẹ̀ kà a ka àa hị́ wụ nịnị ‘Ananyị yị’! Ọza ịnya kẹnẹ ọ nyị wụ nịnị nị. Avaba awụ nịnị vị ẹyịnyara.

1 Itimoti 6:2

Ezi ahụ ana àa nyị ọga ana vị ọdọwụ, asị ẹ sị eyi oweyi ree, agụvị ka ọ́ọ mẹhị vị ẹnẹbẹnị ẹnịnị. Vị a vọrọ ka ẹ̀ hyakụụ mẹ ụkọrọọ yị waa hu avọọ nị, agụvị ka aza ana aa rị ọgụ ụkọrọ ẹnịnị vị ọdọwụ ene e sì ịrẹyị anị. Waa sị ịsa ẹnẹnịị zụ̀ aza, di u we sii pe waa juwe!

1 Anịkọrịntị 7:22

Ọza ana àa vịdị vị ọrịhị dị Ananyị yị va hị́ ọọ ka ọnịrị ọ ọ̀ vị ọnya nị, ozi ọ kụkụ vị yị Ananyị yị nị. Ọza ana àa rẹ vị ozi dị Ananyị yị va hị́ ọọ nị, ọ kụkụ sị vara ọrịhị Ananyị yị.

Anihiburu 3:1

Ẹwụ nịnị anda ayị, Ohomorihi ọ sị wụ nịnị nyị tụ́ irenyi yị ẹngụ anị. Ọ rẹ hị́ wụ nịnị ka wa nyị tụ́ ịdị anị ẹbẹẹba. Agụvị avọọ ro ịrẹyị Ijeesu nịnị ana vị odeyi ọnịrị ohirẹsụ ọbanyị irehi Ohomorihi ayị. Ọnị ị dọ wụ́ nị.

Odeyi 9:17

Dị Ananịya na, dị ọ ngụ irehi ọnị Ịsọọrụ yà, dị ọ sị ụvọ tụra a nị. Dị ọ ka, “Ịsọọrụ ẹnẹbẹnị ayị, Ananyị yị ọ tụ́ mị hi wu nọ. Ijeesu ọnị ụvọta m maa kà nị, ana sị ẹngụ zụ̀ wụ óze, ụ màa vẹ ịzẹnị. O ka ma vẹ, di eyi awụ ọ̀ varẹma há, dị Ụhwẹ Ọnịnị ọ̀ rẹ dọ avaba ayị awụ!”

1 Ịjọọnụ 5:1

Ọza tụra ọza ana àa dọ ka Ijeesu ọ vị Ikirisiti nị, ozi Ohomorihi ọza ọnọọ vị nị. Wèe sì ịrẹyị ada ọza, u re vee sì ịrẹyị ọza ọnọọ.