Ihoseya 12:10 - IWE ỌNỊNỊ

¹⁰ Ọ kà ọnị ộ ka ịrẹyị yị ọnịsẹ nịnị, dị ọnị mẹ̀ ka e re ẹtẹ ọrụrụ-ọrụrụ ana mẹ ka ẹ yẹ ka ẹnịnị ee vee vú ẹtẹ nị.

Ihoseya 12:10 Referans Kwoze

2 Ohinọyị 17:13

Ẹnẹyịmavara ộ vịdị tụ́ avaba ọnịsẹ anị nịnị va ka Anisirẹrị ọnịrị Anijuda nịnị ọnọ ka, “Và hụụnị ẹhẹ edivi awụ nịnị, dị ụ waa saasa ọda amị nịnị, anka ọda ọnị mị mẹ yị ohiku awụ nịnị, dị mị sị tụ ọnịsẹ amị nịnị hi wu nịnị.”

Ezikẹẹrị 20:49

Ama, dị ọnị ka tee! Ẹnẹyịmavara Ananyị ụkata hu, aarịhịnị, asị ọ kà a ka ọnị ọ̀ na ka ẹngụ ịrẹyị ọnọnị de, ka aza vana vịdị aa kà a ka vị ọnịị sị avaba ịrẹyịị che ụhị nị.

Ijowẹrị 2:28

Ịnị ụmẹ ọdịrẹma, Ẹnẹyịmavara kà ọnị vaa sị Ụhwẹ anị yị avaba aza: dị ezi anọrụ ọnịrị ezi anẹẹ awụ nịnị aa ka ịsẹ; dị azọkụ awụ nịnị aa ra ụra, dị ezwọọmụha awụ nịnị ee re ẹtẹ.

Ijeremaya 19:1

Ẹnẹyịmavara ộ kà a yị Ijeremaya ka, ọ̀ na hị́ ụnọkọ ana a sị ụmọpa mẹ. Ijeremaya ka ọ́ rẹ kà a yị ọnị ka ọnị ọ̀ nyị azọkụ chee hụụnị ịnị aza anị beri ẹnị ohirẹsụ irehi Ohomorihi chee aanị.

Ijeremaya 7:25

Ẹnẹyịmavara kà, hụrị ụmẹ ọnị ohiku awụ nịnị sị hụrẹ Ijipiti pooro va ngụ ajịnị, eyinị-eyinị ọnị aa tụ ọnụtụ anị nịnị ana vị ọnịsẹ hi ụ nịnị nị.

2 Anịkọrịntị 12:7

Agụvị asị ẹtẹ ọbanyị oni mi re avọọ na mẹ ka maa sị ẹngụụ tụ́ ẹba baaba, Ohomorihi ộ navọ ka ma nyị ẹngụkata tụ́ ọchẹngụ amị anka ikeyi avọọ. Ọnị ọ vị ọnụtụ Echu ene ee tụ́ mi ka asị mị sị ẹngụ tụ́ ẹba baaba nị.

2 Anịkọrịntị 12:1

Mâ yẹ ka ẹ yị nyị ịsị ẹ yà ini oto ò yi wo, ama â nyị ka me yii wo o. Maa kà ịrẹyị ẹtẹ oni mi re ọnịrị Ánanyị yị mẹmẹ sị ẹngụ zụ̀ mị.

Odeyi 2:17

Ọ kà Ohomorihi kà a ka, “Ịnị ụmẹ ọdịrẹma, ọnị vaa tụ́ Ụhwẹ Ọnịnị anịị ká avaba anẹhẹẹ vẹ. Ezi anọrụ ọnịrị ezi anẹẹ awụ nịnị vaa kà ịsẹ, ezwọọmụha awụ nịnị vee re ẹtẹ, azọkụ awụ nịnị vaa ra ụra.

Emọsị 7:14

Dị Emọsị tụ́ ohi ka, ọnị ẹ yị vị ọnụtụ Ẹnẹyịmavara, dị ọnị ọ rẹ hụrẹ ịpa ọnọọ vẹ nị. Dị ọ ka, ọnị vị ọgẹrẹva ana pa ịsụpa.

Ihoseya 3:1

Ihoseya kà Ẹnẹyịmavara kà ọnị ọ̀ varẹma ne sì ịrẹyị ose anị anaa sẹ̀ ịrẹka. Ọnị ọ̀ vavọọ sì ịrẹyị anị agụvị dị ọ sị zụ ọnị mẹmẹ sì ịrẹyị Anisirẹrị nịnị ana a dụ ori nịnị zị, dị ịsa ịsọvọ ori e hine wa.

Ijeremaya 25:4

Ẹnẹyịmavara ộ tụ ezi ahụ anị, ọnịsẹ nịnị hi wu nịnị pooro, wee yi ka wẹ yị sị ụtọ pe ẹtẹ dị wa wụ nịnị.

Ijeremaya 19:10

Ijeremaya ka, dị Ẹnẹyịmavara vaa kà a yị ọnị ka ọnị ọ̀ chaka ụnọkọ ọnọọ eyi aza ana saasa ọnị aanị nị.

Inehemaya 9:30

Wâ nyị isuuru wa ịrayị-ịrayị. Wâ tụ́ ụhwẹ ọnịnị hi wa zi oze ịnị ụvọ ọnịsẹ ka ọ̀ ka wa ọnọ agụvị ịvị ẹnịnị. Ama ẹnịnị ẹ yị va yị wụ. Dị ụ hụrẹ wa ụvọ yị aza ana ra hi ịzọọ ka è huna wa nị.

1 Ohinọyị 19:10

Di Erija ka, “ụhị vị ọnị mị nyayịnẹ aa kụ̀ agụvị Ẹnẹyịmavara ana vị Ohomorihi anaā kụ̀ ịrẹkụ. Ịrẹyị ẹnị ẹmịrị Anisirẹrị kà tịtẹ, ẹ sị và hụụnị anị, atakuji ịzị a yàa mẹ̀ ịsọvọ wụ, e si o wú và ha, dị ẹ rẹ za ọnịsẹ awụ dị ẹ sị ụ̀hwọ̀ wụ̀ wa va ha nị. Ẹmị ịnyara kẹnẹ ọ kụkụ vọ nị, di e re yèe si ka ẹnị ẹ̀ hyakụ dọ mị ụhwẹ bẹẹ nị.”

1 Ohinọyị 17:1

Ịnị ụmẹ ọnya, â nyị ọnọrụ ọnya aanị ana aā hị́ Erija. Erija ọnọọ vị Anitisibi ana ra ịnị ẹtẹ Anigiriyadi. Ẹkụhị ọnya dị ọ na kà a yị Ahabị dị ọ ka, “mâ sị Ẹnẹyịmavara ana vị Ohomorihi Anisirẹrị ọnị maa hẹkẹ hị́ eku ka eguhi ọ yị hyakụ vee chire di o ve si tù ka orihi ọ̀ zụ̀ pooro dị ọ̀ mẹ ịrayị chee aanị. Ẹ yị yaa nyị orihi à yị vị mị kà a ka orihi ọ̀ zụ̀.”

1 Ohinọyị 13:1

Ẹkụhị ọnya di Ijerobowami hịrẹ nọ aha ịsọvọ ka ọnị ọ̀ na rị eturare ịra mẹ̀ ịsọvọ nị. Ọ mẹ̀ vavọọ yà ịzọọ, di o vene re ka ọza Ohomorihi ọnya aanị ộ hụrẹ Ijuda vẹ nị. Â nyị ịrẹyị ẹnị Ẹnẹyịmavara sị tụ́ ọza ọnọọ ka ọnị ọ̀ kà yị aza ene hi Ịbẹtẹrị.

Ịrịka 12:6

Dị ộ kà ẹnịnị batọ, dị ẹ wụ́ ịrẹyị ọnị aa vaa ka. Ọ kà ụmẹ ana a sị nyị ọnịsẹ anị nịnị ịnị akakana Anisirẹrị nịnị, ọnịị̄ pe wa ka ịrẹyị ịnị etore ọnịrị ịnị ụra nị.

Ezikẹẹrị 17:2

Ozi-ọza ọnị ọ̀ che ụhịrẹyị ọnọnị yị Anisirẹrị nịnị,

Ọyịkụra 20:2

“Ẹma vị Ẹnẹyịmavara ana vi Ohomorihi awụ nị. Ẹma tụ̀ wụ hụrẹ Ijipiti ịzị ụ vịdị vị ọrịhị tụ́ nị.

Ireevi 23:42

Avaba ẹnị Anisirẹrị vị ana vaa ra ịnị ajẹngụ ịnị ẹkụhị ịhịmba ẹnẹẹ,

Ihoseya 13:4

Ẹnẹyịmavara kà ọnị ọ vị Ẹnẹyịmavara Ohomorihi ẹnịnị ana dọ wa ha hụụnị ụvọ Anigipiti ana za wa ọrịhị nị. Asị a nyị ịsa ọnyọọnyị ẹnị ẹ mẹ Ohomorihi ẹnịnị ẹ vị ọnị. Ẹ yị nyị ọdọzaha ọsa.