Ihoseya 5:12 - IWE ỌNỊNỊ

¹² Ẹnẹyịmavara kà ọnị vee du Anisirẹrị ha anka ukukurumi mẹẹ̄ rị owu, dị ẹ ta anka ọchị ana vụ avọọ nị.

Ihoseya 5:12 Referans Kwoze

Ayịsaya 51:8

Aza ene du wa vee vu ẹtẹ anka idegu mẹ̄ rị achị avọọ. Ama ọnị vaa ẹdọha wa pooro zịna-zịna. Avọọ ọnị mẹ vaa nyị ẹbẹẹba pooro nị.

Ijoovu 13:28

Avọọ ẹhẹ anị ee duu ha anka ịsị ẹ sị vụ̀ avọọ nị. Ọnị ọ kụkụ sị mẹẹ anka awuru ọnị ikere sị rị avọọ nị.

Ijona 4:7

Ịnị ịrahụ eyinẹhẹ anị, dị Ohomorihi mẹ ka ukukurumi ọ rị avị ọnọọ, di o su nị.

Ayịsaya 50:9

Ẹnẹyịmavara Ohomorihi vaa gụ ọnị ụvọ. Ọ vaa sị zụ ka ọnị ẹ yị rị ịvị. Aza ene du ọnị vaa ta hụrị ẹtẹ. E vee vu ẹtẹ anka idegu mẹẹ̄ rị awuru avọọ nị.

Ụhịrẹyị 12:4

Ọnẹẹ obooro ọ vị okurẹsụ ọva anị nị ama ọnẹẹ ana mẹ̀ ụhị nyị ọva anị sị mẹ anka ịtahụ ọ̀ọ tụra ọza avọọ nị.

Ahẹ Ụgama 39:11

Ọza ọ̀ọ mẹ ịvị, dị waa tụ́ ọ ohuvọ nị ịsị ọza ọnọọ ò sì ịrẹyị anị hu, di u du ọ ha anka ikere mèe du ịsaa ha avọọ Ịzẹyịza ẹ yị nyị ịsị ọza vị vụrụ-vụrụ.

Ayịsaya 5:24

Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.