Ihoseya 12:11 - IWE ỌNỊNỊ

¹¹ Igiriyadi ẹ yaa hẹkẹ ori, dị ẹ yaa kụ́ ụnọ mẹ̀ ịsọvọ. Ụta ẹnịnị vị ana vaa vị ịrẹta ana za gụ ịnị avị kẹnẹ.

Ihoseya 12:11 Referans Kwoze

Ihoseya 8:11

Anisirẹrị nịnị vee hí ụta rụrụ ịzị ẹ vaa mẹ̀ ịsọvọ ịvị ẹnịnị. Ama ụta ẹnẹẹ vaa vị aha ịzị ẹ vaa ya mẹ̀ ịvị.

Ihoseya 6:8

Igiriyadi vị ẹkụra ọbanyị anako nịnị. Anya ọza ọnị ẹ yaa wụ́ vị ana tọ wa ịrẹwa.

Ihoseya 4:15

Ọ mẹ yị daka vị ka Anisirẹrị nịnị aa sẹ̀ ịrẹka, asị Ijuda bẹ ụvọ tụ́ ịnị ebira ọnị ẹ yaa mẹ̀. Asị ẹ nọ Igirigari a vị Ịbẹtị-Aveni na hẹkẹ ori, asị ẹ hị́ eku uruku ịnị ịrẹha Ẹnẹyịmavara ana yara.

Ihoseya 9:15

Ohomorihi kà avaba ebira odivi ẹnịnị vi ene nyima hụrị Igirigarẹrị ịzị ọnị ya nyị ịhyẹrẹ ẹnịnị agụvị ịsa ọhịmị ẹnịnị. Booro aanị ọnị vaa dụ wa jịnẹ hụụnị ịnị irehi anị. Ọnị ẹ yị kụkụ vaa sì ịrẹyị ẹnịnị agụvị ka ọdọvịdị ẹnịnị e reè vene ọnị.

Ihoseya 10:1

Anisirẹrị nịnị vị ana sị mẹ anka ọchị ịvayịnị ana za ẹnya ohihi avọọ nị. Ẹtụtụ anị maa rụrụ, avọọ ẹnịnị mee hi ụta ori hu avọọ nị. Ẹkụra maa ka tụ ọvịdị, avọọ ẹnịnị mẹ raà da ụvọ tụ ịnị ụvọ hi ịrẹta yị ori ẹnẹ ẹ yaa hẹkẹ nị.

Ijona 2:8

Dị ọ ka aza ana aa hẹkẹ ịsa ọsa kẹnẹ-kẹnẹ ẹnẹ ẹ yi nyị ịsa ọ vị, ẹ raà va hụrẹ ịrẹma Ẹnẹyịmavara.

Emọsị 5:5

Ọ kà asị ẹ nọ Ịbẹẹsẹba na mẹ ahẹkẹ. Asị e ne si ọnị Ịbẹtẹrị. Ịbẹtẹrị vị ene vee vu ẹtẹ. Asị ẹ nọ Igirigari agụvị ka aza ene hi Igirigari vị ana vaa za ọrịhị na ẹkụra ọsa.

Emọsị 4:4

Ẹnẹyịmavara kà ẹnịnị ẹ nọ Ịbẹtẹrị na mẹ̀ ebira odivi. Ẹ nọ Igirigari na da ụvọ tụ ịnị ụvọ huu avọọ. Ée si uye mẹ̀ ịsọvọ ẹnẹnẹ-ẹnẹnẹ, dị ẹ sị agẹẹwụ ịsa ana ngụ eehi yị wa ịnị aarẹ vẹ ẹkụhị ẹtẹẹta.

Ijeremaya 10:15

Ịsa kẹnẹ ẹnịnị vị nị. A sị eyi wụ̀ wa. Ịjị ụmẹ ọkarẹyị ẹnịnị oo tu, e vee vu wa ẹtẹ.

Ijeremaya 10:8

Avaba ẹnịnị vị ọnụra. Ịrẹyọyẹ ịsị ẹ zụ kọ hụụnị ụvọ ori ana a sị ọchị bẹ kẹ?

Ijeremaya 2:28

Ama ịzị ori ọnị ụ mẹ yị ẹngụ awụ nịnị hi? Jẹẹ ẹ̀ kwẹẹtẹ kẹ, ẹnịnị ẹẹ zụ dọ wu nịnị tụ ịnị ụmẹ ẹngụkata awụ nịnị; ka ẹwụ nịnị Anijuda, ẹkụra awụ nịnị mẹ rụrụ, avọọ ori awụ nịnị mẹ rụrụ nị.

Ijeremaya 2:20

Ẹnẹyịmavara ene hu kere-kere ka, Anisirẹrị, o si ku ọnị ụ hụrẹ ka a sị mị kụkụ mẹ ọda tụra wụ nịnị, Ụ ka wẹ yị kụkụ saasa ịrẹyị amị nịnị, dị ụ wẹ̀ yị rẹ kụkụ hẹkẹ mị nịnị nị. Dị ụ naa hẹkẹ ori nịnị ịrẹsụ avaba ataba ọnịrị avaba iruvo ọchị ohwoohu nịnị nị.

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

Ihoseya 10:2

Ẹnẹyịmavara kà a yaa rị ụya ebira odivi ẹnịnị agụvị ka ẹnịnị ẹ yị nyị ịzẹyịza. Ộ ka ọnị ee wú avaba ụta ori ẹnịnị, dị ọnị chaka ori ẹnịnị ha.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

2 Ohinọyị 17:13

Ẹnẹyịmavara ộ vịdị tụ́ avaba ọnịsẹ anị nịnị va ka Anisirẹrị ọnịrị Anijuda nịnị ọnọ ka, “Và hụụnị ẹhẹ edivi awụ nịnị, dị ụ waa saasa ọda amị nịnị, anka ọda ọnị mị mẹ yị ohiku awụ nịnị, dị mị sị tụ ọnịsẹ amị nịnị hi wu nịnị.”

Ezikẹẹrị 17:2

Ozi-ọza ọnị ọ̀ che ụhịrẹyị ọnọnị yị Anisirẹrị nịnị,