Ihoseya 10:7 - IWE ỌNỊNỊ

⁷ A vaa sị ohinọyị Anịsamarịya kwooze anka enyi mẹẹ̄ sị ẹchịchị ne hu avọọ nị.

Ihoseya 10:7 Referans Kwoze

Ihoseya 10:3

Ẹnịnị vaa kà a ka ẹnị ẹ yị nyị ohinọyị, ẹnị e yi hí angwa Ẹnẹyịmavara. Ẹ yị nyị ịsị ohinọyị nyẹngụ mẹ̀ yị ẹnị.

Ijudi 1:13

Eē si ka ẹnị ẹ̀ sị ebira odivi ẹnịnị tụ́ ẹhẹ anka enyi ini òkū mẹ̀ẹ̄ da, dị ọ kụ́ ịdọtị tụ́ ẹhẹ avọọ. Vị́ ẹ rẹ sị mẹẹ anka ụzọmị anaa ngwọọ zịịzị nị. Ịnị ịrahụ ruma-ruma a sị eehi aza ẹnẹnị tụ́ nị. Ịzọọ a vaa kụ́ wa hi pooro zịna-zịna nị.

Ihoseya 13:11

Ọ kà ọnị ọ sị ọyịkụ-ọyịkụ sị ohinọyị yị wa, avọọ ọnị mẹ raà sị ayodu dọ wa nị.

Ihoseya 10:15

Ẹngụ ịsa odivi ene vee tù Anịbẹtẹrị agụvị ebira odivi ẹnịnị yị. Ohinọyị Anisirẹrị vị ana vaa wụ̀ ịjịjọọ ọnị ịrẹkụ o nyima kẹnẹ.

2 Ohinọyị 17:4

 nyị ịrayị ọnya, dị Ihoseya tụ́ ne tu ohinọyị Anijipiti ana aa hị́ Isoo nị. Ộ tụ ne tu ọ ka ọ̀ va gụ ọnị ụvọ. Ịrayị ọnọọ di ẹ̀ yi kụ́ ịsa naa yọ nị. Ịjị Ịsarịmanẹsa sị yẹ, dị ọ za Ihoseya, dị ọ jị ọ ẹngwa nị.

2 Ohinọyị 15:30

Ịnị ịrayị ana tụ ọ ịrayị oohu ọnị Ijotami ozi Uziya rị ohinọyị Íjuda, Ihoseya ozi Ẹra ô sì iruvo ohinọyị Ịpẹka, dị ọ wụ̀ ọ nị. Ọ mẹ sị ọ wụ̀, dị ọ́ rị ohinọyị dọ ọ ịrẹsụ nị.

2 Ohinọyị 1:3

Ama anggẹẹrị Ẹnẹyịmavara ộ kà a yị Erija ana vị ọnịsẹ hụrị ẹtẹ Itisibi ka, ò ne tu ọnụtụ ohinọyị Ahaziya ẹnẹnị, dị ọ̀ họ̀ wa ka: Sị ẹ vẹ di e si hu aà naa zama ẹtẹ idi Ịbaarị-Izebubi, ori Anekironi nịnị? Ọ kà agụvị ka ê rò o ka ẹ yị nyị ori ịnị ẹtẹ Ísirẹrị wáá yọ?

1 Ohinọyị 21:1

Ọ mẹ̀ dà kù ịrẹma ịsa ana vavọọ mẹ aanị a rẹ vana nyị ịrẹyị ọsa. Ịnị ụmẹ ọnya, â nyị ụbazị ọnya aanị. Ọnọrụ ana aā hị́ Ịnabọtị ana vị Anijezirẹrị ọ nyị ụbazị ọnọọ nị. Ụbazị ọnọọ vị ana yà Ijezirẹẹrị ọgụrị irehi Ahabị ana vị ohinọyị Anịsamarịya.

Ihoseya 10:8

Ụta ori ene hi aveni ịzị Anisirẹrị nịnị ya mẹ̀ ịvị vị ana vee wú ha, di igegenechi hụ kụ wa ịrẹsụ. Dị ọzọza aa da ịpẹ ka ataba ọnịrị otutu o wu za ẹnị ịrẹsụ.