Ihoseya 14:1 - IWE ỌNỊNỊ

¹ Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ihoseya 14:1 Referans Kwoze

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ihoseya 12:6

Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro.

Ijeremaya 4:1

Ẹnẹyịmavara kà, ẹwụ nịnị Anisirẹrị ọ và ka ọnị vẹ, ọ ka wàa mẹ ịzẹyịza hi ọnị nịnị, dị ụ va ori awụ nịnị ha nị, agụvị ka ọnị ọọ nyị ịhyẹrẹ ori.

Ihoseya 13:9

Ẹnẹyịmavara kà ọnị vee vu Anisirẹrị nịnị ẹtẹ. Ẹnẹ zụ gụ wa ụvọ?

Arụwẹ 5:16

Avaba ịsị ẹnị yaa sị me eyi zị ệ ta. Ya sị da agụvị ebira odivi ọnị ị mẹ.

Ihoseya 5:5

Ka Anisirẹrị nịnị aa sị ẹngụ ẹnịnị tụ́ ẹba, ebira odivi ẹnịnị aa vị ụhị tù wa nị. Anehwireemi ọnịrị Anijuda ẹ̀ kụ vanga hyẹdụ tụ ịnị ebira odivi.

Ijeremaya 2:19

Ẹnẹyịmavara Ochẹtẹẹngụ ka ọnị ọ sị ọ ka: Ebira odivi awụ nịnị ọ vaa sị ụya rị ụ nịnị nị. Ụ vee vú ẹtẹ nịnị agụvị ka waa và ịrẹma anị nịnị nị. Ụ vee re ịsị aa hị́ ụya nịnị, dị wa yẹ́ nịnị ka ẹ yị zoza ka we yị Ẹnẹyịmavara ana vị Ohomorihi awụ nịnị tịtẹ, dị à sị ụ kụkụ nyị angwahi anị nịnị.

Ayịsaya 19:22

Ẹnẹyịmavara vaa sị́ ụyaa rị Anijipiti, dị ọ rẹ varẹma kụ́ wa ẹngụ nịya.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ezikẹẹrị 33:14

Ọnị ọ zụ ka ọza odivi ọnọ ka ọ vee sú. Ama ọza ọnọọ ọ̀ọ hụụnị ebira odivi ọ̀yị mẹ, dị aa mẹ̀ ịsa ana vọrọ dị o zoza nị,

Ihoseya 4:8

Ẹ yaa tụ́ aza ụka ka ẹẹ mè ebira odivi agụvị dị ẹnị ẹẹ kụ́ ịsa ịsọvọ ịvị ẹnịnị rị.

Ihoseya 9:7

Ụmẹ ụyọrị Anisirẹrị nịnị ọ sị ngụ tu wa, Ụmẹ ọnị Ohomorihi ee si si wa atọ ebira odivi ẹnịnị aa gụrị ẹtẹ. Ẹ yị jẹẹ dị Isirẹrị ẹ yẹ. Ẹnịnị ẹ yaa kà a ka ọnịsẹ ọnịrị ọnụtụ Ohomorihi nịnị vị onuvu. Ẹnịnị ệ nyị ịhyẹrẹ Ohomorihi agụvị ka ebira odivi ẹnịnị ọ sị vị ẹnẹmẹhị.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

Ihoseya 12:8

Ẹnịnị aa kà a ka ẹnị ẹ nyị ẹkẹhị ama ẹ yị nyị ọza ana zụ za ẹnịnị ka ẹnị aa mẹ̀ ọza rị, dị ọ va vị ịvị yị ẹnị.

2 Ohinọyị 8:12

Ihazayẹrị ộ họ̀ Erisa ka, sị ẹ vẹ dị ee sụ ùnè? Di Erisa ka, agụvị ka ọnị ộ yẹ ka ịsa ọ vaa sị Anisirẹrị nịnị mẹ, e yi vee zoza ọ ka vị́ ọ vaa rị ịzị Anisirẹrị nịnịị tẹẹ hi ịra, dị ọ wụ ezwọọmụha ẹnịnị ha nị. Ezweyi-ezweyi ẹnịnị vị ọnị ọ vaa sẹ̀ wa rugu-rugu. Ọnịrẹẹ ẹnịnị vị ọnị ọ vaa há ịnẹ, dị ọ wụ̀ wa.

Ezikẹẹrị 16:46

Ẹtẹ Isamariya beri ẹkụra oweyi-oweyi ene hi ịnị anị ọ vị onyeyiza awụ ana vị ọzọkụ nị. Eyi ẹbẹẹba awụ ọ́ ya nị. Isodọmị ọnịrị ẹkụra oweyi-oweyi ene hi ịnị anị ọ vị ọhụva awụ ana vị ozweyi nị. Eyi ụvẹtẹ awụ ọnị yà nị.

Ihoseya 9:13

Ọnị vịdị e re Isirẹrị ka o zoza anka ọsọchị ana aa hụ ịnị ẹtẹ zoza avọọ, ama booro aanị ẹnịnị ụvọta ẹ kụ́ ezi ẹnịnị tụ́ ẹhẹ ka aa wụ̀ wa nị.

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.