Ihoseya 8:7 - IWE ỌNỊNỊ

⁷ Ẹnịnị ee chire ahị tụ ịnị aarẹ, okoruwa ọ vị ịsa ọyịna ọnị e vee re nị. Ọchị ihwiti ana aa jẹẹ vị ana vaa wụ̀, dị ẹ yị nyị ịsa, Ẹnịnị ẹ̀ẹ nyị ịsa ọyịna akụ, anikinami kẹnẹ aa rị ọ yị wa nị.

Ihoseya 8:7 Referans Kwoze

Ụhịrẹyị 22:8

Ọza ene chire atọ odivi vi ene vee re ọhịmị, dị ẹ yị kụkụ zụ mẹ ẹvaya yị ọza.

Ijoovu 4:8

Ọ kà ọnị ọ yẹ hụrẹ ụmọrụmọ ka odivi ọnị ọza chire ọọ ha nị.

Anigaratiya 6:7

Asị u vene ẹngụ awụ nịnị! ẹ yị nyị ọza ana zụ mẹ Ohomorihi rị. Ịsa tụra ịsa ọnị ọza òo chire, ọnị ọ rẹ vaa há nị.

Ịnahụmị 1:3

Ẹnẹyịmavara ọ yị mā hụra kụ́ ayị ama ọ nyị ụkata ẹnẹmẹhị. Ọ yị vaa navọ ka ọza ọ mẹ̀ ebira odivi, ọ mẹ̀ ẹ sị rị. Òo hu ahụ kẹnẹ dị okorowa ọnịrị opomi ana aa tụ́. Eguhi ọ vị edudu ahẹtẹ anị nị.

Ihoseya 7:9

Ẹnịnị ẹ yị yẹ ka anikinami ẹnẹẹ ẹ raà tụ ẹnị ọkụmị. Ịrẹsụ ẹnịnị ẹ̀ ta vị ẹwẹwa, ama ẹnịnị ẹ yị yẹ ka ẹnị ẹ yị kụkụ nyị ụkata.

Ihoseya 2:9

Agụvị avọọ, ịnị ụmẹ ịsa ọyịna, ọnị ọ yị vaa zẹ ka e re akụ ọnịrị ẹtụtụ ọchị anaā sịị mẹ̀ eche. Ẹnịnị e yi vee re ẹyị ịsụpa ọnịrị òwù ene e vee si hi achị kú ahwaahụ ẹnịnị.

Ijeremaya 12:13

Ẹnẹyịmavara kà, aza anị ê chire akụ ama dị a hi ka ebe ẹ́ kụ gụ nị. Ẹnịnị ệ mẹ̀ ụkọrọ ẹtẹẹtẹrẹ ama ẹ yị nyị ịsị e re hụụnị anị. Ịsị ịnị aarẹ ẹnịnị ẹ yị mẹ agụvị ka ọnị aa kụ ayịị hi wa.

Ayịsaya 66:15

Ẹnẹyịmavara vaa sị ịra hụrẹ ẹbẹẹba chi vẹ anka opomi avọọ. Ọ vaa sị ọyịkụ-ọyịkụ si atọ ayodu anị, dị ọ sị ịra rị aza ana aa kụ́ ayị hi.

Ayịsaya 17:11

Ọ̀ọ daka zee e eyi ahịka ịhị ọnị u chire e gẹdẹ-gẹdẹ ụ mẹ ka ọ̀ hụ nị, dị ahịka ẹnẹnẹ oni u chire e ụ rẹ mẹ ka ọ̀ọ jị ododo nị, ẹ yị nyị ịsị wee ree ha ịnị anị. Ụkụ ana vaa za wụ vị ana vaa zị wụ dị ọza ọ yị zụ mẹ̀ ẹ.

Ịrẹyị Ọzwọzịsa 5:16

Ịrẹyị odivi enee du ọza ayị ọsọnị ọnị rẹ vị nị. Ka ọza mẹ va ngụ ẹhẹ, avọọ ọ mẹ raa hụụnị anị nị. Ọgụ sị ọ va rị ịnị avaba ụkọrọ ọnị aa mẹ dị e yị nyị eyi tụ́ ụhwọ́ ka ọnị ọ̀ za ahị?

2 Ohinọyị 15:29

Ụmẹ ọnị Ịpẹka sị vị ohinọyị, Ítigirati Ipiresa, ohinọyị Asiriya sị kụ́ ịrẹkụ vẹ Isirẹrị, dị ọ dọ wa ẹkụra ẹnẹnị nị: Ayijoni, Ẹba Ịbẹtị Ịmaka, Ijanowa, Ịkẹdẹsị, ọnịrị Ịhazọ. Ộ rẹ dọ wa ẹtẹ Anigiriyadi, Igariri, ọnịrị Inahwitari nị. Ộ za aza ẹnẹẹ ọrịhị ne hi Asiriya.

2 Ohinọyị 15:19

 nyị ohinọyị Anasiriya ana aā hị́ Itigirati Ipiresa. Ẹkụhị ọnya, ộ kụ ịrẹkụ nọ ẹtẹ Isirẹrị, dị Imenahemi sị isiriva ikirogirami akawụ-akawụ oze ẹwụrịhịmbaa yọ ka ọ̀ gụ ọnị ụvọ, dị ọnị ọ̀ nyị ụkata tụra ẹkụra anị ịrẹsụ nị.

Iwe Ọhụhị Imosiisi ana aa hị́ Ọyịvatụrọda 28:33

Ụ vaa kụ ịrụkụ nịnị ẹtẹẹtẹrẹ, ama anẹkụra ọsa ẹ vaa rị avaba ịsa ọnị ụ mẹ hụụnị aarẹ awụ nịnị. Ẹnịnị vị ana vaa mẹ ẹvayaa yị wụ nịnị, dị ẹyaa chamayịị wụ pooro.

Anigaratiya 6:8

Ọza ana aa mẹ̀ ịsaa yị ẹngụ anị kẹnẹ, o vee re ka vi oni vee vu ẹtẹ nị. Ama ọza ana àaa mẹ̀ ịsa agụvị Ụhwẹ Ọnịnị, Ụhwẹ Ọnịnị vaa mẹ ka ọ̀ yàra pooro zịna-zịna ị́da Ohomorihi.

Ayịsaya 55:2

Sị ẹ vẹ di ú wee du ẹkẹhị awụ nịnịị ha tụ ịnị ịsa ẹnẹ ẹ̀ yị vaa ha ọza ịnẹ? Sị ẹ vẹ dị ụ́ waa mẹ̀ ụkọrọ, dị ụ́ wàa kụ̀ ẹkẹhịị ha nịnị, dị ụngwẹ aa yịị kụ̀ wụ nịnị? Sị ụtọ pe mi nịnị, dị ụ waa rị ịsa ene zoza nịnị. Ụ vaa rị ịsa ọyịza-ọyịza nịnị dị ayị awụ nịnị ee hine.

Arụwẹ 5:2

Azọga ẹ sị yị dọ ogu ọnị ohiku ayị hụrẹ ụvọ tịtẹ yị yị. Anẹkụra ọsa nịnị ẹ kụkụ ra ịnị eehi ayị nị.

Ihoseya 9:16

Ọ kà Isirẹrị sị mẹ anka ịvayịnị ọnị ẹpa anị wụ̀, dị ẹyị zụ tụ́ ẹtụtụ avọọ. Ẹnịnị ẹ̀ẹ daka ma ozi rụrụ, di e sì ịrẹyị ẹtẹẹtẹrẹ, ọnị vaa wụ̀ avaba ẹnịnị ha.

Ịhagayị 1:6

Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị.

Oyinyima 41:23

Dị ịrẹsụ akụ ịhịmba ọsa hyeke-hyeke aanị ana ahị sị banyị va ha chị pè akụ ozoza ẹnẹẹ nị.