Ihoseya 4:2 - IWE ỌNỊNỊ

² Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Ihoseya 4:2 Referans Kwoze

Ihoseya 6:9

Aza ana ra hi ịzọọ vị anaā mẹ̀ ako. Ẹẹ̄ vaka jị aza anaa ngụ wa ụvọ hi nị. Ẹ yaa wụ́ aza oze ana na ngụ Ịsẹkẹmị, dị ẹ rẹẹ̀ yaa mẹ̀ ebira odivi-odivi ẹnẹ ẹ yị wụrị ụtọ wụ́ nị.

1 Anịtẹsaronika 2:15

Aza ẹnẹẹ ệ wụ Ijeesu Ananyị yị ọnịrị ọnịsẹ ẹnịnị. Ệ rẹ dụ yị tụ́ ẹhẹ. Ịsa ẹnẹ mẹ, o yi zé Ohomorihi eyi. Avaba aza vị ẹnẹ ẹ rẹẹ̄ kụ̀ụ hịrẹ ẹtẹẹtẹrẹ.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Ijeremaya 6:7

Enyi meē hi ẹtẹ ịnị ịkangga avọọ, avọọ ebira odivi-odivi mẹ gwẹtẹ Ijerusarẹmị nị. Ebira ụkata-ụkata ọ̀yị sị mẹ ịrẹyị ọnịrị ịsa oyi du ha aa wụ́ ịzọọ nị. Ụkụ ọnịrị ụnava kẹnẹ ọnị ee re ịzọọ nị.

Ẹtore 17:6

Dị mi re ka, ọnẹẹ ọnọọ mè hú anya aza Ohomorihi ọnịrị anya aza anaa wụ agụvị ka ẹ́ẹ nyị ịzẹyịza hi Ijeesu, dị ọ kụkụ aa mẹrị ọọ nị. M mè ree, óo hí mi irenu ẹtẹẹtẹrẹ.

Odeyi 7:52

Áá nyị ọnịsẹ oni ohiku awụ nịnị ọ̀ yị sị ụya rị da? Ẹ raà wụ̀ aza ana vịdị va kà a tịtẹ ka Ọnịzẹyịza ọnọọ aa vẹ. Ọza ọnọọ u si chire aza ụvọ, dị ụ wụ̀ ọ nịnị nị.

Imatiwu 23:35

Agụvị avọọ ịrẹsụ ẹwụ nịnị anya avaba ọnịrẹyịzẹyịza ana a wụ̀ aa vẹ nị, hụụnị Ebẹrị ọnịzẹyịza ana a wụ̀ na ngụ usu Ịzakaraya, ozi Ibarakaya ọnị ụ wụ ịnị akakana irehi Ohomorihi ọnịrị ụta ịsọvọ nịnị.

Ịzakaraya 7:9

Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva.

Ịzakaraya 5:3

Dị anggẹẹrị kà yọ ka ini iwe ọnọnị a chẹrẹ ozirenu ana a tụ́ hi avaba anẹhẹ. Akaha ọnya ịnị iwe ọnọọ a chẹrẹ ẹ ka Ohomorihi vaa wụ̀ ọza tụra ọza ene yi oyi. A rẹ chẹrẹ tụ́ ịnị akaha ọsa ka Ohomorihi vaa wụ̀ ọza tụra ọza ene cheeche dị a hị́ eku tụ́ ọ.

Ịzẹhwanaya 3:1

Ịrẹyị o tù Ijerusarẹmị ẹngụ agụvị ka ẹkụra ọnọọ o si du. Aza ana ra ịzọọ aa mẹ akamawụ, dị ẹ yaa chamayị yị ẹngụ nị.

Imika 6:10

Ẹwụ nịnị aza edivi ene yi oyi dị ụ kụ́ ọ na na tẹ̀ Ẹwụ nịnị óó ro ka Ẹnẹyịmavara ọ yị tamayị? Wàa ná ịsa yị ọza ụ sị ọ mẹrị, o du wu kù.

Imika 3:9

Ẹwụ nịnị ọdọvịdị anovwoovu Ijekọvụ ò batọ. Mị ka ẹwụ ọdọvịdị Anisirẹrị ene è yi mē sì ịzẹyịza è batọ dị ẹ̀ wụ́ ịrẹyị amị.

Imika 3:2

Ama ẹwụ nịnị ọnọọ ọ vaa mẹ̀ ịsa odivi di wè yi sì ka wa mẹ̀ ịsa ana vọrọ nị. Wa sị ụhwọ nyị tù aza anị nịnị anka ọza ana aa vọ uye avọọ.

Ihoseya 12:14

Anisirẹrị nịnị ệ mẹ̀ ayị kụ́ Ẹnẹyịmavara ẹtẹẹtẹrẹ, avọọ ọ mẹ̀ ọkarẹyị usu si ụta ịvị ẹnịnị yị wa nị.

Ihoseya 10:4

Ẹnẹyịmavara kà a Anisirẹrị nịnị vị ana nyị irenu kẹnẹ, dị ẹ ya kà ịsa ọnị ẹnịnị ẹ yị vaa zụ mẹ. Ẹ raà sị irikiti dọ ịzẹyịza ịrẹsụ. Ẹ sị mẹ anka avị odivi ana chaka hi aarẹ avọọ nị.

Ihoseya 7:3

Ebira odivi ẹnịnị vị ene hine ohinọyị ayị, di ireche ẹnịnị vị ayohine ọdọvịdị nịnị nị.

Ihoseya 5:2

ne beri Isitimi. Ẹnẹyịmavara kà ọnị vaa sị ụya anị rị wa.

Arụwẹ 4:13

Ama ebira odivi ọnịsẹ nịnị ọnịrị ohirẹsụ irehi Ohomorihi nịnị ọ mẹ ka aa wụ̀ aza ana aa mẹ ịzẹyịzaa ha nị.

Ayịsaya 48:1

Batọ ịrẹyị ọnọnị, ẹwụnị Anisirẹrị ana vị evere Ijuda ana sị ịrẹha Ẹnẹyịmavara hị́ eku. Ẹ ka ẹnị aa hẹkẹ Ohomorihi Anisirẹrị ama ireche osusu.

Ayịsaya 24:5

Aza ene hi ịnị ẹhẹ ẹ sị ẹhẹ du. Ẹnịnị ẹ yị zẹẹ ka ẹnị ẹ̀ saasa ọda Ohomorihi. Ịsị Ohomorihi ọ̀ọ ka asị ẹ mẹ, ẹ yaa mẹ̀ ẹ, ẹnịnị ẹ yị jẹẹ tụ́ ịzị ẹnịrị Ohomorihi kà ịrẹyị tụ́ hụrẹ ụmọrụmọ.

Oyinyima 4:8

Ẹkụhị ọnya Ikeeni ô pè Ẹba ọyịnyara anị kà ịrẹyị. E mè hi ịnị aarẹ, di Ikeeni za Ẹba dị ọ wụ̀ ọ nị.

Iwe Ọhụhị Imosiisi ana aa hị́ Ọyịvatụrọda 5:11

Ẹnịnị ẹ̀ yị nyayịnẹ sị ịrẹha Ẹnẹyịmavara ana vị Ohomorihi ẹnịnị hị́ eku ireche, Ẹnẹyịmavara kà a yẹ ka ọza ọnọọ ọọ rị.

Iwe Ọhụhị Imosiisi ana aa hị́ Ọyịvatụrọda 5:18

Wẹ yị nyayịnẹ sè ịrẹka.

Iwe Ọhụhị Imosiisi ana aa hị́ Ọyịvatụrọda 5:19

Wẹ yị nyayịnẹ yị oyi

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ezikẹẹrị 7:23

Ọ kà avaba ẹtẹ Isirẹrị ọ sị vazi, aza vị ana a kụkụ aa wụ kẹnẹ, dị avaba ẹkụra kụkụ vị ohihi yị ebira odivi-odivi nị.

Ihoseya 6:8

Igiriyadi vị ẹkụra ọbanyị anako nịnị. Anya ọza ọnị ẹ yaa wụ́ vị ana tọ wa ịrẹwa.

Ihoseya 7:4

Avaba ẹnịnị vị anaa sẹ̀ ịrẹka. Ịrẹkọyịsẹ vị ana jị odo tụ wa ẹngụ anka arasị mẹẹ̄ ngwụra zi ịbụrẹdị ana jị avọọ.

Ihoseya 10:13

Ama ebira odivi ọnị ê chire ẹ vaa ha nị. Ireche ọ vaa vị ẹtụtụ ọnị ẹ vaa rị nị.

Ihoseya 11:12

Ọ kà a Anisirẹrị nịnị vị ana sị ireche ọnịrị evene kara ọnị. Anijuda nịnị vị ana yịị mẹ akamawụ hi ọnị Ohomorihi ọnịnị ana vị ọnịrẹyịzẹyịza.