Ihwirimọnị 1:10 - IWE ỌNỊNỊ

¹⁰ Maa dá ịpẹ ịrẹyị Onesimọsịị yị wụ. Ma raà sị ọ vị ozi ma m mẹ̀ yà ịnị ẹngwa ịzẹnị.

Ihwirimọnị 1:10 Referans Kwoze

Anikorasi 4:9

Ọnịrị Onesimọsị ẹnẹbẹnị ayị ini oze Ijeesu oni i sì ịrẹyị anị, aa zịị vẹ nị. Onesimọsịị ọnị vị ana rẹ sị ayị ọnya jẹẹ pe Ijeesu. Anda awụ nịnị ọ vị nị. Ẹ vaa kà a wụ nịnị avaba ịsị aa na ịzẹnị.

1 Anịkọrịntị 4:15

Òo zee eyi ọza ana aa zụ̀ wụ nịnị oze Ikirisiti ẹ̀ gụ akahị-akahị oze ẹẹwụ (10,000), ama ọza ịnya kẹnẹ ọ vị ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị nị. Ịnị ụmẹ ọnị mị sị kà enube ọyịza wụ nịnị, ma sị vara ada awụ nịnị ini oze Ijeesu Ikirisiti.

1 Itimoti 1:2

Maa chẹrẹ iwe ọnọnịị tụ́ụ hi wu Itimoti, ana vị ozi emi ini oze ka ẹma sị ọọ vẹ ka ọ̀ va sị ayị tụra Ohomorihi nị. Ohomorihi Ada ayị ọnịrị Ijeesu Ikirisiti Ananyị yị ẹ̀ mẹ ọyịza wụ, ọ vayị awụ, dị ẹ̀ rẹ mẹ ẹngwọọrọ yị wụ.

Anigaratiya 4:19

Ezi emi oni mi sì ịrẹyị anị, mị raa rị ụya agụvị awụ nịnị booro aanị anka ọnẹẹ ana aa ma ozi avọọ. Avọọ m mẹ vaa rị ụya pooro dị aza ẹ̀ zụ yẹ ka wa raa sị ebira Ikirisiti nịnị nị.

Ịtayịtọsị 1:4

Maa chẹrẹ iwe tụ́ụ hi wu, ozi emi Ịtayịtọsị, agụvị ka ẹmịrị ẹwụ óo dudu sị ayị tụra Ijeesu. Ohomorihi Ada ayị ọnịrị Ijeesu Ikirisiti Ọdọzaha ayị ẹ̀ mẹ ọyịza yị wụ o.

2 Ịsamụwẹrị 18:5

Di ohinọyị va hị́ Ijonatani ọnịrị Abisayi ne beri Itayi di o hú wa ụvọ nị dị ọ ka Áarịhịnị navọ wa hụ agụvị amị asị a nyị ịsị ụ sị mẹ Abịsarọmị nịnị o! Avaba isoja ẹnẹẹ ệ wụ́ ohinọyị mèe hú ọga ẹnịnị ụvọ ini oze ịrẹyị Abịsarọmị.

Ịmaakị 9:17

Dị ọza ịnya ịnị ọkọnị aza ẹnẹẹ ka, “Nda, ozi emi mị sị vẹ ịdị awụ nọ, ộ nyị ụhwẹ echu ene gu ọọ irenu.

Aniroomi 12:1

Ẹwụ nịnị ẹyịnyara amị, aarịhịnị, maa sị ayamva Ohomorihii dá ịpẹẹ wụ nịnị ẹtẹẹtẹrẹ. Navọ wa sị avaba ẹngụ awụ nịnị yị Ohomorihi anka ịsa ịsọvọ ana yára, dị ọ vị ọnịnịn, di o re zé Ohomorihi eyi! Ọnọọ ọ vị ahẹkẹ Ohomorihi obooro anaa vọrọ ka waa mẹ nịnị nị.

1 Anịkọrịntị 4:14

Ayị vị agụvị ụhị ọ̀ nyị wụ nịnị, mị sị chẹrẹ ịsa ẹnẹnị tụ́ hi wu nịnị. Ama máa chẹrẹẹ ka ma sị kà wụ nịnị ọ̀nọ̀ anka ozi emi ụvọta oni mi sì ịrẹyị anị.

Ihwirimọnị 1:11

Ịyẹẹyẹ, ẹ́ yị nyị ịsị Onesimọsị vịdị vị yị wụ; ama booro aanị, ọ sị vị ọza okumi-okumi yị ẹmịrị ẹwụ.

Ihwirimọnị 1:13

Mị yaanị sì ka ma sị ọ pe ẹngụ, dị ọ̀ dọ wụ ịrẹsụ, dị ọ̀ọ zị mị ụtụ, m mẹ yà ịnị ẹngwa agụvị enube ọyịza ịzẹnị aanị

3 Ịjọọnụ 1:4

Ẹ yị nyị ịsị ẹ zụ sị ịnẹ amị hine hu ka ma wụ́ ka ezi emi aa saasa ịrẹyị Ohomorihi.