Ihoseya 2:1 - IWE ỌNỊNỊ

¹ Ẹnẹyịmavara kà, ẹ hị́ ọhụva ẹnịnị ana vị anọrụ Amị (Aza Ohomorihi), dị ẹ hị́ anyẹnẹẹ ẹnịnị Iruhama (Ọnị Ẹnẹyịmavara sì).

Ihoseya 2:1 Referans Kwoze

1Ipita 2:10

Ịyẹẹyẹ wẹ́ yị vịdị vị aza Ohomorihi nịnị, ama booro aanị wa sị vara aza anị nịnị. Wẹ́ yị rẹ vịdị yẹ ayamva Ohomorihi nịnị, ama wa sị ọ yẹ nịnị booro aanị.

Ihoseya 2:23

Ẹnẹyịmavara kà ọnị vaa sị Isirẹrị jẹẹ, di o zee yọ. Ọnị vee sì ịrẹyị aza ọnị ọnị e yi vịdị si, dị aza ọnị ọnị ka ẹ yị vị aza anị kụkụ vị aza anị, dị ẹ yaa hị́ ọnị Ohomorihi ẹnịnị.

1 Itimoti 1:13

Ịyẹẹyẹ vị ọnị mịị̄ vịdịị kà ịrẹyị odivii hi ọọ, dị maa sị ụyaa rị ọọ, dị mị raa kụ̀ ọọ ụhụ nị. Ama Ohomorihi ọ va vayị amị, agụvị ka ịnị ịyẹẹyẹ ọnọọ, eyi amị oyi vịdị hweyi, mẹ yị rẹ nyị ẹdọwụ.

2 Anịkọrịntị 4:1

Ohomorihi ô sì ịrẹyị ayị, dị ọ sị ụkọrọ ọnọnịị yị nị, agụvị avọọ, o yi vee du yi eyi.

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ezikẹẹrị 37:27

Ẹnẹyịmavara kà ọnị vaa ra ịzọọ pe wa. Ọnị vaa vị Ohomorihi ẹnịnị, dị ẹnịnị vị aza anị.

Ezikẹẹrị 36:28

Ịjọnọọ ụ vaa rá ịnị ẹtẹ ọnị ọnị sị yị ohiku awụ nịnị. Ụ vaa vị̀ aza anị nịnị, dị ọnị vị Ohomorihi awụ nịnị.

Ezikẹẹrị 11:20

Ịjọnọọ, ẹnịnị vaa sị ụvọọ za ọda anị, dị ẹyaa sị ịzẹyịzaa mẹ ịsị ọnị ọnị mẹ ọda yị wa. Ọnọọ vaa mẹ ka ẹnịnị ẹ̀ vị aza anị, dị ọnị vị Ohomorihi ẹnịnị.

Ijeremaya 32:38

Ọ kà, ẹnịnị vaa vị aza anị, dị ọnị vị Ohomorihi ẹnịnị.

Ijeremaya 31:33

Ẹnẹyịmavara kà, aanị ọnị mẹ vaa zẹẹ oto ọwọọwa yị wa nị: Ọnị vaa chẹrẹ ọda anị tụ ịnị ayị ẹnịnị; ọnị vaa vị Ohomorihi ẹnịnị, dị ẹnịnị vị aza anị.

Ihoseya 2:2

Dị Ẹnẹyịmavara kà Isirẹrị ọ yị kụkụ vị ose anị, dị ọnị ọ yị rẹ kụkụ vị ọva anị nị. Ộ kà ẹnịnị ẹ da ịpẹ yị ọnyị ẹnịnị ka asị ọ rẹ kụkụ sẹ̀ ịrẹka. Dị ọ hụrẹ ụvọ onyeehi ẹnẹẹ ọnị ọ za ku ayị.

Oyinyima 22:17

Ọ kà ọnị vaa mẹ ka ezi anị ịrẹma-ịrẹma ẹ̀ rụrụ anka ụzọmị avọọ ọnịrị ààrẹ ene hi ụtọ òkū. Ọ kà ụnaka anị e vee huna ọnịvị ẹnịnị nị dị ẹ dọ wa ẹkụra ẹnịnị.

Ijeremaya 51:5

Ẹnẹyịmavara kà, ọnị Ohomorihi Ochẹtẹẹngụ, ẹ́ yị hụrẹ Anisirẹrị ọnịrị Anijuda nịnịị ụvọ, ọọ́ daka vị ka ẹnịnị ệ mẹ̀ ebira odivi hi ọnị.

Ezikẹẹrị 36:11

Ẹnẹyịmavara kà, ọnị vaa mẹ ka aza ẹnịrị ịsụpa ẹẹ rụrụ. Ẹwụ nịnị Anisirẹrị vaa rụrụụ huni ụ mẹ vịdị yà, dị ụ mà ezi va gwẹtẹ nịnị. Ọnị va navọ ka wa rá hi ịzọọ nịnị anka ịyẹẹyẹ, dị ọnị mẹ ka òo zé yị wụ nịnị hu avọọ. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.