Ihoseya 6:7 - IWE ỌNỊNỊ

⁷ Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na.

Ihoseya 6:7 Referans Kwoze

Ihoseya 8:1

Ẹnẹyịmavara kà Anisirẹrị nịnị e hu ịkakanchị ịrẹkụ ka aza ọnọ, ka ẹnịnị ệ mẹ̀ akamawụ hi ọda anị, dị ẹ sị ahụ jịnẹ oto ọnị ọnịrị wa mẹ̀ tịtẹ, ọnịvị ẹnịnị vee chi hi wa ịrẹsụ anka ọkasịmẹ avọọ.

Ihoseya 5:7

Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.

Ijoovu 31:33

Aza ana vọ e sì ka ẹnị ẹ̀ sị ịvị ẹnịnị tẹ̀, ama ẹmị ẹ́ yị ma sị aamị tẹ.

Oyinyima 3:11

Di Ohomorihi kà: Ẹ̀nị ẹ kà a yọ ka ahwaahụ ọ vi nị? Dị Ohomorihi họ̀ ọ ka ọ́ọ́ na rị ẹtụtụ ọchị ọnị ọnị kà a ka asị ọ rị ịhị ọnọọ rị nị?

2 Ohinọyị 17:15

Ẹnịnị ê yi ka ẹnị ẹ yị saasa ịrẹyị oni Ohomorihi kà yị wa; ẹnịnị ẹ yị saasa oto oni Ohomorihi ọnịrị ohiku ẹnịnị wo yị ẹngụ; ộ kà wa ọnọ, ama ẹnịnị ẹ yị hị́ ọ ịrẹyị. Ẹnịnị ẹ naa hẹkẹ ori kẹnẹ-kẹnẹ, dị ẹ vara ẹngụ ẹnịnị aza kẹnẹ-kẹnẹ nị. Ẹnịnị ẹ yị saasa ọda Ẹnẹyịmavara ana kà a yị wa à sị ẹ hama anẹkụra ana kara wa; ẹnịnị ẹ naa mẹ̀ ịsa ana anẹkụra ẹnẹẹ̄ mẹ.

Oyinyima 3:6

Ịzẹyịza ọnẹẹ ọnọọ ô re ka ẹtụtụ ọchị ọnọọ ọ rụra rị. Ô re ka ộ ngụ ọza eyi, o re ka ọ zụ mẹ ka eyi ọza ò hweyi ọ mẹ ka o zee e eyi hu avọọ ọ sị ẹtụtụ anị dị ọ rị ọ nị. Dị ọ rẹ sị ịnị anị yị ọva anị nị dị ọnị rẹ rị ọ nị.

Anihiburu 8:9

O yi kuku vee véné oto ọnị ọnị vịdị wo yị ohiku ẹnịnị ịnị ẹkụhị ọnị ọnị sị ụvọ gẹ wa, dị ọnị kụ́ wa hụụnị ẹtẹ Ijipiti. Ẹnịnị ẹ yị nyị ịzẹyịza tụ́ ịnị ịrẹyị oto ọnọọ ọnị ọnị wo yị wa. Agụvị avọọ ọnị ẹ yị kụkụ sị ayị tụ́ ịnị ịrẹyị ẹnịnị.

Ijeremaya 31:32

Ẹ́ yị vaa vị ẹngụ ịzẹzẹ ọkụkụ ọnị ọnị zẹẹ yị ohiku ẹnịnị ọnị mẹ kụ wa hụrị ẹtẹ Ijipiti. Dị ọ daka vị ka vị ọnị sị mẹẹ anka ọva ọnẹẹ avọọ yị wa nị, ẹnịnị ẹ yị sị ụvọ za ịzẹzẹ ọnọọ.

Ijeremaya 5:11

Ẹnẹyịmavara kà, Anisirẹrị ọnịrị Anijuda nịnị ẹ sị ọnị vene saka-saka.

Ijeremaya 3:7

Ẹnẹyịmavara kà ọnị ô rò ka ọ̀ọ sị avaba ẹsẹnị mẹ, ọ vaa và a ka ọnị vẹ, ama ọ yị và vẹ. Ijuda, onyeyiza anị ẹnẹẹ yị nyị ịzẹyịza oo ré avaba anị nị.

Ayịsaya 48:8

Ẹnẹyịmavara kà ọnị ọ yẹ ka ẹnịnị ẹ yị wụra sị ayị tụra. Â yẹ wa ka anakamawụ ẹ vị hụrẹ ẹtẹẹtẹ nị. Agụvị avọọ ẹ yị wụ́ ịrẹyị ọnọnị vụrụ-vụrụ nị. Ẹnịnị ẹ sị ụtọ kụ ahị ịrẹyị anị.

Ayịsaya 24:16

Yâ wụ́ aza ene hi ụnọngụ-ụnọngụ ẹhẹ màa jị ahẹ ka, “Ohomorihi ọ nyị ụbanyị nị.” Ama dị ẹmị ka ịrẹyị ô tù mị, ma sị dà. Enevene nịnị ee yii vene aza naa yị ọnịvị, mị ka eyee vene aza naa yị ọnịvị.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Aniroomi 5:14

Hụrẹ ụmẹ Adamị ve tù ụmẹ Imosiisi, aza hụrẹ yà ịnị ụvọ iswọọza nị. Aza ẹnẹ ẹ̀ yị daka mẹ ịvị ana Adamị mẹ gẹdẹ-gẹdẹ, vị ene ee yii sú. Adamị vị ana a sị mẹẹ anka Ọza ịnya ana vaa vẹ avọọ.

Ijeremaya 34:18

Ẹnẹyịmavara kà avaba aza ana zẹẹ ịzẹzẹ dị ẹnịnị ẹ̀ yị mẹ̀ ịsa ẹnẹ zẹẹ ịzẹzẹ anị yị ọnị vị ọnị ọnị vaa mẹ anka ozi ụnọ ene e che ẹẹva dị a kụ ahụ hi anị parahu avọọ.

Iwe Ọhụhị Imosiisi ana aa hị́ Ọyịvatụrọda 31:20

Ẹnẹyịmavara kà ọnị vaa kụ́ wa nọ ịnị ẹtẹ ozoza ọnị ọnị wo oto anị yị ohiku ẹnịnị. Ịzọọ ẹ vaa nyị avaba ịsọyịrị ọnị e yee si. Ẹ vaa ra ẹhẹ ana rọ wa ẹngụ. Ama ẹ vaa sị eyi wụ́ ọnị, di e yi oto ọnị ọnịrị wa mẹ̀, dị ẹ varẹma na hẹkẹ ori nịnị.