Idevidi ộ kà a ozi anị Isoromọnị ka: Ayị anị ọ̀ nẹtẹ, di ò tenyi ẹngụ anị. Ọ kà ò nyima ụkọrọ a sị ọ zẹẹ ka ịsa ọnyọọnyị ọ̀ za ọnị jẹẹ. Ẹnẹyịmavara Ohomorihi ọnị ọnị aa hẹkẹ vaa yà a ịrẹma. Ọ kà ẹ yị vaa và ịrẹma anị, ama ọ́ vaa yaa pe e pooro dị ọ̀ dà irehi Ohomorihi ọnọọ ta nị.
Dị Ẹnẹyịmavara rẹ ka ọnị ọ kà a yọ nọ! ọnị ka ọ̀ nyị ọtụtụrụma dị ọ sị ayị vị ọnya. Ọ kà asị o hí angwa, asị ayị hụrẹ ẹ ịnẹ ka ọnị Ẹnẹyịmavara ana vi Ohomorihi anị vaa yàa pè e oze tụra oze ọnị ọ̀ọ vaa zị.
Ẹnẹyịmavara ộ kà a Ijosuwa ozi Inuni ka, ọ nyị ọtụtụrụma, ayị anị ọ vị agụvị ka ọnị ọ vaa Anisirẹrị nịnị nọ ịnị ẹtẹ ọnị ọnị wo oto anị yị wa. Ọ kà ọnị vaa ya pe Ijosuwa.
Ọ kà Isoromọnị ọ̀ọ saasa avaba ọda ọnị Ẹnẹyịmavara sị tu Imosiisi hi Anisirẹrị nịnị, vị o vee zee yọ nị. Ọ̀ sị tụ ọtụtụrụma, dị ayị anị ọ̀ nẹtẹ. A sị ọ zẹẹ ka ịsa ọnyọọnyị o chire ọnị angwa.
Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.
Dị ezirẹma anị na, dị ẹ naa kà enube ọyịza avaba aha nị. Ananyị yị aa mẹ ọgụvọọ yị wa, dị aa sịị zụ ka ịrẹyị ẹnẹ ẹyaa ka vị ịzẹyịza zị oze ini oze apọtẹrẹwa ana aa mẹ nị.]
Ẹnẹyịmavara kà Ijosuwa ọ̀ nyị ọtụtụrụma, dị ọ sị ayị vị ọnya, ka ọnị ọ vaa kụ́ aza ẹnẹẹ dị ẹ̀ na dọ ẹtẹ ọnọọ nị. Ọ kà ọnị ọ́ọ vịdị raà hị́ eku yi ohiku ẹnịnị ka ọnị aa sịị yị wa.
Di Ohomorihi ka Ọnị vaa jẹẹ ịrẹma anị. Ọ kà ọnọọ vaa sị zụ̀ ka ọnị ọ tụ́ ọ nị. Dị ọ rẹ ka ọ̀ọ raà kụ́ aza ẹnẹẹ jịnẹ hụrẹ Ijipiti, dị ọ̀ va hẹkẹ ọnị Ohomorihi ịrẹsụ ataba ọnọọ.
Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.
Ụmẹ tụra ụmẹ ọnị Ẹnẹyịmavara ọ̀ọ nyị ọdọvịdị yị wa ọọ jẹẹ pe wa, dị ọ dọ wa ha hụụnị ụvọ ọnịvị ẹnịnị pooro di e su nị. Ẹnẹyịmavara vị anaā vayị ẹnịnị agụvị aza ana mẹ ẹvaya yị wa, dị a sị ụya rị wa.
Ịjị Izerubabẹrị ozi Isiritiyẹrị ọnịrị Ijesuwa ozi Ijozadaki wụ́ enube ọnọọ, dị ẹ kụ aza ne nyima ee tenyi irehi Ohomorihii da nị. Dị ọnịsẹ Ohomorihi ẹnẹẹ jẹẹ pe wa, dị ẹ yaa gụ wa ụvọ nị.