Ihoseya 6:10 - IWE ỌNỊNỊ

¹⁰ Ẹnẹyịmavara kà ọnị o re odivi ana zụ chire ọza angwa ịnị Isirẹrị. Ori ọnị Anehwireemi nịnị aa dụ zị ọ re du wa ẹngụ.

Ihoseya 6:10 Referans Kwoze

Ihoseya 5:3

Ộ kà ọnị ọ yẹ ịsị Anisirẹrị nịnị vị. Ẹnịnị para ọnị hu anka ọsẹrẹka mẹẹ̄ hụrị ọva ụvọ avọọ nị. Ẹnịnị e si du ha.

Ijeremaya 23:14

Ama ọnị o ve re ka ịsị ọnị ọnịsẹ ene hi Ijerusarẹmị aa mẹ e divi hu nị. Ọsẹrẹka vị nị, dị eyee cheeche nị. Ẹnịnị aa gụ aza ụvọ ka ẹẹ mẹ̀ ịsa ẹnẹ ẹ yị vọrọ nị, agụvị avọọ, ẹ yị nyị ọza ana dọ ka ọnị ọ̀ hụụnị ebira odivi ọ̀ yị mẹ. Ẹnẹyịmavara kà ịnị eyi anị, avaba ẹnịnị vị ene divi anka Anisodọmị ọnị Igomora.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Ihoseya 4:11

Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.

Ezikẹẹrị 23:5

Ọ kà, dị ọnị daka yị nyị Ohora aanị, vị́ ọ nyayịnẹ à yịị sẹ̀ ịrẹka nị. Onyeehi anị nịnị ana vị Anasiriya vị ọnị ọ́ nyayịnẹ aa yịị dụụ zị.

Ijeremaya 18:13

Ẹnẹyịmavara kà, à họ̀ avaba anẹkụra use ka áá nyị ịzị ẹngụ ịrẹyị ọnọnị vịdị mẹ da? Anisirẹrị nịnị ẹ sị ebira odivi hangụ-hangụ mẹ.

Ijeremaya 3:6

Ijeremaya ka, Ẹnẹyịmavara ộ ka ẹ yị ọnị, ụmẹ ọnị Ijosaya sị vị ohinọyị ka, ọnị oo rẹ ịsị Anisirẹrị nịnị mẹ? Anisirẹrị nịnị vị ọnyẹnẹẹ ẹnẹẹ yị nyị ịzẹyịza. Ọ sị ịrẹma và ka ọnị, dị ọ naa sẹ̀ ịrẹka ngụ ịrẹsụ ataba ọnịrị iruvo avaba ọchị ohwoohu zị nị.

2 Ohinọyị 17:7

 maanị nyị ẹbẹẹba ẹkụra Ịsamarịya, agụvị Anisirẹrị nịnị ệ rị ịvị Ẹnẹyịmavara, Ohomorihi ẹnịnị, Ohomorihi ọnọnị ọ dọ wa hụrị ụvọ ohinọyị Ijipiti, dị ọ kụ wa hụrị ẹtẹ Ijipiti nị. Ẹnịnị ẹ́ naa hẹkẹ ori,

1 Ohinọyị 15:30

Ịrẹyị ọnọ ộ vavọọ mẹ agụvị ebira odivi oni Ijerobowami mẹ, dị ọ rẹ mẹ ka Anisirẹrị ẹnị ẹ̀ rẹ mẹ. Ebira ọnọọ vị ẹnị ẹ nyayịnẹ sị mẹ ayị kụ Ẹnẹyịmavara ana vị Ohomorihi Anisirẹrị.

1 Ohinọyị 12:8

A rẹ nyị ọpa ezweyi ẹnị ẹnịrị Irehobowami dudu vịra vabẹ. Ezi ẹnẹẹ vị ana rẹ jẹẹ pè ọnị. Di Irehobowami sị ayị hụụnị iwọjị ana azọkụ sị yọ, dị ọ rẹ sị ịrẹyị ọnọọ ne pè ezi ẹnẹẹ gẹ eyi nị.

Ezikẹẹrị 23:7

Ọnịrị avaba ọdọvịdị isoja Asiriya ẹẹ sẹ̀ ịrẹka nị. Ịrẹkọyịsẹ ọnọọ ọ sị ọ naa mẹ ori Anasiriya nịnị, ọnị ọ sị me ẹngụ anị ọsọọsa nị.

Ihoseya 4:12

E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.