Ihoseya 12:4 - IWE ỌNỊNỊ

⁴ Ô beri anggẹẹrị vụ ịrẹvụ, dị ô hu ọ, dị ộ jị òrèrè, dị ọ da ịpẹ ka ọ mẹ̀ aduwa yị ọnị nị. Ẹkụra ana aā hị́ Ịbẹtẹrị, Ohomorihi ve tu Ijekọvụ dị o pè ka ịrẹyị nị.

Ihoseya 12:4 Referans Kwoze

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Oyinyima 35:15

Di Ijekọvụ hị́ ịzị Ohomorihi yà pè e kà ịrẹyị aanị Ịbẹtẹrị nị.

Anihiburu 5:7

Ịnị ụmẹ oni Ijeesu sị yà ẹhẹ, ộ mẹ̀ aduwa ẹtẹẹtẹrẹ, dị ọ hyakụ aa ká ẹgọ, o mèe nowuu hị́ Ohomorihi ana zụ dọ ọ tụ ka asị ọ sú, Ohomorihi ộ wụ́ aduwa anị agụvị ka ộ sị ayị yị Ohomorihi.

1 Anịtẹsaronika 4:17

Dị aa kụ́ ẹyị ana vọ ana yàra ịnị ụmẹ ọnọọ beri wa, dị ị dudu tụra eguhi na gẹrị Ananyị yị ẹ́bẹẹba. Dị ị kụkụ yà ịdị Ananyị yị pooro zịna-zịna.

Ayịsaya 63:9

hụụnị avaba ụya ẹnịnị nị. Ẹnẹyịmavara ụvọta ọ dọ wa ha, ẹ yị vị anggẹẹrị. Ộ dọ wa ha agụvị oyisì ọnịrị ayamva anị, ộ vịdị tẹsị ẹnịnị hụrị ẹtẹẹtẹ.

Ahẹ Ụgama 66:6

Ộ mẹ ka òkū ọ̀ vara ẹtẹ ọyịwụ, dị aza anị sị ahụ na para hu ini okuha ọnọọ nị. Dị ị yà ịzọọ dị yaa jẹ agụvị ịsa ọnị ọ mẹ nị.

Oyinyima 48:15

Di Ijekọvụ mẹ̀ aduwa yị Ijosẹẹhụ dị ọ ka, “Ohomorihi, oni ohiku anị Abụrahamị ọnịrị Ayiziiki hẹkẹ, Ohomorihi ana zụ̀ ọnị oze pooro ve tù ajịnị,

Oyinyima 32:29

Di Ijekọvụ ka, “Aarịhịnị, hị́ ịrẹha anị zụ̀ ọnị de.” Dị ọza ọnọọ ka, “Sị ẹ vẹ dị ee họ̀ use ịrẹha anị.” Dị ọ kụ́ ọ adịjọọ ịzọọ nị.

Oyinyima 32:24

Ọ kụkụ sị vọ Ijekọvụ ọnịnya tụ́ ịzọọ. Dị ọza ọnya vẹ dị o vee pè Ijekọvụ vụ̀ ịrẹvụ, dị ẹ vụ̀ ọ pooro dị eyi aa vaa nị.

Oyinyima 32:26

Di ọza ọnọọ ka, “Ọ̀ jẹẹ ọnị ọ̀ na ka eyi aa vaa nị̄.” Di Ijekọvụ ka, “Ọ̀ yị mẹ̀ aduwaa yị ọnị, ọnị ẹ yị zẹẹ ka ọ̀ na.”

Oyinyima 25:26

Dị ọhụva anị ọnị rẹ jịnẹ vẹ nị, dị ahịka vị ọ sị ụvọ za Iisọ ibezi ahụ nị, agụvị avọọ di aa hị́ ọnọọ Ijekọvụ nị. Ayiziiki vị ịrayị ẹbẹẹta di Irebeka vavọọ ma ezi ẹnẹẹ. Ijekọvụ ini Ihiburu, ô vene ịrẹyị ẹnị ẹẹ̄ hị́ ibezi ahụ (Oyn 27.36).

Oyinyima 32:25

Ịjị ọza ọnọọ re ka ọnị o yi zụ hu Ijekọvụ ẹtẹ, dị ọ nya a ịsa ini okokozi nị. Usi Ijekọvụ o si kene, o meè pe e vụ̀ ịrẹvụ.