Ihoseya 9:13 - IWE ỌNỊNỊ

¹³ Ọnị vịdị e re Isirẹrị ka o zoza anka ọsọchị ana aa hụ ịnị ẹtẹ zoza avọọ, ama booro aanị ẹnịnị ụvọta ẹ kụ́ ezi ẹnịnị tụ́ ẹhẹ ka aa wụ̀ wa nị.

Ihoseya 9:13 Referans Kwoze

Ezikẹẹrị 27:3

Anitaya nịnị vị ana ra ụtenyi dị eē pe avaba aza ana ra ụtenyi sẹ ohu nị. Ọ kà ọnị ọ̀ kà a yị wa ịsị ọnị Ẹnẹyịmavara Anahwọ aa kà ka: Ẹwụ nịnị Anitaya, wee woo zị nịnị ka u me zoza nịnị, waa gụ nịnị bẹẹ.

Emọsị 7:17

Dị Emọsị ka ẹnịnị wụ́ ịsị Ẹnẹyịmavara kà booro aanị, Ẹnẹyịmavara kà ịrẹkụ aa vaa rị ezi anọrụ ọnịrị anẹẹ ẹnịnị. A vaa za wa ọrịhị nọ ẹkụra anikinami. Ịzọọ anọrụ ẹnịnị vee su hi nị. Dị ose ẹnịnị vara ọsẹrẹka hi ịnị ẹkụra. Dị anẹkụra ọsa vaa dọ ẹtẹ ẹnịnị dị ẹ ga hi ẹngụ ụvọ.

Ihoseya 13:16

Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 13:8

Ọnị vaa nọ wa ịrẹvụ anka ọdụmị ọnị ozi anị vu avọọ nị. Ọnị aa gara wa chẹkẹ-chẹkẹ anka uye ịnị avị, dị ọnị rị wa anka idu avọọ nị.

Ihoseya 10:14

Avọọ, ịrẹkụ vaa chị tụ́ wa, di e wú avaba aha ọyị tẹ̀ ẹnịnị. Dị ọnịvị ẹnịnị pa ịva yị wa anka Isarimani ana vị ohinọyị Imowabi mẹ mẹ̀ anẹkụra Ịbẹtị Abẹrị avọọ, dị ahịka ezi ẹnịrị ọnyị ẹnịnị vi ene tụ́ chọ̀kọ-chọ̀kọ a mẹ wụ́ wa.

Ihoseya 9:16

Ọ kà Isirẹrị sị mẹ anka ịvayịnị ọnị ẹpa anị wụ̀, dị ẹyị zụ tụ́ ẹtụtụ avọọ. Ẹnịnị ẹ̀ẹ daka ma ozi rụrụ, di e sì ịrẹyị ẹtẹẹtẹrẹ, ọnị vaa wụ̀ avaba ẹnịnị ha.

Ijeremaya 9:21

Iswọọza ọ ra ngụ tu yị zị oze ịnị ozokete, ọ sị ngụ ịnị eehi ohinọyị nịnị. Ọ sị ezweyi wụ̀ ha utoze, ọ sị ezwọọmụha nịnị wụ̀ ha ịnị orere.

2 Ohinọyị 15:16

Ímenahemi mẹ̀ vavọọ hụrị Itiriza aa na, ô vu ẹkụra ana aā hị́ Itapuwa ọnịrị Anịzọọ beri ẹkụra ana kara a ẹtẹ bemi-bemi, agụvị ka Anẹkụra ọnọọ ẹ yị dọ yọ ọ́ vavọọ sị mẹ̀ ẹ nị. Ọnịrẹẹ nịnị ene hi ịzọọ vị ọnị ọ́ ha ịnẹ bẹẹ.

Ijeremaya 7:15

Ọ kà vị ọnị vaa dụ wụ nịnị hụrị ẹngụ anka ọnị mẹ mẹ ẹyịnyara awụ nịnị, Anehwireemi nịnị avọọ nị.

Ijoovu 27:14

Ẹnịnị ẹ zụ ma ezi tatarata, ama avaba ẹnịnị vị ana a vaa wụ̀ ha eyirẹkụ. Ezi ẹnịnị vị ọnị ụngwẹ vaa kụ̀.

Arụwẹ 2:22

Ẹnẹyịmavara ộ tụ hị́ ọnịvị anị hụrị eyi ọnyị eyi ọsa anka a mẹẹ tụụ hị́ aza aa rị eche avọọ, dị ẹ va takara ayị nị. Ịhị Ẹnẹyịmavara aa kụ ayị, ẹ yị nyị ọza ana ha. Ọnịvị amị nịnị ẹ sị ezi emi ọnị mị paa dị mị sì ịrẹyị anị wụ̀ va ha.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.