Ihoseya 12:12 - IWE ỌNỊNỊ

¹² Ijekọvụ ô zwe na ngụ ẹtẹ Aramị ịzị ộ mẹ̀ ụkọrọ ana a sị sị ọnẹẹ ga a, ọnẹẹ o sere atẹmẹ yị ọza nị.

Ihoseya 12:12 Referans Kwoze

Oyinyima 31:41

Ọ rẹ ka ịrayị oohu ọnị ọnị hụrẹ yà ịda anị avọọ yị. Ọ kà ọnị ọ sị ịrayị ẹwụrẹna hẹkẹ ẹ agụvị ezi anẹẹ anị ẹẹva. Ọnị ọ rẹ sị ịrayị ịhịnọnyị sị eyi pè ịsụpa anị. Dị ọ rẹ ka ụpẹ ẹẹwụ ọ vara ụta ọnị ọ ka ọnị ee si ọnị nị.

Oyinyima 27:43

Agụvị avọọ ozi emi, ịsị ọnị màa kà a wụ̀, vavọọ mẹ̀ ẹ. Kwẹẹtẹ wee zwee nọ ịda Ịrabanị ẹnẹbẹnị amị ana yà Ịharanị.

Iwe Ọhụhị Imosiisi ana aa hị́ Ọyịvatụrọda 26:5

Vatụra ịrẹyị ẹnẹnị ọvịdị Ẹnẹyịmavara: Ohiku amị vị Anarami ana aa doodo zị, ẹ yị nyị irehi. Ộ kụ́ aza nọ ẹtẹ Ijipiti. Ẹnị chee ẹ vị ẹ mẹ ngụ ẹkụra ọnọọ nị. Ama ẹ vaa sị rụrụ, dị ẹ vị Anẹkụra ana nyị ụkata nị.

Oyinyima 30:26

Ọ kà ọ kụ́ ese anị ọnịrị ezi anị yị ọnị dị ọnị ọ̀ọ na. Ọ kà agụvị ẹnịnị ọnị aa mẹ ụkọrọọ yọ nị. Dị ọ rẹ ka ọ yẹ ọpa ụkọrọ ọnị ọnị mẹ yọ.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Ihoseya 6:8

Igiriyadi vị ẹkụra ọbanyị anako nịnị. Anya ọza ọnị ẹ yaa wụ́ vị ana tọ wa ịrẹwa.