Ihoseya 7:7 - IWE ỌNỊNỊ

⁷ Ẹnịnị sị mẹẹ anka ịra anaa rị ọdọvịdị ẹnịnị avọọ, dị ẹ yị ọza ana vọrọ ka o na owu na za Ẹnẹyịmavara kà ọ gụ wa ụvọ avọọ nị.

Ihoseya 7:7 Referans Kwoze

2 Ohinọyị 15:30

Ịnị ịrayị ana tụ ọ ịrayị oohu ọnị Ijotami ozi Uziya rị ohinọyị Íjuda, Ihoseya ozi Ẹra ô sì iruvo ohinọyị Ịpẹka, dị ọ wụ̀ ọ nị. Ọ mẹ sị ọ wụ̀, dị ọ́ rị ohinọyị dọ ọ ịrẹsụ nị.

2 Ohinọyị 15:25

 nyị ọga isoja Ịpẹkahịya ọnya, ana aā hị́ Ịpẹka ozi Iremaraya. Ộ kụ anọrụ Anigiriyadi ẹnị ẹvarẹwụ vaka ẹngụ, dị ẹ wụ Ịpẹkahịya tụ ini aku irehi ohinọyị ana ya Ịsamarịya nị. Ộ sị ọ wụ, dị ọ rị ohinọyị dọ ọ ịrẹsụ nị.

2 Ohinọyị 15:14

 nyị ọnọrụ ana aā hị́ Imenahemi ozi Igadi. Ộ hụrẹ ịzị aā hị́ Itiriza nọ Ịsamarịya, dị ọ na wụ Ịsarọmị nị. Ọ sị ọ wụ, dị ọ rị ohinọyị dọ ọ ịrẹsụ.

2 Ohinọyị 15:10

Ịsarọmị ozi Ijabesi ộ kụ aza kwẹẹtẹ tu Ịzakaraya, dị ẹ wụ̀ ọ ịzị aā hị́ Ibiriyami, dị Ịsarọmị rị ohinọyị dọ ọ ịrẹsụ nị.

Ihoseya 8:4

Ẹnịnị ẹ yị họ̀ Ẹnẹyịmavara wụ̀, dị ẹnị ụvọta nyị ohinọyị ọnịrị Ọdọvịdị ẹnịnị yị ẹngụ ẹnịnị. Ẹnịnị ệ sị igooru ọnịrị isiriva mẹ̀ ọnyịnọkụmị ori ẹnịnị. Ịsa ọnị ẹ mẹ̀ aanị ọ raà sị kụ usu tù ẹngụ ẹnịnị.

Ihoseya 7:10

Ka ẹnịnị aa sị ẹngụ tụ ẹba, ẹnịnị ẹ yị varẹma ne tu Ẹnẹyịmavara Ohomorihi ẹnịnị ịnị ụmẹ ọnị ịrẹyị sị tụ́ wa.

Ayịsaya 64:7

Ẹ yị nyị ọza anaa hị́ ịrẹha awụ. Ẹ yị nyị ọza anaa vẹ ịdị awụ vee sì ọgụvọ. Wa raa sị ẹngụ awụ tẹ̀ yị, wa raa hụrẹ yị ụvọ, agụvị ebira odivi ayị.

Ayịsaya 43:22

Ama ẹwụnị anovwoovu Ijekọvụ ẹ yị hẹkẹ mị nịnị, ịrẹyị amị vene du wu nini eyi, ẹwụ Isirẹrị.

Ayịsaya 9:13

Dị Ẹnẹyịmavara daka maanị sị sị ụya rị Anisirẹrị aanị, ẹnịnị e yi ji jesi ebira ẹnịnị. Ẹnịnị ẹ yị va ve ịda Ẹnẹyịmavara Ochẹtẹẹngụ.

Ijoovu 36:13

Ama ẹnị ana vị aza ọhịmị vi ene vee du ayị. Ẹnịnị e yi me si ọgụvọ aa tụ́ wa ịchẹkẹchẹkẹ.

Ihoseya 7:14

Ẹnẹyịmavara kà ẹnịnị ẹ yị sị ayị ọnya na owu hi ọnị ẹngụ. E hi ịrẹsụ ode ẹnịnị aa jị òrèrè kẹnẹ nị. Ẹnịnị vị anaa sị ịsa na ẹngụ ẹnịnị yị ori anikinami ka ẹ mẹ̀ ịsa ịnị aarẹ nịnị zoza, dị ẹnị ẹ nyị akụ ọnịrị eche.

Ihoseya 5:15

Ọnị ộ vavọọ sị wa mẹ, dị ọnị va nọ aha anị na ya. Ẹ vị ịjị e ro ịnẹ, di e si ọnị ka ọnị ọ gụ ẹnị ụvọ. Obobooro ọnị akanya ọ̀ọ vẹ, e vee si ọnị.

Ịdanịyẹrị 9:13

Anka â mẹ chẹrẹ ẹ tụ ịnị ọda Imosiisi, avọọ â mẹ sị avaba ụya ẹnẹnị rị ẹnị nị. Ama ẹnị ẹ yị va hụvị avọọ da ịpẹ yị Ẹnẹyịmavara ana vị Ohomorihi ẹnịnị ka ọ navọ ọ vayị ẹnịnị. Ẹnị ẹ yị va và hụụnị ebira odivi ẹnịnị dị ẹnị ẹ mẹ ịzẹyịza.

Ezikẹẹrị 22:30

Ẹnẹyịmavara kà, ọnị ô si ọza-ịnya ịnị ẹngụ Anisirẹrị nịnị anaa kà a ka, à kụ́ ebira odivi ẹnẹnị kwooze, ama ọnị é yị re. Ọnị é yị re ọza ana hyakụ nyẹngụ hụvị ẹtẹ Isirẹrị va da ịpẹ ka asị ọnị vu ọ ẹtẹ.

2 Ohinọyị 10:14

Ijehu ộ kà a yị aza anị ka ẹ̀ za wa ireyi-ireyi. Ẹnịnị ệ za wa, dị ọ wụ̀ wa ọ sị gụrị usi ọnya ịzọọ nị. Aza ẹnẹẹ vị ẹbẹẹva tụra ẹẹva. Ọza ịnyara ẹ yị vẹtẹ ịnị ẹnịnị.

2 Ohinọyị 10:7

Ịjị ịrẹta ọnọnị tu wa ụvọ, dị ẹnịnị kụ ezi ohinọyị ẹnẹnị, dị ẹ wụ̀ wa nị. Ẹ sị wa wụ, dị ẹ jị wa ịrẹsụ, dị ẹ kụ ọ hi ini uji, dị ẹ kụ ọ ne tu Ijehu Ijezirẹẹrị nị. Ezi ohinọyị ẹnẹnị vị ẹnị ẹtarẹwụ.

2 Ohinọyị 9:33

Ộ kà a yị wa ka, ẹ̀ tụ Ijezebẹrị ụvọ hụrị ẹbẹẹba va nyẹtẹ nị. Ẹnịnị ệ tụ ọ ụvọ va nyẹtẹ ịzẹyịza, dị anị che ku ugene ọnịrị umaata ana jẹẹ nị. Di Ijehu ộ sị umaata anị ọnịrị ịkẹkẹ anị hịrẹ oku anị para hu nị.

2 Ohinọyị 9:24

Ijehu ộ sị avaba ụkata anị kụ́ ọpa anị, dị o che Ijorami ọpa anị. Ọpa ọnọọ ộ zị oze ịrẹma ngụ Ijorami ẹngụ na za ayị, dị o sú tụ ịnị ịkẹkẹ anị nị.

1 Ohinọyị 16:18

Ịjị Izimiri si re ka aa vaa rị ẹkụra ọnọọ, di o hu dị ọ nọ ini ohweje ini eehi ohinọyị nị. O mè tù ịzọọ, dị ọ jị ịra tụ́ irehi ohinọyị dị ọ rị ọ ịra kú ẹngụ anị, di o sú nị.

1 Ohinọyị 16:22

Aza ana na vaka Omiri ẹ kata huna aza ana na vaka Itibini ana vị ozi Iginati nị. Itibini mè sú, dị ahịka Omiri ọ rị ohinọyị dọ ọ ịrẹsụ nị.

1 Ohinọyị 15:28

Ịnị ịrayị ọhụta ọnị Asa sị rị ohinọyị tụ́ Ijuda Ibaasa maanị sị wụ Inadabi nị. Dị ahịka Ibaasa ọ kụkụ rị ohinọyị dọ Inadabi ịrẹsụ nị.

Ihoseya 13:10

Ộ họ̀ wa use ka, ịzị ohinọyị ẹnịnị ya booro aanị agụvị dị ọ dọ wa ha? Ẹ ka ene e si ohinọyị ọnịrị ọdọvịdị nịnị. Ịzị ẹnịnị hì?

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Ahẹ Ụgama 14:4

Di Ohomorihi ka aza edivi ẹnẹnị ẹ yị yẹ ịrẹyị. Ọ kà sị ẹ vẹ dị ẹ maanị vị ọnụra aanị! Aza edivi ẹ̀ẹ za aza Ohomorihi dị ẹ yaa mẹ wa ẹnị ẹzụụ̄ mẹ ẹvụ nị. Ẹ yị hyakụ kà a ka ẹnị aa mẹ̀ aduwa hi Ẹnẹyịmavara.

Ayịsaya 64:4

Hụrẹ ụmọrụmọ vẹ, ệ yị nyị ọza wụ́ ọ, à vị ka à nyị ọza ene re da ka áa nyị Ohomorihi ọsa ịrẹma awụ.

Ayịsaya 64:6

Avaba ayị ọ sị ịvị mẹ; ebira ozoza ene hu ọnị mẹ vị ọnịrị ịdọtị anka ụsẹ avọọ. Agụvị ebira odivi ayị, vị́ ị kụkụ sị mẹẹ anka avị ana wụ, dị ahị hì wa kwooze avọọ nị.