Ihoseya 12:7 - IWE ỌNỊNỊ

⁷ Anisirẹrị nịnị sị mẹẹ anka osohu ẹnẹ ẹ yị nyị ịzẹyịza anaa mẹ ọza rị avọọ nị.

Ihoseya 12:7 Referans Kwoze

Ụhịrẹyị 11:1

Ẹnẹyịmavara ọ nyị ịhyẹrẹ aza ana mẹ̀ ọza rị ịnị ịsa ẹnẹ yaa ná ama o sị ịrẹyị aza ana a sị ịzẹyịza ná ịsa.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ịjọọnụ 2:16

Ộ kà a yị aza ana aa ná arekuku ka, “Kụ́ ẹẹmẹ ẹnẹnị hụụ ịzẹnị nịnị! Asị ụ vara irehi Ada amị ohu nịnị!”

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Ịzakaraya 14:21

Avaba ụnọkọ ana ya Ijerusarẹmị ọnịrị Ijuda vaa vị Ẹnẹyịmavara Ochẹtẹẹngụ. Avaba aza ana vẹ va mẹ̀ ịsọvọ vaa sị ẹnyị ịnị ụnọkọ ẹnẹẹ mẹ̀ ịsa ẹnịnị. Ịnị ẹkụhị ịhị ọnọọ ẹ yị vaa nyị Anikenaani ini eehi Ẹnẹyịmavara Ochẹtẹẹngụ.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Emọsị 4:1

Ẹnẹyịmavara kà Anẹẹ Anịsamarịya ana dẹngụ anka ụnọ Anịbasanị avọọ e batọ ịrẹyị anị. Ẹnịnị aa mẹ̀ ẹvaya yị onosiye nịnị, di ẹ yaa chamayị yi onuruwa nịnị nị. Eche kẹnẹ ẹ ka ọva ẹnịnị ẹẹ kụ yi ẹnị hu nị.

Emọsị 3:9

Ẹnẹyịmavara kà Emosi ọ kà yị ohinọyị Anasiriya ọnịrị ohinọyị Anijipiti ka ẹnịnị ẹ jịnẹ nọ ịrẹsụ ataba Isamariya di e vee re ebira odivi Anisirẹrị nịnị nị.

Emọsị 2:7

Ẹnịnị a sị onosiye nịnị ịrẹsụ nyịna ịpapara, dị ẹ yi tẹsị aza anaa rị ụya nị. Dị ada ẹnịrị ezi ẹnịnị aa sị ọnẹẹ ọnyara nị. Ẹnịnị ẹ raa sị ịrẹha Ẹnẹyịmavara sisi ẹtẹ

Ezikẹẹrị 22:29

Opisa ẹnịnị vị anaa mẹ ọzaa rị, dị ẹyaa mẹ akoo yị aza. Ẹnịnị vị anaā mẹ ehunaa yị onosiye ọnịrị anẹkụra ọsa nịnị.

Ezikẹẹrị 16:3

Ada awụ nịnị vị anẹkụra anaā hị́ Anamọrị, dị ọnyị awụ nịnị vị Anihiti nị. Ama ẹtẹ Ikanaani ẹ́ yà ma awụ nị.

Ayịsaya 3:5

Aza vaa mẹ ẹchakaa yị ẹngụ, dị aza ẹnyị kwẹẹtẹ tù ọsa. Anokokooro vaa kwẹẹtẹ tù ẹngụ. Ezweyi rẹ vaa kwẹẹtẹ tù azọkụ, dị ẹ yị kụkụ nyị ka aza ẹ̀ sị ụbanyị yị aza ene huna wa.

Ụhịrẹyị 16:11

Ẹnẹyịmavara ò si ka osohu ọ̀ sị ẹnya ana vọrọ mọ ịsa yị ọza, dị ọọ̄ ná a ẹhwị ẹkẹhị anị.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

Imika 2:1

Ọ vaa da divi yị aza ana jị areyi ịrahụ agụvị dị ẹ mẹ eto ịsa odivi ẹnị ẹ vaa mẹ oze ọ̀ọ tụ́ yị wa eyi ọ̀ọ sị nị. Ẹ vavọọ aa mẹ agụvị ka ệ mẹhị nyị ụkata mẹ ịsị ẹ ka ẹnị aa mẹ.

Ezikẹẹrị 28:5

Waa sị ọbọọ sẹ ohu irenyi-irenyi, dị waa rị ọgụụ tụ ọ nị. Ogu awụ ẹnẹnị kụkụ aa daa mẹ ka waa sị ẹngụụ tụ ẹba kẹnẹ.

Ịzakaraya 5:8

Dị anggẹẹrị ka, ọnyẹnẹẹ ọnọnị vị ana jẹ yị ịsa ọhịmị. Dị ọ varẹma tụ́ ọ ụvọ ne ngụ uji ọnọọ di o ku ọ oku nị.

Oyinyima 49:18

Ẹnẹyịmavara ẹwụ m mee zi ka ọ̀ va dọ mị ha nị.

Ayịsaya 56:1

Ẹnẹyịmavara ộ kà a yị aza anị ka, “Waa mẹ ịzẹyịza nịnị ọnịrị ịsa ana vọrọ, agụvị ka e yi vee kù dị ma dọ wụ nịnị ha.

Ihoseya 14:2

Ộ kà ẹnịnị ẹ dà ịpẹ, dị ẹ vaka Ẹnẹyịmavara na. Ẹ dà ịpẹ ẹvagu avaba ebira odivi ịvị ẹnịnị, dị ọ dọ wa agụvị dị ẹnịnị ẹ zụ ga a.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ịzakaraya 7:9

Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva.