Ihoseya 2:14 - IWE ỌNỊNỊ

¹⁴ Ẹnẹyịmavara kà ọnị e vene e nọ ịnị ụnọmị ịzị ọnị vaa tangwa ka ịrẹyị yọ, dị ọnị ọ dọ ayị.

Ihoseya 2:14 Referans Kwoze

Ẹtore 12:6

Dị ọnẹẹ ọnọọ zwe na ngụ ịnị ụnọmị, ịzị Ohomorihi tenyi tịtẹ yọ ka à yà pá a pooro dị ọ̀ mẹ ẹkụhị akahị tụra ịrẹka ộ tụra ẹbẹẹta nị (1,260).

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ẹtore 12:14

Dị a sị avaka ọkasịmẹ ọbanyị ẹẹva yọ ka ò si hira nọ aha anị ịnị ụnọmị nị. Ịzọọ a vaa yàa pá a mẹ ịrayị ẹẹta rị ẹjịjị, dị asị ẹwụ ọnọọ zụ kanyị ọọ nị.

Oyinyima 34:3

Dị ịrẹyị Idina ozi Ijekọvụ kụkụ yà ịnị ayị Ịsẹkẹmị nị. Ịsẹkẹmị ô sì ịrẹyị Idina, di ee si ka oni ò tere e pè ẹngụ nị.

Ịjọọnụ 6:44

Ẹ yị nyị ọza ana nyẹngụ ká mị vẹ, ẹ̀ yị vị Ada amị ana tụ́ mị vẹ ẹhẹ tura a vẹ. Ọ̀ọ vẹ, dị mị haa hụụnị isu ịnị ẹkụhị ọdịrẹma.

Ihoseya 2:3

Ẹnẹyịmavara kà ẹ yị va ahụ vẹ ịrẹma, dị ọnị tu ọ ahwaahụ anka ịhị a maa avọọ. Dị ọnị naavọ tụ ịzị ẹ yị nyị enyi, dị onyi wụ ọ.

Ezikẹẹrị 20:10

Avọọ, dị ọnị kụ wa hụrị Ijipiti ne hi ịnị ụnọmị nị.

Ijeremaya 16:14

Ẹnẹyịmavara kà, ụmẹ aa vẹ ọnị aza ẹ̀ yị ma vana sị ọnị hụ́ eku ka; Ohomorihi ana kụ Anisirẹrị nịnị hụrị ẹtẹ Ijipiti vẹ ọ̀ọ yị yà ịzọọ.

Ijeremaya 2:2

ọnị ọ̀ na kà a yị Anijerusarẹmị nịnị ka ọnị ộ tamayị ẹnịnị mẹmẹ kụ ẹngụ hi ịrẹyị anị ịyẹẹyẹ anka ọnẹẹ ana sẹsẹ va ọnọrụ avọọ, ọnị ộ tamayị, ẹnịnị mẹmẹ saasa ọnị ịnị ụnọmị ọnị ọza ẹ yị da aarẹ tụ da.

Ahẹ Isoromọnị 1:4

Navọ wa sị mị za, di ye zwe. Vị ohinọyị amị, dị wa sị́ mị na ngụ aha ọyị sụ̀ awụ de. I vee duduu jẹ, dị yaa mẹrị ẹngụụ huni ọza ene hú eche. Vị́ a vọrọ ka avaba anyẹnẹẹ è sì ịrẹyị awụ nị.

Ọdọvịdị 19:3

Ọva anị ọ kwẹẹtẹ dị o si ọ na ka ọnị ọ na kụ ọ hị́ ọ ẹngụ ka ọ saasa ọnị varẹma nọ eehi. Ọva anị maa na ọ si ozi ahụ anị za dị ọ rẹ kụ ịkẹrịkẹtẹ ẹẹva za nị. Ịjị ọnọrụ ọnọọ na ngụ ịdị ada ose anị ịrajẹ ada ose anị sị va gẹrị ọ nị.

Ịjọọnụ 12:32

Ẹmị ọnọnị, àa raà sị mị tụ́ ẹba, mi vee tura avaba azaa pe ẹngụ.”

Ijoovu 36:16

Ohomorihi ộ sị wụ hụụnị akanya awụ. Agụvị ka ee sere wụ, dị ọ rọ̀ wụ ẹngụ nị, ộ kụ́ ịsọyịrị gụ aha ọyị rị ịsa awụ.

Ezikẹẹrị 20:33

Ẹnẹyịmavara kà àa vị ọnị ọ yị vị Ohomorihi ana yara nị, ọnị vaa rị ohinọyị tụra awụ ịnị ịrẹsụ, ọnị vaa mẹ ọyịkụ hi wu nịnị; ọnị vaa tana ụvọọ za awụ nịnị, dị ọnị sị ụkata anị zụ wụ nịnị.

Imika 4:10

Weē ti, weē rimanya ẹwụ nịnị Anijerusarẹmị mi ka weē ti anka ọza ana aa barẹẹ avọọ o si tù ka wa kụ̀rà hụrẹ ẹkụra di wa na ra ịnị avị nịnị Waa kụraa nọ Ịbabịrọnị nịnị. Ịzọọ Ẹ́nẹ ẹ̀ yị mā vara vàa yàa dọ wụụ tụ́ nịnị. Mị ka ọ vaa dọ wụ nịnị tụ hụụnị ụvọ ọnịvị awụ nịnị.

Ayịsaya 5:5

Wáá yẹ ịsị ọta amị vaa mẹ ụbazị ọnọọ nịnị? Ọ vaa za ụbazị ọnọọ dị o wu ịsa ana a sị họ̀ kara a dị ọ chaka ọvọ ana kara a ha. Dị ịsụpa nịnị ngụ ọ, dị ẹ rị ọ, di e du ịsa ịnị anị ha.

Ijeremaya 45:4

Ẹnẹyịmavara kà, ọnị ọ̀ kà a yị Ibaruki ka, ọnị Ẹnẹyịmavara vaa gara ịsị ọnị ọnị vịdị kụ gụụ ha, dị ọnị re hu ịsị ọnị ọnị vịdị chire hụrẹ ẹtẹ. Avọọ ọnị mẹ vaa mẹ avaba ẹhẹ nị.

Imika 1:7

Ẹnẹyịmavara kà avaba ori ẹnịnị vị ọnị ọnị vaa chaka rugu-rugu. Dị ọnị sị ịra rị avaba ịsa ana a kụ́ na yị ọsẹrẹka nịnị ene hi ini irehi ori ẹnẹẹ. Ọ kà avaba ori ẹnịnị vị ọnị ọnị vaa garaa ha. Anịsamarịya vị ana kụ́ ogu ẹnẹẹ̄ sịị hẹkẹ ori. Aza ẹnẹsa rẹ vaa dọ wa, dị ẹnị rẹ sị naa hẹkẹ ori ẹnịnị.