Ihoseya 5:5 - IWE ỌNỊNỊ

⁵ Ka Anisirẹrị nịnị aa sị ẹngụ ẹnịnị tụ́ ẹba, ebira odivi ẹnịnị aa vị ụhị tù wa nị. Anehwireemi ọnịrị Anijuda ẹ̀ kụ vanga hyẹdụ tụ ịnị ebira odivi.

Ihoseya 5:5 Referans Kwoze

Ihoseya 7:10

Ka ẹnịnị aa sị ẹngụ tụ ẹba, ẹnịnị ẹ yị varẹma ne tu Ẹnẹyịmavara Ohomorihi ẹnịnị ịnị ụmẹ ọnị ịrẹyị sị tụ́ wa.

Emọsị 5:2

Isirẹrị sị mẹ anka ozwoorihi ana hyẹdụ, dị ẹ yị vana zụ kwẹẹtẹ avọọ nị. Dị aa hụrẹ ẹ ụvọ tụ ịzị ọ ya nị. Ẹ yị nyị ọza ana sị ọ kwẹẹtẹ

Iruuku 19:22

Dị ọga anị kà a yọ ka: ‘Ẹwụ ozi ahụ odivi ọnọnị! Ịrẹyị irenu awụ m maa sịị mẹ̀ ọkarẹyị awụ nị. Wâ yẹ ka ọza ọkatẹngụ mị vị nị; dị maa sị ịsa ọnị mẹ̀ yị sị tịtẹ, dị mị raa há ịsa oni mè yi chire nị.

Imatiwu 23:31

Ẹwụ nịnị ụvọta ọ raà dọ ivenu ka ozi aza ana wụ ọnịsẹ nịnị ụ vị nịnị nị.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 8:14

Ẹnẹyịmavara kà Anisirẹrị nịnị e hi ayị ọnị ana tụ wa, dị ẹ yaa dà irehi ẹbanyị-ẹbanyị yị ohinọyị ọnịrị ẹkụra ẹbanyị-ẹbanyị ana a jị ọvọ kara ẹtẹ Ijuda, avọọ ọnị vaa tụ́ ịra ka o du irehi ẹnẹẹ ha.

Ihoseya 5:14

Ohomorihi ka ọnị vavẹ ịrẹsụ Isirẹrị ọnịrị Ijuda anka idu anaa kụ́ ayị avọọ nị. Ọnị ọ na wa dị ọnị kụ́ wa, dị ẹ yị nyị ọza ene zụ họ̀ use.

Ihoseya 4:5

Ọọdụ hi ịrahụ vị ọnị ẹnịrị ọnịsẹ ẹnịnị aa tụ́ ahụ vanga, ộ kà ọnị vu Isirẹrị ọnyị ẹnịnị ẹtẹ.

Ijeremaya 14:7

Ẹnẹyịmavara kà, aza anị aa jị òrèrè ka, ịzẹyịza, ịvị ẹnịnị aa dọ ẹnị ivenu de, ama, ọnị navọ ọnị ọ̀ gu ẹnị ụvọ anka ọnị mẹ vịdị kà a. Ẹ ka, ụmẹ ọrụrụ-ọrụrụ ẹnị sị va ịrẹma Ẹnẹyịmavara nị, ẹnị ẹ raa rị ịvị anị.

Ayịsaya 59:12

Ebira odivi ẹnịnị vị ana gwẹẹtẹ ọvịdị Ohomorihi, dị ẹ yaa jị ịvị yị wa. Ẹnịnị ẹ yẹ avaba ebira odivi ẹnẹ mẹ̀.

Ayịsaya 44:9

Avaba aza anaa mẹ ori vị aza kẹnẹ-kẹnẹ. Ori ẹnẹ vavọọ sị ụbanyị yị, rẹ vị ịsa kẹnẹ-kẹnẹ. Aza anaa hẹkẹ ori ẹnẹẹ vị ogweyi, dị ẹ̀ yị nyị ịsị ẹ yẹ nị. Ohomorihi vị ana vaa mẹ ụhịị nyị wa.

Ayịsaya 3:9

Ẹ́ mẹmẹ ee re ẹtẹ ộ hyakụ sị zụ̀ ka ẹngụ ebira ẹnị ẹ yaa mẹ ọ vị ọnọọ nị. Ebira odivi ẹnị ẹ yaa mẹ ọ vị ọnọọ nị. Ebira odivi ẹnịnị vị ẹnị ẹ kụ́ tụra eyi anka Anisodọmị avọọ, ẹnịnị ẹ yị sị tẹ vụrụ-vụrụ. Ẹ sị dà ẹnị ụvọta ẹ sị ụvọ tura ụya ve kú ẹngụ ẹnịnị nị.

Ụhịrẹyị 30:13

Aza ẹnyị vị anaā sịị ẹngụ ẹnịnị tụ ẹba, dị ẹ yaa sị eyii wụ̀ aza ana vọ.

Ụhịrẹyị 24:16

Ọnịzẹyịza ọ̀ọ hyẹdụ pooro, ọ vaa kwẹẹtẹ ama akanya vi ene vee vu ọza ọhịmị ẹtẹ.

Ụhịrẹyị 14:32

Ebira odivi aza ọhịmị e vu wa ẹtẹ nị ama ebira aza ọyịza ọọ̄ dọ wa tụ nị.

Ụhịrẹyị 11:21

Ọza ẹ yị jị ọ ịrẹka ka aza ọhịmị vaa rị ụya, ama ezi ọnịrẹyịzẹyịza vị ana vaa ha.

Ụhịrẹyị 11:5

Ịzẹyịza vị ana mẹ̀ ẹhẹ ọnịzẹyịza rọọ ẹngụ ama ebira odivi ọza ọhịmị aa tana yị usu nị.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.