Ihoseya 8:2 - IWE ỌNỊNỊ

² Ẹnịnị mẹ vavọọ wụ̀ ịrẹyị ọnọọ, di e na owu na za Ẹnẹyịmavara. Dị ẹ ka ọ navọ ọ gụ ẹnị ụvọ agụvị ka ọnị ọ vị Ohomorihi ẹnịnị nị.

Ihoseya 8:2 Referans Kwoze

Ịtayịtọsị 1:16

Ẹẹ̄ sị irenuu kà a ka ẹnị ẹẹ̄ yẹ Ohomorihi, ama ebira ẹnịnị ẹ́ yị sị zụ ka ẹ́ẹ yẹ Ohomorihi. Ịsa eenyisi ẹnịnịị̄ mẹ nị, dị ẹ rẹ yaa mẹ akamawụ nị, ẹ yị nyị ịsa ozoza ẹnẹ ẹnịnị zụ mẹ vụrụ-vụrụ.

Imatiwu 7:21

“Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

1 Ịjọọnụ 2:4

Ọza ana áa ka ọnị ọ́ọ yẹ ẹ, dị ẹ̀ yị saasa ọda anị nị, onireche ọ vị nị, ọ́ yị nyị ịzẹyịza.

Iruuku 13:25

Ịjị adarehi ọ̀ọ sị kwẹẹtẹ dị ọ sị oze gu nị, dị ẹwụ nịnị kụkụ jẹẹ ẹhẹ aa sị ụvọọ ká oze ka: ‘Ananyị yị! Ananyị yị! Na oze yị!’ Di o tụ́ ohi dị ọ ka: ‘Mẹ yị yẹ ịzị ụ hụrẹ vẹ nịnị. Hụrẹ mi eyi, ẹwụ nịnị enebira odivi ẹnẹnị!’

Imatiwu 25:11

Ô kù chee, di ezwoorihi ọsa ẹnẹẹ vẹ nị. Dị ẹ ka: ‘Ọga, Ọga, na oze yị de!’

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ijeremaya 7:4

Hụụnị ịrẹyị evene ọnị aza aa kà a wụ nịnị ọ̀yị dọ wụ. Ẹ ka, agụvị ka Irehi Ẹnẹyịmavara yịị ịda awụ nịnị, wa sị ha nịnị.

2 Ohinọyị 10:29

Ama ọnị vana rẹ mẹ ịvị Íjerohowami ozi Inebati ọnị ọ kụ Anisirẹrị nịnị na hẹkẹ uyi ụnọ ana a sị igooru mẹ tụ ịbẹtẹrị ọnịrị Ịdaanị nị.

2 Ohinọyị 10:16

Ộ kà a yọ ka, “Saasa amị, di u we ve re mmẹmẹ kụ ẹngụ hi ịrẹyị Ẹnẹyịmavara.” Dị ọnịrị ọ sị ịkẹkẹ anị aa na nị.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Ihoseya 8:3

Ka ẹnịnị é yi ịsa ọyịza tịtẹ, ọnịvị ẹnịnị vị ana vaa dụ wa.