Ihoseya 12:6 - IWE ỌNỊNỊ

⁶ Agụvị avọọ ẹwụ nịnị ezi Ijekọvụ sị ayị tụra Ohomorihi awụ nịnị, dị wa vaka a vẹ. Sì ịrẹyị anị, dị waa mẹ ịsẹ ẹ vọrọ, di wee zi Ohomorihi awụ nịnị pooro.

Ihoseya 12:6 Referans Kwoze

Imika 6:8

Eyiye, Ẹnẹyịmavara ọ raa kà īsa vọrọ yị wụ nịnị anẹhẹ Ịsị e si hụụnị ụvọ awụ nịnị ọ vị ọnọọ nị. Waā kà ịzẹyịza, dị waā vayị ọza. Dị waa mẹ̀ ịsa oni Ohomorihi sì ịnị ịrẹsụ ọkahi.

Imika 7:7

Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

Ihoseya 14:1

Ihoseya kà Anisirẹrị nịnị ẹ ka Ẹnẹyịmavara Ohomorihi ẹnịnị na agụvị ka ịvị ẹnịnị ọ sị wa vanga nya ẹtẹ.

Ịzakaraya 7:9

Ịrẹyị ọnị Ẹnẹyịmavara Ochẹtẹẹngụ kà yị: Ọ kà ẹẹ̄ sị ịzẹyịza mẹ̀ ọkarẹyị, ẹẹ̄ ngụ ayị ọza, dị ẹẹ̄ vayị ọnụhụva.

Ijemiisi 2:13

Ọza ẹnẹ ẹ̀ yị mā vayị ọza, Ohomorihi ọnị ọ yị rẹ vaa vayị anị, ịhị àaa mẹ̀ ọkarẹyị yọ. Ọza anaā vayị ọza, vee re ka ayamva Ohomorihi ọ vaa mẹ ka asị ọnị rị ịvị, ịhị Ohomorihi àaa mẹ̀ ọkarẹyị nị.

Ijemiisi 1:27

Ahẹkẹ obooro ana gụ ini eyi Ohomorihi Ada ayị yị: Mẹ ọgụvọ yị ozi oku nịnị ọnịrị osoku nịnị, ẹ̀ẹ yaa rị ụya; asị ụ rẹ zẹẹ ka ịsa edivi ene hi ịnị ẹhẹ ọnọnị è du wu ha.

Odeyi 26:20

Mâ vịdị kà ịrẹyị Ohomorihi Ị́damasịkọsị ọnịrị Íjerusarẹmị beri avaba ẹtẹ Ijudiya ọnịrị yị Anigiriki. Dị mị ka ẹnịnị è ro ịnẹ varẹma hụụnị ịvị ẹnịnị, dị ẹ̀ va ká Ohomorihi vẹ nị. Dị ẹ̀ rẹ mẹ̀ ebira ana sị zụ̀ ka ẹ sị ịnẹ ro varẹma.

Odeyi 2:38

Dị Ipita kà a yị wa ka: “Ro ịnẹ, varẹma hụụnị ebira odivi awụ nịnị, dị à mẹ̀ ọyịhwọzenyi yị ọzịnya-ọzịnya awụ nịnị ịnị ịrẹha Ijeesu Ikirisiti, dị Ohomorihi ọ̀ vagu wu ịnị ịvị awụ nịnị, dị ọ̀ rẹ sị Ụhwẹ Ọnịnị mẹ wụ nịnị ẹyịza.

Ịzakaraya 8:16

Ịsa ọnị ẹ vaa mẹ yị, ẹnịnị ẹ ka ịzẹyịza yị ẹngụ. Ẹ sị ịzẹyịza mẹ̀ ọkarẹyị ịnị ikootu ana vaa mẹ ka a nyị ẹngwọọrọ.

Ịzakaraya 1:3

avọọ ọ ka ọnị ọ ka yị wa ka, ọnị Ẹnẹyịmavara Ochẹtẹẹngụ ka, ẹnịnị ẹ varẹma ka ọnị vẹ, dị ọnị ọ rẹ varẹma ka wa na.

Ịzẹhwanaya 3:8

Dị Ẹnẹyịmavara kà ee nee zi ẹkụhị ọnị ọnị vaa kwẹẹtẹ tù wa. Ọ kà, ọnị vaa kú avaba ẹkụra ọnịrị ịjọva ẹkụra irenyi-irenyi gụ dị ọnị ọ kụ́ ayị hi wa. Dị avaba ẹtẹ rị ịra agụvị ka ayị anị aa dà ọva.

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Emọsị 5:24

Ama dị Ẹnẹyịmavara kà ẹ̀ navọ aa sị ịzẹyịzaa mẹ̀ ọkarẹyị avaba aha.

Ijowẹrị 2:13

Ẹnịnị ẹ̀ sị ịzẹyịza zị ẹngụ, ọnị ọ mẹ huu ka e na achị ẹnịnị hi ẹngụ ka ẹnị aa ba arụwẹ nị. Ẹnẹyịmavara kà ẹ varẹma vẹ ịda anị ana vị Ohomorihi ẹnịnị. Ọnịị̄ vayị ọza ẹtẹẹtẹrẹ, dị ọnịị̄ ngwayịi ọza nị. Ọnịị̄ sị ẹngụ dọ ịrẹyị, dị ọnịị̄ sị ụvọ za oto anị nị; dị ọnịị̄ vagu ọza ana aa mẹ̀ ebira odivi, dị ọnị ẹ yi sị ụya rị ọ.

Ihoseya 10:12

Anka ọgẹrẹva ana jị ịrụkụ ịsa ọyịna avọọ, ẹnịnị e tenyi ebira ẹnịnị, ẹ mẹ ịzẹyịza agụvị e re ọyịza. Ẹnẹyịmavara kà ụmẹ o si tụ́ ka ẹnịnị ẹẹ hẹkẹ ọnị agụvị ọnị ọ mẹ ọyịza yị wa anka orihi mẹẹ̄ zụ avọọ.

Ihoseya 4:1

Ẹwụ Anisirẹrị batọ wa wụ́ ịrẹyị Ẹnẹyịmavara nịnị. Ộ kà ẹwụ nịnị ana ra ịnị ẹtẹ ọnọnị ọ nyị ịrẹyị anị. Ẹ yị nyị ọza awụ nịnị ana mẹ̀ ịzẹyịza, a vị sì ịrẹyị anị. Ẹ yị nyị ọza ana tẹsị anị.

Ijeremaya 22:15

Irehi ọnị ụ sị isida dà, dị o zoza huni irehi aza ana vọ aanị wáá zụ mẹ ka we huna ohinọyị ana vọ nị? Ada awụ ộ mẹ̀ ẹhẹ ẹtẹẹtẹrẹ, ọọ̄ mẹ̀ ịzẹyịza, dị ọ rẹẹ ngụ ayị ọza nị. Ô zee yọ ịnị avaba ịsa ọnị ọ mẹ.

Ayịsaya 58:6

Awẹ ọnị ọnị sì yị: ẹnịnị ẹ hụrẹ aza ẹnẹ ẹ sị akụvị mẹ ẹvaya yị ụvọ. Ẹ sị ọkẹkẹrẹ hụụnị ọbẹ ẹnịnị, dị ẹ navọ wa.

Ayịsaya 40:31

Ama aza ana sị ayị tụra Ẹnẹyịmavara vị ọnị ụkata ẹnịnị vaa hịrẹ ụna hu avọọ. E ve hira nọ ẹba anka ọkasịmẹ avọọ nị. Ẹnịnị èe zwe echi, ọ yị vaa ha wa; Ẹ vaa zị ụsẹ, ẹ yị vaa tụ wa.

Ayịsaya 31:6

Ẹwụ nịnị Anisirẹrị, wa raà mẹ̀ ebira odivi hi Ohomorihi nịnị. Navọ wa varẹma ka a na nịnị.

Ayịsaya 30:18

Ama Ẹnẹyịmavara ee sii sì ka ọnị ọ̀ vayị awụ nịnị Ee sì ka ọnị ọ́ vayị awụ nịnị agụvị ka Ẹnẹyịmavara ọnị vị Ohomorihi anaā mẹ̀ ịsa ana vọrọ. Avaba aza ana sị ayị tụra a ẹ̀ nyarị ịrẹsụ ọyịza.

Ayịsaya 8:17

Ẹnẹyịmavara ọ yị kụkụ zẹẹ ka aza anị è re ọnị. Ama ẹmị aa jịị jẹẹ zi ọ, dị mị sị sị ayị tụra a.

Ayịsaya 1:16

Na tụ̀ ụvọ hụụnị avaba ebira odivi ẹnẹẹ, mị ka avaba ịsa edivi ọnị ụ waa mẹ oni mee re aanị, na và hụụnị anị. Hụụnị ebira odivi

Ụhịrẹyị 21:3

Ọza ọ̀ mẹ̀ ịsị ẹ vọrọ o hine Ẹnẹyịmavara hu ịsọvọ ọyịmẹ̀ nị.

Ụhịrẹyị 1:23

Sị ụtọ pe ohuvọ ọnị maa tụ wụ nịnị. Maa sị ịrẹyọyẹ pá wụ, dị wa yẹ ịrẹyị.

Ahẹ Ụgama 123:2

Wâ yẹ ezi ahụ mẹ̀ẹ tụra ọga ẹnịnị eyi, avọọ ị maa tụra wụ eyi nọ, Ẹnẹyịmavara ana vị Ohomorihi ayị. Avọọ ị maa tụra wụ eyi pooro dị wa mẹ ayamva yị nị.

Ahẹ Ụgama 37:7

Maanị nyị isuuru hẹẹ dị wa jẹẹ zi Ẹnẹyịmavara Wèe re ka aza edivi aa mẹ̀ ịsa ẹnẹ ẹ̀ yị vọrọ di ee zozaa yị wa nị asị ụ hụ agụvị avọọ kụ́ ayị.

Ahẹ Ụgama 27:14

Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.

Oyinyima 49:18

Ẹnẹyịmavara ẹwụ m mee zi ka ọ̀ va dọ mị ha nị.

Ezikẹẹrị 18:30

Avọọ, ẹwụ nịnị Anisirẹrị, Ẹnẹyịmavara Ananyị ụkata hu ka, ọnị vaa mẹ̀ ọkarẹyị yị ọzịnya-ọzịnyara awụ nịnị anka ịsị ọzọza mẹ. Ro ịnẹ varẹma, dị wa và hụụnị ebira odivi ọnị waa mẹ nịnị; Asị ụ zẹẹ ka ebira odivi awụ nịnị ò wú wu nịnị ẹtẹ.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Ọyịkụra 3:15

Di Ohomorihi rẹ kà a yị Imosiisi dị ọ ka: ọnị Ẹnẹyịmavara ana vị Ohomorihi ana Abụrahamị, Ayiziiki, ọnịrị Ijekọvụ hẹkẹ ọ tụ́ ọ hi wa nị. Ọ kà Ịrẹha anị ọ vị ọnọọ nị pooro zịna-zịna. Ịrẹha ọnọọ ezi ịrẹma-ịrẹma vaa hị́ ọnị nị.

Emọsị 4:13

Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.