Ihoseya 13:15 - IWE ỌNỊNỊ

¹⁵ Anehwireemi ẹ̀ẹ daka nyị ịsa hu ezi ẹyịnyara ada ẹnịnị, Ẹnẹyịmavara kà ọnị vaa tụ́ ahị ịrịra hụrị ịnị ụnọmị eyi ịzị ọyị zị hụrẹ vẹ ka ọ va wụ enyi ini oswe ọnịrị ịkangga ene hi ịzọọ. Avaba ogu ọnị ẹ nyị vị ana va kụ́ hụrẹ wa ẹngụ.

Ihoseya 13:15 Referans Kwoze

Ezikẹẹrị 19:12

Ama aza anaa kụ ayịị hi ọ, ê hu ọnịrị ẹpa, dị é ne e nyẹtẹ nị. Ahị anaaa tụ́ hụrị eyi ọnị ọyị zịị vẹ, ộ mẹ̀ ka ẹtụtụ anị ẹ̀ wụ. Â na avọ anị haa, dị ẹ wụ nị. Ịjị ẹ sị wụ, dị á rị wa ịra nị.

Ezikẹẹrị 17:10

Re, ịzẹyịza, â dàa hị́ de, ama, ọ́ọ́ vaa hụ́? Aanịka, ahị ọ̀ọ tụ hụrẹ eyi ọnị ọyị zịị vẹ ve ku ọ, ẹ́ yị vaa wọ̀rọ̀ ọ vàa ha ịzị e chire e tụ?

Ijeremaya 4:11

Ụmẹ aa vẹ ana a vaa kà a yị Anijerusarẹmị ka aa nyị ahị ịrịịra ana tụ́ hụụnị ụnọmị aa ka wáa vẹ. Ẹ yị vị ahị ana vaa kụ ẹchịchị kwooze kẹnẹ ọ́ vaa vị.

Oyinyima 49:22

Ijosẹẹhụ, ẹwụ vị ana sị mẹẹ anka ịkẹrịkẹtẹ ịnị avị avọọ. Vị ụ sị mẹẹ anka ịkẹrịkẹtẹ ịnị avị ana yà ụtọ enyi nị. Mị ka vị ụ sị mẹẹ anka ịkẹrịkẹtẹ ịnị avị ana yà akaha ataba avọọ nị.

Oyinyima 41:52

Dị ọ ka ọsa ọ rị Ehwireemi nị. Ọ kà, Ohomorihi ọ ra si ozi yi ọnị ịnị ẹtẹ ịzị ọnị va ya aa rị ụya.

Ịnahụmị 2:9

Dị ọga ịrẹkụ ẹnịnị nowu, dị ọ kà, Kụ isiriva! Kụ igooru! Ogu vị ana gwẹẹtẹ ịnị ẹkụra ọnọnị!

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Ihoseya 9:11

Ụbanyị ẹnịnị vị ene hira ne hu anka inomi mee hira avọọ. Anyẹnẹẹ ẹnịnị ẹ yị vee zyẹẹ, dị ẹ hyakụ vaa ma ozi.

Ihoseya 4:19

A vaa kụ wa kwooze anka ahị ọbanyị mẹẹ kụ ịsa avọọ. Ụhị vaa nyị wa agụvị ịsọvọ ọnị ẹ yaa mẹ yị ori.

Ịdanịyẹrị 11:8

Ori Anisiriya nịnị ẹnị ẹ bẹ vene ịsị irenyi-irenyi vị ọnị ọ vaa kụ ne hi ẹtẹ Ijipiti. Ẹnya ana sị igooru mẹ ọnịrị ana sị isiriva mẹ ẹnẹ sịị̄ hẹkẹ ori ẹnẹẹ vị ọnị ọ vaa kụ vaka a bẹẹ. Ọ vaa sị ịrayị chee tịtẹ ka a sị mẹ ẹngwọọrọ.

Ijeremaya 51:36

Agụvị avọọ, Ẹnẹyịmavara ộ kà a yị Anijerusarẹmị nịnị ka, ọnị vaa dọ ịrazị awụ nịnịị zị, dị ọnị họ̀ oponu ịrẹyị awụ nịnị. Ọnị vaa mẹ ka avaba oswe ene hi Ịbabịrọnị ọnịrị irehu ẹnịnị ẹ̀ wụ.

Ijeremaya 20:5

Ẹnẹyịmavara kà ọnị vaa sị avaba ogu Ijuda ọnịrị ịsa anaa mẹ ịnị anịị chire ọnịvị ẹnịnịị ụvọ ka ẹ̀ kụ ọ. Ọ kà avaba ịsa ene e sì ịrẹyị anị hu kere-kere ọnịrị avaba ogu ohinọyị ẹnịnị vị ọnị ọnị ve sii chire ọnịvị ẹnịnịị ụvọ. Ọnịvị ẹnịnị vaa kụ ogu ẹnịnị nee hi Ịbabịrọnị.

Ayịsaya 41:16

di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.

Ayịsaya 17:13

Ịzẹyịza aza ẹnẹẹ vi ene ee nowuu vẹ anka enyi mẹ̀ẹ dà avọọ, ama Ohomorihi mẹ̀ yị kara eyi hi wa kẹnẹ, e kú zwe varẹma. Ẹnịnị vi ene zwe anka azịzẹ ana ahị aa kụ́ iruvo ataba avọọ. Vị ẹ sị mẹẹ okoruwa mẹ̀ẹ kụ́ ẹchịchị avọọ nị.

Ayịsaya 14:21

È tenyi aha dị à za ezi ohinọyị odivi ọnọnị dị à wụ̀ wa ịzọọ agụvị ebira odivi oni ohiku ẹnịnị mẹ. Ẹ yị nyị evene ẹnịnị ana aa vanaa rị ohinọyị tụ́ ịnị ẹhẹ, dị ẹ̀ rẹ vaa dà ẹkụra hi ẹhẹ.”

Ahẹ Ụgama 109:13

Asị ụ zẹẹ ka à kụkụ tamayị ịrẹha irima anị ini ovwoovu ẹnịnị.

Ahẹ Ụgama 1:4

Ama ẹhẹ aza edivi ẹ yị vavọọ vee zoza! Ẹnị vị ana sị mẹẹ anka azịzẹ ana ahị ee hiraa zị avọọ.

Ijoovu 18:16

Ẹ̀pa ẹnịnị ọnịrị avọ́ vị ana vaa wụ̀.

Iwe Ọhụhị Imosiisi ana aa hị́ Ọyịvatụrọda 33:17

Ijosẹẹhụ ọ nyị ụkata anka ụnọ, dị ọ nyị ọpanyị ẹya nị. Otomiroku isoja Ehwireemi ọnịrị Ịmanasẹ vị ana nyị ụkata anka ụnọ nịnị. Ẹya mẹẹ sị ọpanyị anị gara ọnịvị anị ha avọọ, avọọ ezi Ijosẹẹhụ mẹ vaa mẹ ọnịvị ẹnịnị, dị ẹ dụ wa ne hị́ ụta ẹhẹ nị.

Oyinyima 48:19

Ama ada anị ô yi, dị ọ ka, “Ọnị ọ̀ yẹ kẹnẹ ozi emi, ọnị ọ yẹ. Ịmanasẹ ọnị rẹ vaa vara ẹkụra ọnya, dị ọnị rẹ nyị ụbanyị. Ama ọhụva anị ọ vaa banyịị hu ọ nị. Irima ezi anị vaa vara anẹkụra ọrụrụ-ọrụrụ.”

Oyinyima 41:6

Di o re vene re ihwiti ịrẹsụ ịhịmba ọsa ẹnẹ ẹ̀ mẹ yị ẹtẹẹrẹ, dị ẹ ha hi ịrẹsụ ọchị ihwiti ọnọọ, dị ahị ịrịịra vẹ dị ọ wara a nị.

Ayịsaya 27:8

Ẹnẹyịmavara ộ mẹ̀ ka ịrẹkụ ọ̀ va kụ́ aza anị. Anka opomi ọbanyị mẹ̀ẹ tụ́ hụrẹ oze ọnị ọyịị̄ zị̄ị vẹ avọọ, avọọ Ẹnẹyịmavara mẹ̀ jị ayị dụ aza anị jịnẹ nị.

Ijeremaya 4:12

Ahị ọnọọ vaa nyị ụkata ẹtẹẹtẹrẹ. Ẹnẹyịmavara ọ vaa tụ ọ nị. Ẹnẹyịmavara ụvọta aa mẹ̀ ọkarẹyị yị aza anị nị.

Ijeremaya 51:1

Ẹnẹyịmavara kà, ọnị vaa tụ́ ahị odivi ka ò vee vú ẹtẹ Ịbabịrọnị ọnịrị aza ene hi ịzọọ ẹtẹ.

Ihoseya 2:3

Ẹnẹyịmavara kà ẹ yị va ahụ vẹ ịrẹma, dị ọnị tu ọ ahwaahụ anka ịhị a maa avọọ. Dị ọnị naavọ tụ ịzị ẹ yị nyị enyi, dị onyi wụ ọ.

Ijona 4:8

Ịjị ọyị vẹ, dị ọ sị jẹ, dị Ohomorihi tụ ahị ịrịra hụrẹ oze ọnị ọyị zị hụrẹ vẹ ka ọ tụ́ ku Ijona nị. Dị ọyị rị ọ ụpa ịrẹsụ ne tu ka eyi anị o hozi, di ewu za a nya ẹtẹ nị. Dị Ijona a vụ ụva ka akaka oni ò sú nị. Dị ọ kà oni o vene sú o zoza hu ka ọnị ọ kụkụ yára nị.

Oyinyima 41:23

Dị ịrẹsụ akụ ịhịmba ọsa hyeke-hyeke aanị ana ahị sị banyị va ha chị pè akụ ozoza ẹnẹẹ nị.