Ihoseya 11:8 - IWE ỌNỊNỊ

⁸ Ọ kà a ọnị mẹmẹ nyẹngụ hụrẹ Isirẹrị ụvọ? Ọnị mẹmẹ nyẹngụ navọ ka wa? Ọnị wáá vaa sị ụya rị wa anka Anadima ọnịrị Izeboyimi nị? Ọ kà ọnị o re sì ịrẹyị ẹnịnị baaba. Ịrẹyị ẹnịnị vị ene sụ ùnè e ayị anka ịtahụ avọọ.

Ihoseya 11:8 Referans Kwoze

Ijeremaya 31:20

Ẹnẹyịmavara kà, ẹwụ nịnị Anisirẹrị ẹ vị ozi ịpaapa anị nị. Ẹwụ nịnị ọnị sì ịrẹyị anị hu nị. Ọnị ọ̀ọ daka aa yịị kụ ayịị hi u nịnị ọnị ee yii rò ịrẹyị awụ nịnị. Ọ kà, ịrẹyị awụ nịnị ẹ́ yị hụụnị ayị anị, ọnị vaa vayị awụ nịnị.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Ihoseya 6:4

Ẹnẹyịmavara kà tee ẹwụ nịnị Anehwireemi ọnịrị Anijuda! Ọ kà sị ọnị vaa mẹ̀ wa aanị? Oyisì ọnị ẹ nyị yị ọnị sị mẹẹ anka ewiri a vị eguhi ẹnẹnẹ ana wụ́ ịjịjọọ avọọ nị.

Iwe Ọhụhị Imosiisi ana aa hị́ Ọyịvatụrọda 32:36

Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.

Iwe Ọhụhị Imosiisi ana aa hị́ Ọyịvatụrọda 29:23

Ẹnẹyịmavara vaa sị ohuuru ọnịrị anọ du ẹtẹ awụ nịnị ha. Ẹ yị nyị ịsa ana zụ chire, dị ọ hyakụ va chị. Ẹ yị nyị avị ọnị ọza vee re ịzọọ. Ịzọọ vaa tụ́ osusu anka Isodọmị ọnịrị Igomora ne beri Adima ọnịrị Izeboyimi ọnị Ẹnẹyịmavara sị ọyịkụ-ọyịkụ vu ẹtẹ.

Ijudi 1:7

Rẹ tamayị ịrẹyị anẹkụra Isodọmị ọnịrị Igomora ne beri ẹkụra ana kara wa avọọ, ẹ́nị mẹ̀ raa mẹ ụnọ, dị ẹ rẹ yaa sẹ̀ ịrẹka irenyi-irenyi nị. E hi ịnị ịra, ẹyaa rị ụya pooro zịna-zịna, agụvị ọzọza ọ̀ kọ ịrẹyọyẹ hụụnị ịrẹyị ẹnịnị

2Ipita 2:6

Ohomorihi ọ rẹ jị ịvị yị anẹkụra Isodọmị ọnịrị Igomora, dị ọ sị ịra wụ̀ wa vá ha nị. Ộ vavọọ mẹẹ, agụvị aza ana ka ẹnị ẹ mā wụ́ ịrẹyị Ohomorihi ẹ̀ kọ ịrẹyọyẹ hụụnị anị.

Emọsị 4:11

Dị ọ ka ọnị e vu wa ẹtẹ anka ọnị mẹ mẹ̀ Anisodọmị ọnịrị Anigomora avọọ. Aza anaa ha hụụnị anị vi ana vaa sị mẹẹ anka ẹjịjị ọkụ ịra ana tụ́ tịtẹ avọọ nị. Ama ẹnịnị ẹ yị hụvị avọọ va ka Ẹnẹyịmavara vẹ.

Arụwẹ 1:20

Tee! Ẹnẹyịmavara navọ we re ẹngụkata ọnịrị ụya ọnị yaa rị aanị. Ayị ayị o si du chuku-chuku ịsị ebira odivi sị yị mẹ̀. Aà wụ̀ aza ha ịnị ubooro, wàa va yà ịnị eehi usu rẹ sị ngụ tu wu.

2 Ohinọyị 13:23

Ẹnẹyịmavara ộ vayị ẹnịnị, dị ọ mẹ ọyịza yị wa nị. Ẹ yị zẹẹ ka è vu wa ẹtẹ; ama ộ mẹ̀ ọgụvọ yị wa agụvị oto oni o wo yị Abụrahamị, Ayiziiki, ọnịrị Ijekọvụ. Ẹnẹyịmavara e yi hi ayị aza anị.

2 Ịsamụwẹrị 24:16

Ịjị anggẹẹrị ana aa wụ̀ ọza tù Ijerusarẹmị, dị ọ za ụvọ jẹẹ nị. Dị Ẹnẹyịmavara jesi ayị hụụnị ịrẹyị odivi ọnị ọ kụ́ tù aza ẹnẹẹ nị. Dị Ẹnẹyịmavara kà a yị anggẹẹrị ana aa wụ̀ ọza dị ọ ka ọ̀ za ụvọ jẹẹ asị ọ kụkụ wụ̀ wa nị. Ịjọnọọ anggẹẹrị ọnọọ ọ sị tù aha ọnya aanị ịzị a yàa tụ́ ayị, ọnọrụ ana aā hị́ Arawuna ana vị Anijebusi ọ nyị ịzọọ nị.

Ọdọvịdị 10:16

Ịjị ẹ maanị raa da ịpẹ, dị ezi Anisirẹrị nịnị va avaba ori ẹnịnị ha, dị ẹ kụkụ a hẹkẹ Ẹnẹyịmavara nị. Ụyọrị ezi Anisirẹrị ọ zị Ẹnẹyịmavara ẹngụ ẹtẹẹtẹrẹ.

Oyinyima 14:8

Di Ohinọyị Anisodọmị ọnịrị ohinọyị Anigomora ne beri ohinọyị Anibera ana a rẹẹ̄ hị́ Izowa ẹnị rẹ kụ́ ịrẹkụ ẹnịnị di ẹ yaa nọ Isidimi nị. Aza ene e ne

Ẹtore 18:18

E mè re, areyi anị màa dà, ọ màa rị ịra, dị ẹ ka: Ẹ yị nyị ẹkụra ene tù ẹngụ ẹkụra ọbanyị ọnọnị.

Ẹtore 11:8

Oku ẹnịnị vaa yà ini oze ẹkụra ọbanyị, ịzị a vịdị kanyị Ananyị yị za ọchị apavahị. Ịrẹha ẹkụra ọnọọ ana ahịka vị e si juwe ịsa nị, aā hị́ Isodọmị, à vị Ijipiti nị.

Ịzẹhwanaya 2:9

Dị Ẹnẹyịmavara kà ọnị ana vị Ohomorihi Anisirẹrị ọ̀ọ yà ịzọọ, Animowabi ọnịrị Anamọnị vị ene vee vú ẹtẹ anka Isodọmị ọnịrị Igomora avọọ. Dị ẹtẹ ẹnịnị hí yị avị ikeyi-ikeyi, dị ọ jị ụsị anọ hi ẹtẹ, di o du ha tịtẹ. Dị aza Ẹnẹyịmavara ana vọ dọ ẹtẹ ọnọọ, dị ẹ sị mẹ ẹẹnịnị.

Emọsị 7:6

Dị Ẹnẹyịmavara va hụ ịnị ịsa ọnị ọ ka ọnị a mẹ wa nị, dị ọ ka ooho nị.

Emọsị 7:3

Dị Ẹnẹyịmavara kà ẹ yị vavọọ vaa ya. Dị ọ va ahụ vẹ ịrẹma nị.

Arụwẹ 3:33

Ayị Ananyị yị o yi mē hine ka ọnị ọ̀ kụ ayodu tu ọza.

Ijeremaya 9:7

Avọọ, Ẹnẹyịmavara Ochẹtẹẹngụ ka, re, ọnị vee tenyi aza anị ka ẹ zoza hu avọọ anka a mẹẹ tenyi enyusẹ avọọ, dị ọnị ọ̀ zama wa re. Ọ kà, aza anị ẹ sị odivi mẹ, ọnị mẹ vaa mẹ wa.

Ijeremaya 3:12

Ẹnẹyịmavara kà ọnị ọ na nọ̀ ọ yị Anisirẹrị nịnị ka, ẹwụ nịnị Anisirẹrị, aza anị ẹnẹ ẹ yị nyị ịzẹyịza, và vẹ eehi nịnị, dị waa ka ọnịị vẹ nịnị, agụvị ka ọnịị vayị ọza. Ọnị ẹ yị vaa kụ́ ayịị hi u nịnị zịna-zịna.

Ayịsaya 63:15

Ẹnẹyịmavara navọ wa va eyi chi vẹ hụrẹ ẹbẹẹba, aha ọnịnị ọnịrị ụbanyị awụ, dị wee re ịsa ana aa na.

Ahẹ Ụgama 106:45

Ohomorihi ộ hụ ụvị ẹnịnị tamayị ịrẹyị ọnị ọ kà tịtẹ, dị ọ nyị isuuru yị wa nị agụvị ka ô sì ịrẹyị ẹnịnị ẹtẹẹtẹrẹ.

1 Ohinọyị 3:26

Ọnẹẹ ana vị ọnyị ozi ana yara aanị vị ana nyayịnẹ sì ịrẹyị ozi anị. Agụvị avọọ dị ọ kà a yi ohinọyị, dị ọ kà “Ada ayị taarụ, aarịhịnị sị ozi ana yara avọọ yị ọnẹẹ ọnọnị, asị ụ wụ̀ ọ.” Ama dị ọnẹẹ ọsa ọnị ka, “É che e ẹẹva, asị a nyị ọza ana a sị ozi ọnọnị yị.”

Ayịsaya 16:11

Ịrẹyị Imowabi ọnịrị Ikiri-Iheresi ộ mẹ̀ ka ayị amị ò du ẹtẹẹtẹrẹ.

Ijeremaya 18:8

Aza ẹnẹẹ ẹ̀ẹ va hụụnị ịsị odivi ẹnịnị, ọnị rẹ vaa và a hụụnị ịsị ọnị ka ọnị vaa mẹ wa.

Ijeremaya 42:10

wàa dọ di ụ yà ịnị ẹtẹ ọnọnị nịnị nị, ọnị vaa mẹ ka waa yara nịnị, ọnị ẹ́ yị vaa gara wụ nịnị. Ọnị vaa hị́ wụ nịnị, ọnị é yi vee hu wu nịnịị hụrẹ ẹtẹ. Ọ kà ụya ọnị ọnị sị rị wụ nịnị aanị, ô du ọnị ayị.

Arụwẹ 3:32

Ọ̀ọ daka kụ ayodu tu yị, ọ rẹ vaa vayị anị, agụvị ka oō sì ịrẹyị ọza ẹtẹẹtẹrẹ.

Ezikẹẹrị 6:9

Ẹnị ẹnẹẹ vaa yà ẹkụra ana a za wa ọrịhị hị́ dị ẹyaa tamayị anị ka, agụvị ka ẹnị ẹ́ yị sị ayị yị ọnịnya, ẹnị aa dụ orii zị, ọnị maanị sị sị ụya rị ẹnị, dị ọnị mẹ̀ ụhị nyị ẹnị nị. Ịhyẹrẹ ẹngụ ẹnịnị vaa nyị ẹnị ụvọta agụvị avaba ịsị edivi ẹnẹ ẹnị mẹ, ana kụkụ vị ụhị yị ẹnị booro anị.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ihoseya 7:1

Ẹnẹyịmavara kà ọnị e si ka ọnị ọ mẹ̀ Anisirẹrị nịnị ụkụ ama ebira odivi Anehwireemi nịnị ẹ yị tẹ̀. Anịsamarịya nịnị vị ana kụ ụvọ chire ịsa odivi. E yee cheeche, dị ẹ yaa chaka irehi ọza kụ ẹnya anị, di e hi oze aa mẹ̀ ako nị.

Imika 5:3

Ohomorihi vaa navọ Anisirẹrị yị ọnịvị pooro di ò tù ụmẹ ọnị ọnịrẹẹ sịị ma ozi. Dị ọ va kụ́ anda ẹnịnị ọnị ịrẹsụ vịdị hụ. Dị ọ kụ́ wa ve beri wa.

Iwe Ọhụhị Imosiisi ana aa hị́ Ọyịvatụrọda 29:22

Ezi ịrẹma awụ nịnị ọnịrị anikinami ene hi aha ene noze vee re akanya ọnịrị ụya ọnị Ẹnẹyịmavara kụ́ tu ẹtẹ awụ nịnị.

2 Ịtọpa 36:15

Ẹnẹyịmavara, Ohomorihi ohiku ẹnịnị vịdị aa tụ́ ọnịsẹ nịnị ka ẹẹ kà aza anị ọnọ agụvị ka e yi si ka ọnị ọ vụ aza ọnịrị irehi anị ẹtẹ.

Ijeremaya 9:6

Ẹnẹyịmavara kà ẹvaya vị ọnị ẹ yaa mẹẹ yị ẹngụ tụra ẹngụ tụra ẹngụ, dị ẹ vavọọ ree vene ẹngụ nị. Ẹnịnị ee yi ka ẹnị ẹ yị yẹ ọnị.