Ihoseya 2:4 - IWE ỌNỊNỊ

⁴ Ẹnẹyịmavara kà ọnị ẹ yị vaa vayị ezi anị agụvị ka ezi ọta ẹ vị nị. Ọnyị ẹnịnị vana sẹ̀ ịrẹka dị ọ ma wa.

Ihoseya 2:4 Referans Kwoze

Ihoseya 1:6

Dị Igoma rẹ varẹma zyẹẹ dị ọ ma ozi ọnẹẹ nị. Dị Ẹnẹyịmavara kà yị Ihoseya ka ịrẹha ozi ọnọọ ọ rị Iro-ruhama ọnị iruvo anị ọ vị “Ẹ yị nyị ayamva”. Ẹnẹyịmavara kà ọnị ọ yị kụkụ vaa vayị Isirẹrị dị ọnị ọ hyakụ vaa vagu wa.

Ihoseya 1:2

Ịnị ụmẹ ọnọọ, Ẹnẹyịmavara nyima aa tụ Ihoseya hi Anisirẹrị nị. Ọ́ kà Ihoseya ọ̀ na nyị ọsẹrẹka, dị ọ ma ezi ẹngụ ọza ẹnẹsa yọ. Ộ kà ọ vavọọ mẹ, dị ọ sị zụ Anisirẹrị nịnị mẹmẹ para ọnị hu naa hẹkẹ ori.

Ezikẹẹrị 8:18

Avọọ, ọnị vaa sị ọyịkụ anịị zụ wa ẹtẹẹtẹrẹ. Ọnị ẹ́ yị vaa sị eyi kwooze yị wa, ọnị ẹ́ yị vaa vayị ẹnịnị. Ẹnịnị vaa mẹ̀ aduwa, dị eyee nowu boro-boro, ama ọnị ẹ́ yị vee tu wa ohi.

Ijeremaya 13:14

Ẹnẹyịmavara kà ọnị vee gù avaba ẹnịnịị chire ẹngụ. Ada rị ozi bẹẹ vị ọnị ọnị guu chire ẹngụ. Ọnị ẹ yị vaa vayị ẹnịnị ka ọnị ẹ yị vu wa ẹtẹ.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Aniroomi 11:22

Agụvị avọọ yẹ nịnị, Óhomorihi mẹmẹẹ̄ vayị ọza ẹtẹẹtẹrẹ, dị ọ rẹẹ̄ mẹ̀ ọkarẹyị ọkatẹngụ. Ọnọọ vị ka ọọ̄ mẹ̀ ọkarẹyị ọkatẹngụụ yị aza ana sị hyẹdụ. Wàaa yịị mẹ ịrẹyị anaa vọrọ ka ọ̀ sị vayị awụ nịnị, ọ vaa vayị awụ nịnị. Ama wẹ̀ yị vavọọ mẹ nịnị, vị ọ raa dà ẹwụ nịnị kwooze bẹẹ nị.

Aniroomi 9:18

Agụvị avọọ, ọza oni Ohomorihi òo sì, dị ọ vayị anị. Ọza oni òo re sì, dị ọ mẹ ka ọ̀ nyị ayị ọkatẹngụ.

Ịjọọnụ 8:41

Ịsị ada awụ nịnịị̄ mẹ, ụ waa mẹ nịnị nị.” Dị ẹnịnị rẹ ka, “Yẹ yị vị ozi ọta, Ohomorihi ọnịnya ọ vị Ada ọnị ị nyị nị.”

Ịzakaraya 1:12

Dị anggẹẹrị ọnọọ họ̀ Ẹnẹyịmavara Ochẹtẹẹngụ ka ịzị o vee ku ne tù dị ọ vaa nyị ayamva yị Ijerusarẹmị ọnịrị ẹkụra ene hi ịnị ẹtẹ Ijuda? Ộ sị mẹ ịrayị ẹtarẹwụ ọnị ọ hụrẹ aa kụ́ ayị hi anẹkụra ẹnẹẹ.

Ezikẹẹrị 9:10

Ama ọnị ẹ́ yị vaa vayị ẹnịnị. Ọnị vaa mẹ wa, ịsị ẹ́ mẹ aza ana vọ.

Ijeremaya 16:5

Ọ kà a ka asị Ijeremaya ngụ irehi ana aza aa zị ẹngụ oku ịnị anị. Asị ọ́ hụvị ọza ọnyọọnyị du ayị. Ọ kà ọnị ẹ yị ma vana mẹ ize yị aza ka ẹ̀ nyị ẹngwọọrọ. Ọnị ẹ yị kụkụ vee sì ịrẹyị ẹnịnị avịka ọnị ọ̀ vayị ẹnẹnị.

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ayịsaya 27:11

Ịjị ọchị ẹnẹẹ sị wụ, dị a dà wa, dị anyẹnẹẹ nịnị va kụ́ wa na gụ ịra nị. Aza ẹnẹẹ ẹ yị yẹ ịrẹyị. Agụvị avọọ Ohomorihi ana mẹ wa ọ yị kụkụ vayị ẹnịnị. Mị ka Ohomorihi ana tụ́ wa vẹ ẹhẹ ọ yị kụkụ vayị ẹnịnị.

2 Ohinọyị 9:22

Ijorami ộ họ̀ Ijehu use ka: ẹngwọọrọ ọọ sị aa vẹ nị? Dị Ijehu ka, “á mẹmẹ zụ nyị ẹngwọọrọ ịrẹma ọnị ọpọchị ọnịrị ori ọnị ọnyị awụ Ijezebẹrị nyima anị yi hi ẹtẹ?”

Ezikẹẹrị 23:25

Ka ọnị aa kụ ayịị hi wu nịnị, ọnị vaa navọ wa ka ẹ̀ sị ọyịkụ mẹ wụ nịnị o me zee wa eyi. Ẹnịnị vaa yẹrẹ wụ nịnị aahị ọnịrị ụtọọ vàa ha, dị ẹ wụ ezi ewu nịnị va ha. Ịzẹyịza, ẹnịnị vaa ku ezi anọrụ ọnịrị anẹẹ awụ nịnị, dị ẹ rị wa ịra ireyi-ireyi.

Ihoseya 5:7

Ẹnịnị ẹ yị mẹ̀ ịzẹyịza ka Ẹnẹyịmavara na. Ệ ma ezi ọta hi ẹtẹ kẹnẹ nị. Ori ọnị ẹ yaa hẹkẹ o vee vu ẹnịrị ogu ẹnịnị ẹtẹ nị.

Ayịsaya 50:1

Ẹnẹyịmavara kà, ẹnịnị wéé ro ka a ọnị dụ aza anị jịnẹ anka ọnọrụ ene yi ose anị tịtẹ avọọ nị? Ẹnịnị wéé ro ka ọnị ná wa ọrịhị nọ ẹkụra ọsa anka ọza ana ná ezi ọrịhị avọọ nị? Eyiyee de! Ịvị Ọnị ệ mẹ̀ ọ mẹ ka a za wa ọrịhị nọ ẹkụra ọsa nị. Agụvị ebira odivi ẹnịnị a dụ wa jịnẹ nị.