Ihoseya 4:12 - IWE ỌNỊNỊ

¹² E yee họ̀ use etore hụụnị ụvọ ori ana sị ọchị bẹ. Okutẹ aa jị ẹva yị wa. Ụhwẹ ịrẹkọyịsẹ ọ raà sị wa nyeeyi ka asị ẹ yẹ Ohomorihi ẹnịnị.

Ihoseya 4:12 Referans Kwoze

Ihoseya 5:4

Ebira odivi ọnị ệ mẹ̀ ọ yị zẹ ka ẹ varẹma vẹ ịdị Ẹnẹyịmavara.

Ijeremaya 2:27

Ụhị ọ vaa nyị ẹwụ nịnị ana a kà ọchị ọ va ada awụ nịnị, dị ịrẹta vị ọnyị awụ nịnị nị. Ọ kà aanị ọ mẹ vaa yaa wụ nịnị nị, agụvị ka wa sị ịrẹma và ka ọnị nịnị, we yị và eyi ka ọnị nịnị. Ama ịjị ẹngụkata ọọ ka wụ nịnị vẹ dị ụ ka ọnị ọ̀ kwẹẹtẹ dị ọnị ọ̀ dọ wụ nịnị tụ.

Ihabaku 2:19

Ọza ana kàa yị ọchị a vị ịrẹta ka ọ̀ kwẹẹtẹ, ọ̀ nyarị iruwa. Áá nyị ịsị ẹẹmẹ ẹnẹẹ zụ sị zụ ọza? A zụ wụ́ igooru ọnịrị isiriva ku ọ, ama ori ọnọọ ẹ yị nyị ụhwẹ.

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

Ịrịka 15:39

Ẹnịnị e re izahu ẹnịnị, ẹ vaa tama wa ayị ọda Ẹnẹyịmavara, dị ẹ saasa a, Ẹnịnị ẹ yị kụkụ vaa mẹ ịsị ọnị e yee si anka ẹ mẹ vịdị mẹ̀.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Ihoseya 9:1

Ẹwụ nịnị Anisirẹrị, asị ẹ rẹẹ jẹ ịrajẹ anka anẹkụra ana vọ agụvị ka ẹnịnị ẹ yị mẹ ịzẹyịza ka Ohomorihi ẹnịnị na. Ẹnịnị ẹ raà ná ẹngụ ẹnịnị yị ori nịnị anka ebira ọsẹrẹka avọọ, dị ẹ ya mẹ̀ ịsọvọ yị ori ịnị ụmẹ ịsa ọyịna.

Ezikẹẹrị 21:21

Ohinọyị Ịbabịrọnị ộ jẹẹ oze ahẹva ịzị asịyẹ jẹẹ. Ê sị ka ọnị ọ̀ yẹ oze ana vọrọ ka ọnị ọ̀ zị. Ô henyi ọpa anị re; ộ họ̀ ori anị nịnị usirẹyị, dị ó tu ụpẹ ọnya dị aa zama ayị uye ana a sị mẹ ịsọvọọ re nị.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ahẹ Ụgama 73:27

Aza ẹnẹ ẹ̀ yị gụrị ẹwụ vi ene vee vú ẹtẹ. Avaba aza ẹnẹ ẹ̀ yị sị ịnẹ zụ̀ wụ vị ọnị ụ vaa wụụ vaa ha.

2 Ịtọpa 21:13

Ọ sị ka ọnọọ, dị ụ hama ohinọyị Anisirẹrị nịnị, dị ụ mẹ̀ ka Anijuda ọnịrị Anijerusarẹmị nịnị ẹẹ mẹ̀ akamawụ hị́ Ohomorihi anka Ahabị ọnịrị ohinọyị nịnị ana vana dọ ọ ịrẹsụ. Avọọ ụ mẹ rẹẹ̀ wụ̀ ẹyịnyara awụ ana vị ọza huna awụ nị.

Ireevi 20:5

Ọnị ụvọta vaa và eyi ịrazịị ka ọza ọnọọ ọnịrị avaba anineehi anị, ọnị ọnịrị dudu naa mẹ ori ana aā hị́ Imorẹkị, dị ẹnịnị ẹ̀ yị mẹ ịzẹyịza hi ọnị, ọnị ẹ́ yi kụkụ vaa za wa ịrịka beri aza nị.

Ireevi 17:7

Asị Anisirẹrị nịnị kụkụ va hụrẹ ịrẹma Ẹnẹyịmavara, dị ẹ̀ naa wụ̀ ịsụpa ẹnịnị mẹ̀ ịsọvọ ịnị orere yị echu ana sị mẹẹ anka ẹvụ avọọ. Ẹwụ nịnị Anisirẹrị vị ana vaa saasa ọda ọnọnị pooro zịna-zịna.

Ahẹ Ụgama 106:39

Ẹ raà sị ebira ẹnị ẹ yaa mẹẹ du ẹngụ ẹnịnị ẹngụ, ẹnịnị ẹ yị kụkụ sị ayị ọnya yị Ohomorihi.

Ihoseya 14:3

Anasiriya nịnị ẹ yị zụ dọ ẹnị ha, a vị umaata ịrẹkụ zụ dọ ẹnị ha nị. Ẹnị ẹ yị kụkụ va hẹkẹ ori dọ ịrẹsụ Ohomorihi ẹnịnị nị. Ẹnẹyịmavara vaa vayị ozi oku ẹnẹ ẹ yị nyị ọza na va ẹngụ ya.

Ọdọvịdị 18:5

Ịjọnọọ dị aza ẹnẹẹ ka yị Anireevi ọnọọ ka aarịhịnị o pe ẹnị họ̀ use ịnị ụvọ Ohomorihi ụtụ ana tụ ẹnị aanị oo vee zoza.

2 Ohinọyị 17:7

 maanị nyị ẹbẹẹba ẹkụra Ịsamarịya, agụvị Anisirẹrị nịnị ệ rị ịvị Ẹnẹyịmavara, Ohomorihi ẹnịnị, Ohomorihi ọnọnị ọ dọ wa hụrị ụvọ ohinọyị Ijipiti, dị ọ kụ wa hụrị ẹtẹ Ijipiti nị. Ẹnịnị ẹ́ naa hẹkẹ ori,

Ijeremaya 23:13

Ẹnẹyịmavara kà ọnị ô re ebira odivi ọnị ọnịsẹ ene hi Isamariya aa mẹ. Ịrẹha Ịbaarị ẹyaa sị kà ịsẹ nị. Ẹnịnị ẹ raa kụ aza anị nyeeyi.

Ezikẹẹrị 20:32

Wa sị ẹngụ tenyi nịnị ka ẹwụrị anẹkụra ana vọ ẹ̀ vị ọnyọọnya dị waa vàa ku ẹtẹ yị ọchị ọnịrị ịrẹta nịnị. Ama ẹ́ yị vaa vị wụ nịnị mẹ.

Ihoseya 6:10

Ẹnẹyịmavara kà ọnị o re odivi ana zụ chire ọza angwa ịnị Isirẹrị. Ori ọnị Anehwireemi nịnị aa dụ zị ọ re du wa ẹngụ.