Ihoseya 13:16 - IWE ỌNỊNỊ

¹⁶ Anịsamarịya vị ana a vaa sị ụya rị agụvị ka ẹnịnị ệ mẹ akamawụ hi Ẹnẹyịmavara. Eyi ịrẹkụ ẹnịnị vee su nị. Ezinụvọ ẹnịnị vị ana a vaa sẹ ku ẹtẹ, dị a sị ụhwọ ha avaba anẹẹ ẹnịnị ene zyẹẹ ịnẹ.

Ihoseya 13:16 Referans Kwoze

2 Ohinọyị 15:16

Ímenahemi mẹ̀ vavọọ hụrị Itiriza aa na, ô vu ẹkụra ana aā hị́ Itapuwa ọnịrị Anịzọọ beri ẹkụra ana kara a ẹtẹ bemi-bemi, agụvị ka Anẹkụra ọnọọ ẹ yị dọ yọ ọ́ vavọọ sị mẹ̀ ẹ nị. Ọnịrẹẹ nịnị ene hi ịzọọ vị ọnị ọ́ ha ịnẹ bẹẹ.

2 Ohinọyị 8:12

Ihazayẹrị ộ họ̀ Erisa ka, sị ẹ vẹ dị ee sụ ùnè? Di Erisa ka, agụvị ka ọnị ộ yẹ ka ịsa ọ vaa sị Anisirẹrị nịnị mẹ, e yi vee zoza ọ ka vị́ ọ vaa rị ịzị Anisirẹrị nịnịị tẹẹ hi ịra, dị ọ wụ ezwọọmụha ẹnịnị ha nị. Ezweyi-ezweyi ẹnịnị vị ọnị ọ vaa sẹ̀ wa rugu-rugu. Ọnịrẹẹ ẹnịnị vị ọnị ọ vaa há ịnẹ, dị ọ wụ̀ wa.

Ayịsaya 13:16

Aanị ẹ màa jẹẹ dị a za ezi ẹnịnị eyi ẹnịnị, di aa jị waa kú ịsa dị a wụ̀ wa nị. Ẹnya ini irehi ẹnịnị vị ana a vaa kụ́, di a za ose ẹnịnị di ee pè waa sụ éyi ẹnịnị.

Emọsị 1:13

Ẹnẹyịmavara kà ọnị aa pịva yị Anamọnị agụvị ebira odivi odivi ẹnị ê mẹ̀. Ẹnịnị ệ há ọnịrẹẹ ịnẹ ẹkụra ana aā hị́ Anigiriyadi agụvị di e si zune ẹtẹ tụ́ ịnị ẹtẹ ẹnịnị. Ẹnịnị ẹ yị mẹ̀ sị rị.

Ịnahụmị 3:10

Anẹkụra ẹnẹẹ ẹ yị va zụ za ka asị a za Anitebesi nịnị ọrịhị na ngụ ẹkụra ọsa. Ezweyi ẹnịnị vị ene vee tụ́, dị aa wụ̀ wa va hi avaba oze ene hi ịnị ẹkụra. Aza ọkọọka ẹnịnị vị ẹnẹ ẹ vaa ga hi ẹngụ ụvọ. Dị ẹ tụ wa ẹchẹkẹchẹẹkẹ, dị ẹ kụ́ wa nọ ẹkụra ọsa.

Imika 6:16

Ọda udivi Omiri Ohinọyị kẹnẹ ụ ta ụvọ ku nị. Waa hama ebira odivi Ahabị ọnịrị Omiri, Agụvị mị vaa sị wụ mẹ̀ apojuwe yị aza ana vọ avọọ mi vee vú ẹtẹ. Aza awụ vị ana a vaa sị mẹ̀ isiya. Aza ene ee re vị ene vee nyi wu unyi.

Imika 1:4

Ịjọnọọ, dị ataba nā ahẹtẹ anị anka ụsụ ana yà ịnị ịra avọọ; dị ẹ yaa va hi ẹte hi inoze anka enyi ene ee sii chi ataba avọọ nị.

Emọsị 9:1

Emọsị kà ọnị ô rẹ Ananyị yị ka ò jẹẹ akaha ụta ịsọvọ. Dị ọ ka yị Emọsị ka o va ịsa hi ịrẹsụ irehi Ohomorihi ẹnẹẹ ẹtẹẹtẹrẹ, di ohyẹtẹ ẹnịnị e ziizi. Dị ọọ chaka a, dị ọ wu za aza ene hi uruvo anị. Àa na nyị aza ana ha, dị ọnị wụ́ wa eyi ịrẹkụ, vaa nyị ọza ana va ha.

Emọsị 3:9

Ẹnẹyịmavara kà Emosi ọ kà yị ohinọyị Anasiriya ọnịrị ohinọyị Anijipiti ka ẹnịnị ẹ jịnẹ nọ ịrẹsụ ataba Isamariya di e vee re ebira odivi Anisirẹrị nịnị nị.

Ihoseya 11:6

Ịrẹkụ vị ana vaa ngụ tụ́ ẹkụra ọbanyị-ọbanyị ẹnịnị, dị ọnịvị ẹnịnị gara avaba oze ẹkụra ẹnịnị na wụ̀ wa va ha. Eto odivi ẹnịnị a vị ịrẹpa ana za wa nị.

Ihoseya 10:2

Ẹnẹyịmavara kà a yaa rị ụya ebira odivi ẹnịnị agụvị ka ẹnịnị ẹ yị nyị ịzẹyịza. Ộ ka ọnị ee wú avaba ụta ori ẹnịnị, dị ọnị chaka ori ẹnịnị ha.

Ihoseya 7:14

Ẹnẹyịmavara kà ẹnịnị ẹ yị sị ayị ọnya na owu hi ọnị ẹngụ. E hi ịrẹsụ ode ẹnịnị aa jị òrèrè kẹnẹ nị. Ẹnịnị vị anaa sị ịsa na ẹngụ ẹnịnị yị ori anikinami ka ẹ mẹ̀ ịsa ịnị aarẹ nịnị zoza, dị ẹnị ẹ nyị akụ ọnịrị eche.

Ayịsaya 17:3

Ẹnẹyịmavara Ochẹtẹẹngụ kà ọvọ ana kara ẹkụra Anisirẹrị vee wuu vaa ha. Anẹkụra ọsa ọ vaa mẹ ịjọva tụra Anịdamasịkọsị ịrẹsụ nị. Anisiriya nini ana ha vị ana vaa yà ịnị ụhị anka Anisirẹrị nịnị avọọ.

Ayịsaya 8:4

Ọ kà di ozi ọnọọ ọ̀ na yaraa hị́ ‘Ada anị’ à vị ‘Ọnyị anị’ ohinọyị Anasiriya va raà kụ́ ogu Anịdamasịkọsị ọnịrị ogu Anịsamarịya.”

2 Ohinọyị 17:18

Ẹnẹyịmavara ộ kụ ayị hi Anisirẹrị nịnị ẹtẹẹtẹrẹ, dị ọ dụ wa kwooze ka a sị ọnị kuku re wa nị, Anijuda nịnị kẹnẹ ọ vana navọ tịtẹ nị.

2 Ohinọyị 17:6

Ịnị ana tụ ọ ịrayị ọhụhịịna ọnị Ihoseya rị ohinọyị, ohinọyị Asiriya ộ za Ịsamarịya, dị ọ za Anisirẹrị nịnị ọrịhị ne hi Asiriya nị. Aza ẹnyị ẹnịnị vị ọnị ọ kụ ne hi ịzị aā hị́ Ịhara, dị ọ kụ ẹnyị ne hi ọ̀ sị gụrị Irehu Ịhabọ ana ya okokoro Igozanị nị. Aza ẹnyị vị ọnị ọ ku ne hi ẹkụra Imediya.

2 Ohinọyị 17:5

Ịsarịmanẹsa, ohinọyị Asiriya ộ kụ́ ịrẹkụ nọ Isirẹrị, dị ọ va ngụ Ịsamarịya nị. Ọnịrị isoja anị ệ họ̀ kara Ịsamarịya ịrayị ẹẹta.