Ihoseya 10:4 - IWE ỌNỊNỊ

⁴ Ẹnẹyịmavara kà a Anisirẹrị nịnị vị ana nyị irenu kẹnẹ, dị ẹ ya kà ịsa ọnị ẹnịnị ẹ yị vaa zụ mẹ. Ẹ raà sị irikiti dọ ịzẹyịza ịrẹsụ. Ẹ sị mẹ anka avị odivi ana chaka hi aarẹ avọọ nị.

Ihoseya 10:4 Referans Kwoze

Emọsị 6:12

Umaata ọ yị ma tụ́ ahụ ịrẹsụ ịda, dị ọza ọ yị ma jị ịrụkụ tụ́ ịnị oku nị. Ama ẹnịnị ẹ raa vara ịzẹyịza ẹchịpa ọnyịrẹyị.

Emọsị 5:7

Ẹnịnị ẹ ree jesi ịzẹyịza, dị ẹ yaa mẹ̀ ẹvaya yị ọnịzẹyịza nịnị, dị ẹ kụ́ ọ ka wa ụhwẹ nị.

Ihoseya 4:2

Ẹnẹyịmavara kà ẹnịnị aa hị́ eku uruku, di e yee cheeche, dị ẹ yaa wụ́ ọza, di e yee yi oyi, dị ẹ yaa sẹ̀ ịrẹka; dị ezigi hi ẹtẹ avaba aha, dị aza wụ́ ẹngụ ha kẹnẹ nị.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

2 Itimoti 3:3

E yi kuku vee ro ịrẹyịị yị ọza; ẹnịrị aza ẹ̀ẹ zyaazị, e mē vene ze; dị eyee du ọza ịrẹsụ. Dị ẹyị zụ sị ụvọ za ẹngụ ẹnịnị, dị ẹyaa mẹ anka uye ịnị avị avọọ, dị ẹyaa nyị ịhyẹrẹ ịsa ene zoza.

Aniroomi 1:31

ẹ yị yẹ ịrẹyị, ọza ọ yị zụ sị ayị tụra wa. Ẹnịnị e mē ro ịrẹyị ọyịza, ẹ mā rẹ vayị ọza.

Odeyi 8:23

Mâ yẹ ka ụhị ọyịkụ ọ sị ngụ ịnị ayị awụ ẹtẹẹtẹrẹ, ịvị ọ sị wụ sụ́ orupa.”

Ihoseya 6:7

Ama anka Adamị, ẹnịnị ẹ raà sị ahụ jịnẹ oto ọnị ẹnịrị wa mẹ̀ yị ẹngụ. Ẹnịnị ẹ yị mẹ ịzẹyịza ka a na.

Ayịsaya 5:7

Anisirẹrị ọnịrị Anijuda ẹ vị ụbazị Ẹnẹyịmavara Ochẹtẹẹngụ nị. Ẹnẹyịmavara ô sì ịrẹyị ụbazị ọnọọ ẹtẹẹtẹrẹ. Ô tụra eyi ka ẹnịnị vaa mẹ̀ ebira ana vọrọ, ama dị ahịka aza kẹnẹ ẹ yaa wụụ ha nị. Ô ro ka ẹnịnị vaa mẹ̀ ebira oni oni sì, ama dị ahịka ẹngụkata ana mẹ ka aza ee nowu ẹ yaa kụ́ụ tụ́ aza nị.

Iwe Ọhụhị Imosiisi ana aa hị́ Ọyịvatụrọda 29:18

Re ka ẹ yị nyị ọnọrụ, a vị ọnyẹnẹẹ, a vị ovwoovu ọnyọọnyị, a vị ịrẹsụ ana ya ịzẹnị ajịnị ana va hụrẹ ịrẹma Ẹnẹyịmavara Ohomorihi ayị na hẹkẹ ori anẹkụra ẹnẹẹ. Re ka ẹ yị nyị ọza awụ nịnị ana vị ẹchịpa ọnyịrẹyị.

Iwe Ọhụhị Imosiisi ana aa hị́ Ọyịvatụrọda 31:16

Dị ọ kà yị Imosiisi ka ẹ yị jẹẹ di ohiku ẹnịnị ẹ dọ ọzọga. Ịrẹma ọnị o wusu, Anisirẹrị nịnị vaa va ịrẹma anị na hẹkẹ ori anẹkụra ịnị ẹ yaa va ngụ. Dị ẹnịnị ẹ yị mẹ ịzẹyịza hi ọnị, dị ẹ sị ahụ jịnẹ oto ọnịrị wa mẹ yị ẹngụ nị.

Iwe Ọhụhị Imosiisi ana aa hị́ Ọyịvatụrọda 31:17

Ẹnịnị ẹ̀ẹ vavọọ mẹ, Ẹnẹyịmavara kà ọnị vee du ayị hi wa, di o yi wa tịtẹ, di e vu wa ẹtẹ. Ịrẹyị odivi-odivi vee tu wa, dị ẹ vaa yẹ ka ịsa ẹnẹnị vị enee tu ẹnị agụvị ka ọnị ọ sị va ịrẹma ẹnịnị.