Ihoseya 6:6 - IWE ỌNỊNỊ

⁶ Ọ kà ọza o sì ịrẹyị anị ọ ngụ ọnị eyi hụụnị ka a sị ịsa ịsọvọ va yị ọnị nị. Ọza ọ yẹ ọnị ọ mẹ yị ọnị hụụnị ka ọ rị ịsọvọ ịra yị ọnị nị.

Ihoseya 6:6 Referans Kwoze

Imatiwu 9:13

Ama na nịnị, di u we ne sì uruvo ịsa ọnị ịrẹyị ọnọnị kà nịnị ka: ‘Me yi sì ịsọvọ, àyị vị ayamva.’ Agụvị ka mẹ yị vẹ ka ma hị́ ọnịrẹyịzẹyịza, àyị vị ka ọnịvị nịnị è ro ịnẹ varẹma nị.”

Imatiwu 12:7

Wàa yaanị yẹ iruvo ịrẹyị ọnọnị nịnị ka: ‘Me yi sì ịsọvọ ẹ̀ yị vị ayamva’, wẹ yị yaanị aa jị ịvịị yị ọza ẹnẹ ẹ̀ yị rị ịvị nịnị,

Ụhịrẹyị 21:3

Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị.

1 Ịsamụwẹrị 15:22

Dị Ịsamụwẹrị tụ́ ohi dị ọ ka, “Wáá yẹ ka Ẹnẹyịmavara o yi sì ịrẹyị ịsọvọ anka o mè sì ka ọza ọ̀ọ wụ́ ịrẹyị ọnị ọnị ọ̀ọ kà. Ọza ọ̀ọ mẹ̀ ịsa ẹnị Ẹnẹyịmavara kà ô huna ịsọvọ ẹbanyị-ẹbanyị ana azaā mẹ.

Emọsị 5:21

Ẹnẹyịmavara kà eche ahẹkẹ ẹnịnị vi ana nyị ọnị ịhyẹrẹ. Ẹyị nyị ịsị ọnị a sị mẹ̀.

Ayịsaya 1:11

Ẹnẹyịmavara kà sị ọnị aa sị avaba ịsọvọ ọnị ụ maanị aa mẹ nịnị aanịị mẹ? Ọ kà atẹmẹ ọnịrị ụhị uye ọnị ụ waa rị ịraa mẹ̀ ịsọvọ yị ọnị o kú dụ oni eyi. Ọ kà ẹ yị nyị ịsị ọnị aa sị ịdẹba ọnịrị atẹmẹ ne beri ẹvụ mẹ.

Ịrẹyị Ọzwọzịsa 5:1

Ọza aa nọ ịnị irehi Ohomorihi o sị eyi pe ẹngụ anị, ọ́ọ vana dahi ka ọza ọ ka gụrị Ohomorihi na kọsẹ huni ka ọ̀ naa mẹ̀ ịsọvọ anka onututu nịnị avọọ ọvịdị anị. Onututu ẹ yị yẹ ka ịsị odivi ẹnị aa mẹ nị.

Ijeremaya 22:16

Ộ ngụ ayị onosiye nịnị, dị ẹhẹ anị zoza yọ nị. Ịsị ẹ sịị zụ ka ọza ọ yẹ Ẹnẹyịmavara ọ vị ọnọọ nị.

Imatiwu 5:7

Anayamva vaa daa jẹ, agụvị ka Ohomorihi vaa vayị ẹnịnị.

Ịdanịyẹrị 4:27

Dị Ịdanịyẹrị rẹ ka, Taarụ, ọ̀ navọ ọ̀ dọ ajuwe anị, dị ọ̀ hụụnị ebira odivi ọyịmẹ̀ dị ọọ mẹ̀ ebira ọyịza. Ọ kà ọọ vayị ọnụya nịnị bẹẹ, ọnọọ ọ vaa mẹ̀ ka ò zé yọ nị.

1 Ịtọpa 28:9

Ộ kà a yị Isoromọnị ka, ozi emi, ò re ka ọnị ọọ yẹ Ohomorihi ada anị, dị ọọ̀ sị ayị ọnya hẹkẹ ẹ, dị ọ̀ rẹẹ sị ayị anịị mẹ̀ ịsa oni o si. Ọ kà Ohomorihi ộ yẹ ịsị aza ee ro, ọnịrị ịsị eyee sì. Isoromọnị ọ̀ọ ká Ohomorihi na, vi aa dọ ọ nị. Ama ọ̀ọ va ịrẹma ka Ohomorihi, vi aa và ịrẹma anị pooro zịna-zịna nị.

Ijeremaya 7:22

Ka ọnị mẹ kụ ohiku awụ nịnị hụrị ẹtẹ Ijipiti aa vẹ, ọnị kà ịrẹyị yị wa. Ẹ yị vị ịsọvọ ọyị mẹ dị aa rị ẹnyịị ịra kẹnẹ ọnị mẹ ọda anị yị wa.

1 Ịjọọnụ 3:6

Ọza ọnị ọnịrị Ikirisiti ọ̀ọ sị vabẹ, ọ yị mā kụkụ mẹ ịvị. Ọza ana àaā yịị mẹ ịvị, ọ̀ yị hyakụ yẹ ẹ vụrụ-vụrụ.

1 Ịjọọnụ 2:3

Yàa saasa ịrẹyị Ohomorihi, ọnị ọ vaa sị zụ̀ ka yáa yẹ Ohomorihi nị.

Imika 6:6

Sị ị nyẹngụ sịị va yị Ẹnẹyịmavara kẹ? Sị ẹ vị ịsọvọ ọnị vaa sị va yọ? Ị yaa vaa tana tụra ẹtẹ ọvịdị anị beri ịsọvọ ezi imaaru ịrayị ọnya ana aā rị ịraa yọ?

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.

Ihoseya 2:20

Ộ kà ọnị vaa sị ọ mẹ ose anị ịnị ịzẹyịza, dị ọ yẹ ọnị anka ọva anị.

Ahẹ Ụgama 50:8

Ọ kà ọnị ọ yị kà ka ọ mẹmẹ ọnị waa mẹ̀ ịsọvọ dị waa kụ́ ịsa vaa rịra yị ọnị nịnị eyinị-eyinị yị mị nịnị eyinị-eyinị.

Ịmaakị 12:33

A rẹ vọrọ ka ọza ọ̀ sị avaba ayị anị sì ịrẹyị anị, beri avaba ịrẹyọyẹ anị ọnịrị avaba ụkata anị, di ò re sì ịrẹyị ọnọhụva anị anka ẹngụ anị. Ọda ẹẹva ẹnẹnị e huna avaba ịsọvọ ana aā rị ịra ọnịrị ịsọvọ ana vọ bemi-bemi nị.”

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Ijosuwa 5:5

Nyị ọza ịnị ẹnị ana a ma ịnị ụnọmị ana a vịdị jị ụvẹvẹnẹ ịrẹma aza ẹnẹẹ ene sụ ịnị ụnọmị.

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.