Ihoseya 14:5 - IWE ỌNỊNỊ

⁵ Ọnị vaa ya yị Anisirẹrị nịnị anka orihi ini ẹtẹ ọyịwụ avọọ nị. Ẹnịnị vaa ha anka ododo, di e hi ẹpa anka ọchị ini iruku Ịrẹbanọnị avọọ nị.

Ihoseya 14:5 Referans Kwoze

Ayịsaya 35:2

Mị ka ụnọmị ẹnẹẹ vee hunẹnẹ, dị ẹngụ avaba ọchị ene hi ịnị anị tịtẹ hụtụ-hụtụ. Ịrẹbanọnị rẹ vanaa vàa nọ udi ụbanyị anị. Ataba Ịkamẹrị ọnịrị Ịsarọnị re venee hunẹnẹ di e zoza. Avaba aza vee re ụbanyị ọnịrị ụkata Ẹnẹyịmavara ana vị Ohomorihi ayị.

Ayịsaya 27:6

Ụmẹ ọnya aa vẹ dị Anisirẹrị nịnị ana vị ezi Ijekọvụ nyị ahụ hị́ ẹtẹ ẹtẹẹtẹrẹ. Ẹnịnị vaa yárá, dị ẹ ngụ ịrẹyị tụ́ avaba ẹhẹ.

Anẹhwẹsọsị 3:17

Mị raa mẹ̀ aduwa ka Ikirisiti ọ̀ yà ịnị ayị awụ nịnị, ụ màa sị ayịị tụraa nịnị. Ọ̀ navọ wee sì ịrẹyị aza nịnị, ana zụ mẹ ka wa jẹẹ geri-geri nịnị,

Imatiwu 6:28

Sị ẹ vẹ dị ụ waa mẹ ariro agụvị awuru nịnị? Ro ịrẹyị ododo ene hi ịnị avị, ẹ mẹmẹẹ̄ hụ! Ẹ mā mẹ akanya ka vi eni ee hí ịta nị.

Ahẹ Ụgama 72:16

Ohomorihi ọ̀ navọ ịsa ịnị aarẹ ọ̀ mẹ gwẹẹtẹ ịnị ẹtẹ ọnọọ. Aarẹ ana a dà hi ịnị avaba ataba ẹ mẹ̀ ịsa ẹtẹẹtẹrẹ. Ịsa ịnị ẹnịnị ẹ̀ mẹ anka ẹtẹ Ịrẹbanọnị mẹ̀ẹ mẹ̀ ịsa avọọ. Aza ẹ̀ rụrụ hi ịnị ẹkụra anka avị mẹ̀ chị hi ịnị aarẹ avọọ.

Ijoovu 29:19

Ọnị sị mẹẹ anka ọchị ọnị ẹpa anị ee re enyi hu, di eguhi ee chire ku ávọ́ anị avọọ nị.

Iwe Ọhụhị Imosiisi ana aa hị́ Ọyịvatụrọda 32:2

Ọ kà ọnị vaa zụ́ Anisirẹrị nịnị ịsa. Ịrẹyị anị vị ana vaa ngụ wụ ẹngụ anka orihi ana banyị ku avị ohwoohu avọọ nị. Ọ rẹ vaa sị mẹẹ anka eguhi ene chire kú avị avọọ nị.

Imika 5:7

Anisirẹrị ana vọ vi ene vee hi ịnị anẹkụra ọrụrụ. Ẹnịnị vaa sị ẹngụ azaa hunẹnẹ anka eguhi ọnịrị orihi. Ẹngụ enyi ẹnẹẹ Ẹnẹyịmavara sịị sị ẹngụ avịị hunẹnẹ nị. Ohomorihi ọ ka ẹ̀ vavọọ yà nị, ẹ yị vị ọza.

Ayịsaya 44:3

Ịzị enyi yaa kụ̀, mị vaa sị enyi wụ nịnị, dị mị mẹ ka okuha oo sì ịnị ẹtẹ ana wụ. Mị vaa mẹ ize yi ezi ewu nịnị.

Ayịsaya 26:19

Aza ayị ene sú rẹ vana vaa yàra. Ẹnịnị vaa haa kwẹẹtẹ. Ẹwụ nịnị avaba aza ene hi ini ikuta vaa haa kwẹẹtẹ dị ẹ yaa jị ahẹ ịrajẹ. Éguhi mèe chire hi ẹtẹ, dị ọ mẹ ka avị ẹ̀ chị avọọ, avọọ Ẹnẹyịmavara mẹ̀ vaa ha aza ene sú hụrẹ ụmọrụmọ kwẹẹtẹ nị.

Ayịsaya 18:4

Ẹnẹyịmavara ộ kà a mị ka aanị ọnị màa jịị jẹẹ hẹẹ ịzị ọnị yà, dị ọnị ee re anka eguhi mẹ̀ tangwa chire ịrahụ ịnị ụmẹ ọyị ama aa ha àa mẹ̀ ịsa ịnị aarẹ avọọ nị. Ọ kà dị ọnị vavọọ ee yii re ẹtẹ hẹẹ anka ọyị mẹ tangwaa ha ụmẹ ọọdụ avọọ.

Ahẹ Ụgama 72:6

Ohomorihi ọ̀ navọ ohinọyị ọ̀ va sị ẹngụ aza hunẹnẹ anka orihi mẹ̀ẹ zụ̀ dọ ọ sị ẹtẹ hunẹnẹ avọọ.

2 Ohinọyị 19:30

Aza ana vọ hi Ijuda vị oni o vee zee yi, dị ẹẹ sị mẹẹ anka ọchị ẹnẹ ẹpa anị ngụ ẹtẹ ẹtẹẹtẹrẹ, dị aa tụ́ ẹtụtụ.

2 Ịsamụwẹrị 23:4

Irima ẹngụ aza ẹnẹẹ, vị ana sị mẹẹ ẹtohweyi ẹnịnị. Ẹnịnị vị ana sị mẹẹ ọ́yị ana yaa tụ̀ụ vẹ. Ọyị ẹnẹnẹ ẹnẹ ẹ̀ yị nyị eguhi ana dà kú ọ. Aa zẹtẹ ini orihi ana yaā zụ̀ hi avị eteesu.

Iruuku 12:27

“Wee re ododo nịnị, ẹ mẹmẹẹ̄ hụ! Ẹnịnị ẹ mā ngwẹ owu, e mē re hí ịta. Dị ma kà a wụ nịnị ka, Isoromọnị ộ nyị ụbanyị obodaasụ, ama ọ yị nyị ịta ene zoza anka ọnya ini ododo ẹnẹẹ.

Ahẹ Isoromọnị 4:5

Ịrẹva awụ ẹyịva aa gẹgẹrẹgẹẹ anka ùnè. Ọ sị mẹẹ anka ezi ẹẹva anaa rị avị ịzị ọchị ana tụ́ ododo ozoza-ozoza hi avọọ nị.

Ahẹ Isoromọnị 2:16

Ọza oni mi sì aanị vị aamị, dị ẹmịrị vị aanị nị. Ịnị akakana ododo ọyịza-ọyịza ọọ̄ kụ ịsụpa anịị rị nị.

Ụhịrẹyị 19:12

Ọyịkụ ohinọyị vị eneē chire ẹtẹ angwa, ama ebira ọyịza anị vị anaa sị ẹtẹ rọ̀.

Ahẹ Ụgama 80:9

Dị u tenyi ẹtẹ kara yị, dị yaa nyị ahụụ hị́ ẹtẹ, dị yaa yara, dị ị kụkụ dọ avaba ẹtẹ ọnọọ nị.

Ahẹ Ụgama 92:12

Aza ana aa mẹ̀ ebira ana vọrọ ịnị eyi Ohomorihi vị ẹnị ẹhẹ ẹnịnị vee zoza anka ọsọchị avọọ, dị ẹ yaa yara anka ọchị ọbanyị ene hi Ịrẹbanọnị.

Ahẹ Ụgama 133:3

Vị ọ rẹ sị mẹẹ ka vi eguhi eneē chire hi ịrẹsụ ataba Ihamọnị avọọ ee chire hi ịrẹsụ ataba nị. Ịzọọ Ẹnẹyịmavara yà kà a ka ọnị vaa mẹ ka à ka ọnị vaa mẹ ka ò zee yị aza anị. Ize ọnọọ ọ vị ka ẹnịnị vaa yàra pooro zịna-zịna.

Ayịsaya 45:8

Ẹnẹyịmavara kà ọnị vaa tụ ehuna hụrị ẹbẹẹba chi vẹ, dị ẹtẹ ọ dọ ọ. Ẹdọha ọnịrị ịzẹyịza vaa kwẹẹtẹ. Ẹnẹyịmavara kà ọnị vaa mẹ avaba ịsa ẹnẹnị ẹ mẹ.

Ahẹ Ụgama 92:13

Ẹnịnị vị ana vaa sị mẹẹ anka ọchị ene e chire tụ́ ini eehi Ẹnẹyịmavara, dị ẹ vavọọ hi ini irehi Ohomorihi ayị dị ẹ yaa yara.

Ayịsaya 12:1

Ụmẹ ọnyara aa vẹ ana aza vaa jị ahẹ dị ẹ yaa Kụ Ẹnẹyịmavara avọ! Ịzẹyịza wâ vịdị kụ́ ayị hi mi, ama booro aanị, wẹ yị kụkụ kụ́ ayị. Wa raà sị ayị amị hunẹnẹ.

Ayịsaya 57:18

“Me reè re ịsị ẹ mẹ, ama mị vaa mẹ wa ụkụ. Mi vaa zụ wa oze, dị maa mẹ̀ ọgụvọọ yị wa. Ẹnịnị enee su ùnè, mi vee hunẹnẹ wa ayị.

Ayịsaya 57:19

Mâ sị ẹngwọọrọ yị avaba aza; aza ene hi aha ẹnẹẹnẹ ẹnịrị aza ana gụrị ẹtẹ. Mị vaa mẹ avaba aza amị ụkụ.

Ijeremaya 3:22

Ẹnẹyịmavara kà, avaba ẹwụ nịnị ezi ana kama wụ ọ̀ và ka ọnị vẹ. Ọnị vaa sị ụ nịnị ẹngụ nịya, dị ọnị mẹ ka waa mẹ ịzẹyịza nịnị. Dị ẹnịnị tụ́ ohi, dị ẹ ka, ịzẹyịza ẹnị aa vàa vẹ, agụvị ka ẹwụ a vị Ẹnẹyịmavara, Ohomorihi ẹnịnị nị.

Ijeremaya 32:41

Ọ kà, ọnị vaa mẹ ọyịzaa yị wa dị ayị anị ee hinee tụ ọ, Ọnị vaa sị avaba ayị anịị sị ịzẹyịzaa mẹ ka ẹnịnị ẹ̀ ra ịnị ẹtẹ ọnọnị pooro.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Imika 7:18

Ẹwụ Ohomorihi o, ẹ yị nyị ịsa ọnị ọza zụ si juwe awụ. Aza awụ ana vọ ana mẹ akụvị, dị ẹnịnị rị ịvị awụ Ẹngụ aza ẹnịnị, Ohomorihi, ẹwaa vagu wa. Wẹ mā kụ́ ayị pooro, ẹwụ vi ene eē sì ka wa vayị ọza.