Ihoseya 6:8 - IWE ỌNỊNỊ

⁸ Igiriyadi vị ẹkụra ọbanyị anako nịnị. Anya ọza ọnị ẹ yaa wụ́ vị ana tọ wa ịrẹwa.

Ihoseya 6:8 Referans Kwoze

Ihoseya 12:11

Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Odeyi 25:3

ka ọ̀ mẹ̀ ịsa ọnya yị ẹnị nị. Ẹ ka ọ̀ tụ́ Ịpọọrụ óze.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Ijeremaya 11:19

Ama ọnị vị ana sị mẹẹ anka ozi atẹmẹ ana a sị ka à na wụ avọọ. Ọnị ẹ yị yẹ ka ọnị ẹ yaa geyi anị nị. Ẹ yaa kà a ka: à jẹẹ ẹnị du ọchị ọnọnị ha beri ẹtụtụ anị à jẹẹ ẹnị ẹ wụ ọ dị asị a kụkụ tamayị ịrẹha anị.

Ayịsaya 59:6

Ọ yị wụra mẹ achị ku ẹngụ; Ẹ yị nyị ọyịza ọnị ọ mẹ yị wa. Udivi kẹnẹ ọ vị ụkọrọ ụvọ ẹnịnị nị. Ụkọrọ eduha kẹnẹ ẹ sị ụvọ za nị.

Ahẹ Ụgama 59:2

Navọ wa dọ mị tụ́ hụụnị ụvọ aza edivi ene ee sì ka ẹnị ẹ̀ wụ̀ ọza.

Ahẹ Ụgama 10:8

Aza edivi vị ana naa tẹẹ ee be onuruwa ịnị ẹkụra di e yee zi aza ẹnẹ ẹ̀ yị nyị ịsị ẹ mẹ̀ ka ẹnị ẹ̀ wụ̀ wa. Oniruwa vị ọnị e yee bè, ama aza edivi ẹnẹnị vị ene ee yii be wa.

1 Ohinọyị 2:5

Waa hyakụ yẹ ịsa oni Ijowabi ozi Izeruya mẹ mị. Waa tamayị ịsị ọ mẹ̀ Abịna ozi Ineri ọnịrị Amasa ozi Ijeteri ana vị ọga Isoja Anisirẹrị. Ẹnị ẹẹva vị ọnị Ijowabi wụ̀ ịnị ụmẹ ẹnẹ ẹ̀ yị nyị ịrẹkụ agụvị ò si sí atọ ịsa ana mẹ̀ ịnị ụmẹ ịrẹkụ. Aza ẹnẹ ẹ̀ yị nyị ịsị ẹ mẹ̀, ọ sị wa wụ. Ẹma kụkụ va za ẹnya ịrẹyị ọnọọ dị maa rị ụya anị nị. Anya ẹnịnị yị ịrẹsụ anị.

2 Ịsamụwẹrị 20:8

Ẹnịnị e ne si tù ịrẹta ọbanyị ana yà Igibiyọnị dị Amasa na gẹrị wa ịzọọ nị. Ijowabi ô chire awuru anị, dị ọ sị ụhwọ anị tụ́ ịnị ahaba, dị ọ hara tụra awuru anị nị. Ọ mẹ̀ jịnẹ aa na dị ụhwọ ọnọọ sị hụrẹ nị.

2 Ịsamụwẹrị 3:27

Abịna mẹ̀ vavọọ vavẹ va ngụ Ihebirọnị, di Ijowabi hị́ ọ nọ oboka ọnya ini oze ana va ngụ ẹkụra, dị ọ sị mẹ̀ ẹ ka vi ee sì ka ọnị ọ̀ kà ịrẹyị chire e ụtọ nị. E mè tù ịzọọ, di Ijowabi ne ụhwọ ọ ịrẹkụ dị ọ wụ̀ ọ. Avọọ Ijowabi mẹmẹ sí atọ ịrẹyị Asahẹrị ọyịnyara anị ana Abịna wụ nị.

Ijosuwa 21:38

Ẹkụra ana dọ ịrẹsụ Igadi ẹ vị Ịramọtị ịnị ẹtẹ Igiriyadi beri Imahanayimi ẹtẹ ọyị kụ́ ịsụpa rị anị,

Ahẹ Ụgama 141:4

Aarịhịnị asị ụ navọ ka ma sị ịrẹyị odivi tụ́ ịnị ayị amị. Asị mị na bẹ ụvọ tụ́ ini ebira aza edivi aa mẹ Navọ asị mi ne pè wa rị ịsa.

Ihoseya 12:12

Ijekọvụ ô zwe na ngụ ẹtẹ Aramị ịzị ộ mẹ̀ ụkọrọ ana a sị sị ọnẹẹ ga a, ọnẹẹ o sere atẹmẹ yị ọza nị.