Ihoseya 2:15 - IWE ỌNỊNỊ

¹⁵ Ọ kà ọnị aa sị ụbazị ịvayịnị anị ẹnẹẹ varẹma yọ, dị ọnị vara inozi ana vị aha akanya aha eyọtụra. Ọ vaa sị ẹngụ anị yị ọnị ịzọọ anka ộ mẹ mẹ̀ ịnị ozweyi ọ maa hụrị Ijipiti.

Ihoseya 2:15 Referans Kwoze

Ezikẹẹrị 28:26

Ẹnịnị vaa ra ịzọọ, dị ẹ́ yị nyị ịsị ẹ mẹ̀ wa. Ẹnịnị vaa dà irehi, dị ẹ dà ụbazị ene e chire ọchị ịvayịnị hi. Ịjị ọnị ộ raa sị ụya rị anẹkụra ana gụrị wa ẹnẹ ẹ̀ yị vịdị sị ụbanyị yị wa, Anisirẹrị nịnị vaa ra, dị ẹ́ yị nyị ịsị ẹ mẹ̀ wa. Ịjọnọọ ẹnịnị vaa yẹ ka ọnị ọ vị Ẹnẹyịmavara Ohomorihi nị.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ihoseya 11:1

Ẹnẹyịmavara kà Isirẹrị mẹ hụrẹ vị ozweyi ọnị sì ịrẹyị anị, dị ọnị hị́ ọ hụrị Ijipiti nị.

Ijosuwa 7:26

Dị e gu ịrẹta ẹnẹ ẹ sị wụ̀ wa ku wa ịrẹsụ, dị ọ nẹba ẹtẹẹtẹrẹ nị ịrẹta ẹnẹẹ hi hi ịzọọ booro ve tu ajịnị. Agụvị avọọ aa hị́ ịzọọ inozi akanya.

Odeyi 14:27

Ẹ mẹ̀ sị ngụ Antịyọkị, dị ẹ kụ́ anịragụ Ohomorihi gụ, dị ẹ kà a yị wa avaba ịsị Ohomorihi beri wa nị.

Ịjọọnụ 10:9

Ẹmị ọnọnị ọ vị oze obooro nị. Ọza ana àa zị oze obooro ọnọọ ngụ eehi, ọ vaa há. Ọ vaa ngụ eehi, dị aa jịnẹ, di ee re ịsa ana vaa sị ẹngụ anịị hunẹnẹ.

Emọsị 9:14

Ẹnẹyịmavara kà ọnị vaa kụ aza anị anaa za ọrịhị hi ikinamị vaa vẹ eehi. Ẹnịnị vee tenyi eburu ẹkụra ẹnịnị da, dị ẹ̀ ra hi ịnị anị. Ẹ vaa kụ ụbazị ịvayịnị, dị e yee hu eche anị, ẹ vaa da ụbazị, dị ẹ yaa rị ịsa anị.

Ezikẹẹrị 16:60

Ama ọnị vaa mẹ ịsị ọnị ọnị kà a ka ọnị vaa mẹẹ yị wụ ụmẹ ọnị ụ vị ozweyi, dị ọnị hị́ eku yị wụ ọnị ọnị ẹ̀ yị vaa và ịnị anị pooro.

Ezikẹẹrị 16:22

Ẹnẹyịmavara kà, avaba ụmẹ ọnị ụ sị aa sẹ̀ ịrẹka, dị waa mẹ ịsị eenyisi zị, wẹ́ yị daba tamayị ịjị ọnị vị ozweyi, ọnị wáá tụ ahwaahụụ zịị?

Ezikẹẹrị 16:8

Ọ kà ọnị mẹ rẹ vanaa paraahu dị ọnị ré wụ, ọnị ô ré ka wa sị hụụ ọ họ̀ ịrẹyị. Ọnị ộ chire wu awuru ka we si ku ahwaahụ awụ, dị ọnị ka ọnị oo sì ịrẹyị awụ nị. Ẹnẹyịmavara Ananyị ụkata hu ka, ịzẹyịza, ọnị ộ kà a ka ọnị vaa nyị wụ, dị ụ kụkụ sị vara áanị.

Ayịsaya 65:21

Ẹnịnị vaa dà irehi, dị ẹ ra ịnị anị. E vee chire ọchị ịvayịnị, dị ẹ rị ẹtụtụ anị.

Ịzakaraya 9:12

Waa vaa vẹ aha ọyịtẹ̀ awụ nịnị, wa nyị eyọtụra. Ẹnẹyịmavara kà booro aanị, ọnị vaa sì wa atọ ịsa ana jị wa ha oze ẹẹva.

Arụwẹ 3:21

Ama ọnị mẹ tamayị ịsa ọnyara ọnọnị, dị ọnị ka ọnị ọ nyị ọyịtureyi nị.

Ijeremaya 32:15

Ẹnẹyịmavara Ochẹtẹẹngụ, Ohomorihi Anisirẹrị ọ sị ọ ka ka, a vànaa hị́ irehi, ẹtẹ ọnịrị ụbazị ịvayịnị ịzị ẹnị o.

Ahẹ Ụgama 106:12

Ịjọnọọ dị Anisirẹrị sị, ayị tụra ịrẹyị oni Ohomorihi ka ọnị vaa me, dị ẹ yaa jị ahẹ kụ́ ọ avọ nị.

Ịrịka 21:17

Ịjọnọọ Anisirẹrị nịnị jị ahẹ ọnọnị nị: Ịkangga sị enyi vẹ, dị ya jị ahẹ gono wu.

Ihoseya 12:9

Ẹnẹyịmavara kà ọnị ọ vị Ohomorihi ana kụ́ wa hụrị ẹtẹ Ijipiti nị. Ọnị vaa mẹ̀ ka ẹ rẹẹ̀ varẹma na ra ịnị ajẹngụ anka ụmẹ ana aa sị rị eche avọọ.

Ayịsaya 65:10

Yị aza amị anaa hẹkẹ mị, ẹtẹ Ịsarọnị vaa vara ịzị atẹmẹ aa rị, dị inozi Aakọ vị aha ịzị ịsụpa vaa sụ́tẹtẹẹ hi.”

Ihoseya 2:12

Ẹnẹyịmavara kà ọnị vee du ụbazị ịvayịnị ọnịrị ọchị ihwigi ọnị onyeehi anị sị si ọ ụta ịbẹhị anị ha. Ọ́ kà ọnị vaa vara ịzọọ iruku, dị uye ini avị aa rị ịsa ene hi ịnị anị.

Ahẹ Ụgama 129:1

Anisirẹrị ẹ̀ kụkụ kịị kà a kẹnẹ ka A raà mẹ ehuna mị ẹnẹmẹhị. M mẹ̀ hụrẹ vị ozweyi ẹ hụrẹ aa mẹ ehunaa mị nị.

Ijeremaya 2:1

Ijeremaya ka Ẹnẹyịmavara ộ tụ ọnị ka,

Ijeremaya 3:4

Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.

Ijeremaya 29:11

Ọ kà agụvị ka ọyịnyara ọ yẹ́ aro ọnị nyị yị ụ nịnị nị, ọnị ọọ nyị aro ọ́ mẹmẹ vee zee ụ nịnị ẹ́ yị vị ọ́ mẹmẹ vaa kata ụ nịnị ẹngụ, ọnị ọọ nyị aro ịsa ọnị waa tụra eyi nịnị ụhwọọ mẹmẹ vaa gẹẹ yị ụ nịnị.

Ezikẹẹrị 28:25

Ọ kà ọnị vanaa varẹma kụ Anisirẹrị nịnị gụ hụrị avaba ẹkụra ọnị ọnị gara wa ne hi. Ọnị vaa sị zụ ịnị akakana ẹnịnị ka ọnịnị ọnị vị nị, dị avaba aza ree. Anisirẹrị nịnị vaa ra hi ịnị ẹtẹ ọnị ọnị sị yị ozi ahụ anị ana aā hi Ijekọvụ.

Ihoseya 12:13

Ẹnẹyịmavara ộ tụ́ ọnịsẹ ka ọ kụ́ Anisirẹrị hụrị Ijipiti, dị o sere wa.

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.

Ọdọvịdị 8:34

Ẹnịnị ẹ yị rẹ va na tamayị avaba ọyịza ọnị Ijerubaari ana ra hị́ Igidiyọnị mẹ yị wa Anisirẹrị nịnị dị ẹ hyakụ va mẹ ọyịza yị evere anị bẹẹ.

1 Ohinọyị 16:31

Ebira odivi oni Ijerobowami ozi Inebati mẹ̀ hyakụ vi ikiiki ini eyi Ahabị. Ọnị vị ana dà ngụ udivi hụ avọọ, dị ọ na nyị Ijezebẹrị ozi Atibaari ana vi ohinọyị Ịsayịdọnị. Dị ọ kụkụ aa hẹkẹ ori ẹnịnị ana aā hị́ Ịbaarị, di ee kú ẹtẹẹ kụ́ ọ nị.