Ihwirimọnị 1:1 - IWE ỌNỊNỊ

¹ Ẹmị Ịpọọrụ ana yà ịnị ẹngwa agụvị enube ọyịza Ijeesu Ikirisiti ne beri ẹnẹbẹnị ayị Itimoti ini Ikirisiti aa chẹrẹ iwe ọnọnịị tụ́ụ hi ẹwụ ọta ayị Ihwirimọnị oni yi sì ịrẹyị anị, ọnị ẹyịrị dudu aa mẹ̀ ụkọrọ ọnyara.

Ihwirimọnị 1:1 Referans Kwoze

Anẹhwẹsọsị 3:1

Ẹmị Ịpọọrụ vị anịnẹngwa Ijeesu Ikirisiti agụvị ẹwụ nịnị ẹnẹ ẹ̀ yị vị Aniju.

Ihwirimọnị 1:9

Ama agụvị ka me sì ịrẹyị awụ, ịpẹ m maa dáa wụ nị. Wáa yẹ ka ẹmị Ịpọọrụ, ma sị vị ọzọkụ, dị mị rẹ yà ịnị ẹngwa agụvị Ijeesu Ikirisiti booro aanị nị.

Anikorasi 1:1

Ẹma vị Ịpọọrụ oni Ohomorihi sì ka ọ̀ vị odeyi Ijeesu Ikirisiti nị. Ẹmịrị Itimoti ọnẹbẹnị ayị ini oze Ijeesu ọ chẹrẹ iwe ọnọnị tụ́ hi

Anihwiripi 2:25

Mèe roo ka áa vọrọ ka ma tụ́ Ẹpahwịrọdịtụsị vavẹ ve tù wu nịnị. Ẹmịrị ọ dudu vị ọdọwụ. Ẹmịrị ọ ore dudu mẹ̀ ụkọrọ, di i re dudu và ụvọ bẹ kụ́ ịrẹkụ nị. Ọnị ụ tụ́ vẹ nịnị ka ọ̀ va gụ mị ụvọ ini oze ịsa ọnị mẹ yị nyị nị.

1 Anịkọrịntị 3:9

Ẹyị vị ene dudu aa mẹ ụkọrọọ yị Ohomorihi. Ẹwụ nịnị vị ana sị mẹẹ anka aarẹ Ohomorihi, à vị irehi oni Ohomorihi aa dà.

2 Itimoti 1:8

Asị ụ na nyị ụhị ọ̀yị kà ịrẹyị Ananyị yị! Asị ụ rẹ na nyị ụhị agụvị ẹmị ana yà ịnị ẹngwa agụvị anị. Ama è wè re tenyi ẹngụ anka Óhomorihi ọ̀ọ mẹ̀ sị ụkata wụ, dị ụ wa nyị ụvọ tụ́ ịnị ụya ọnị ọzaa rị agụvị enube ọyịza.

1 Anịtẹsaronika 3:2

dị ya tụ́ Itimoti hi wu nịnị nị. Itimoti vị ọyịnyara ayị, ẹnẹ ẹyịrịị aa mẹ̀ ụkọrọ Ohomorihi, dị yaa kà enube ọyịza Ikirisiti. Yâ tụ́ ọọ ka ọ̀ va mẹ ka wa jẹẹ geri-geri, dị ọ̀ tụ́ wụ nịnị ọtụtụrụma ka wa yịị sị ayịị tụra Ikirisiti nịnị,

Anikorasi 4:11

Ijeesu ana aā rẹẹ hị́ Ịjọsịtọsị ka ọnị kụ́ wụ nịnị. Aza ẹnị ẹyịta ẹnẹnị kẹnẹ ẹ vị Aniju ene ee pe mii mẹ̀ ụkọrọ yị ịjọva Ohomorihi nị. Ẹnịnị ệ kụ́ mị ẹngụ nịya ẹtẹẹtẹrẹ.

Anihwiripi 4:3

Ẹwụ bẹẹ ẹnẹ ẹmịrị aa mẹ̀ ụkọrọ, re ka wáa gụ anẹẹ ẹnẹẹ ụvọ, ene pe mi mẹ̀ ụkọrọ, ị mẹ̀ dudu aa kà enube ọyịzaa zị beri Ịkịrẹmẹntị ọnịrị aza ana vọ ene pe mi mẹ̀ ụkọrọ; ịrẹha ẹnịnị yà ini iwe aza ana yara pooro zịna-zịna.

Anẹhwẹsọsị 4:1

Ẹmị ana yà ịnị ẹngwa agụvị Ananyị yị maa dá ịpẹẹ wụ nịnị ka waa mẹ̀ ebira ana vọrọ tụra wụ nịnị anka aza oni Ohomorihi sị hị́.

2 Anịkọrịntị 1:1

Ẹma vị Ịpọọrụ nị, Ohomorihi ô sì ọọ ka ma vị ozirẹma Ijeesu oni Ohomorihi nyị mẹ ohinọyị ka ọ̀ dọ yị ha. Ẹmịrị Itimoti ẹnẹbẹnị ayị aa chẹrẹ iwe ọnọnịị tụ́ụ hi wu nịnị anịragụ Ohomorihi ene hi Ịkọrịntị beri avaba aa Ohomorihi ene hi ẹtẹ Akaya nị.

Ihwirimọnị 1:24

Aza ẹnẹ ẹmịrịị dudu aa mẹ̀ ụkọrọ ana vọ: Ịmaakị, Arisitakọsị beri Ịdẹmasị ọnịrị Iruuku ka ẹnị rẹ kụ́ wụ.

2 Anịtẹsaronika 1:1

Ẹmị Ịpọọrụ beri Isirivanọsị ọnịrị Itimoti aa chẹrẹ iwe ọnọnịị túu hi anịragụ Ohomorihi ana yà ẹkụra Ịtẹsaronika, ẹnẹ ẹnịrị Ohomorihi Ada ayị sị vị ọnya, dị ẹnịrị Ijeesu Ikirisiti Ananyị yị rẹ sị vị ọnya.

Anẹhwẹsọsị 6:20

Odeyi Ikirisiti mị vị nị, ộ tụ́ mị ka ma naa kà enube ọyịzaa yị aza nị; agụvị anị mị hyakụ yà ịnị ẹngwa booro aanị nị. Mẹ aduwa yị mị nịnị ka ma nyị ọtụtụrụma dị ma yịị kà a, anka ọ mẹ̀ vọrọ!

Odeyi 16:1

Ịpọọrụ ọ na ngụ Idabe ọnịrị Ịrịsịtịra. Â nyị ọdọwụ ọnya aanị ana ra ịzọọ, ana aā hị́ Itimoti. Ọnyị anị ọnị rẹ vị ọdọwụ, dị ahịka Aniju ọ vị nị. Ama ada anị vị Anigiriki.

Anigaratiya 3:26

Avaba awụ nịnị vị ezi Ohomorihi, agụvị ka wáa sị ayị tụra Ijeesu nịnị.

Anihwiripi 1:1

Ẹmị Ịpọọrụ ọnịrị Itimoti ana vị ezi ahụ Ijeesu Ikirisiti aa chẹrẹ iwe ọnọnịị tụ́ụ hi avaba aza Ohomorihi ẹnị ẹnịrị Ijeesu sị vị ọnya ene hi Ihwiripi, re ne beri ọdọvịdị ịragụ Ohomorihi ọnịrị aza ana aa mẹ ọgụvọọ yị wa.

Ihwirimọnị 1:23

Epahwirasi ẹnẹ ẹmịrịị yà ịnị ẹngwa agụvị Ijeesu Ikirisiti ka ọnị kụ́ wụ.