Ịhagayị 1:9 - IWE ỌNỊNỊ

⁹ Ọ kà ẹnịnị ê tụra eyi ka ịsa ọyịna ẹnịnị vaa rụrụ ama chee kẹnẹ ê re nị. Ẹnẹyịmavara kà ịsa ọnị ẹ̀ẹ kụ vẹ ịnị eehi vị ọnị ọnị tụ́ ọ ahị va ha. Sị ẹ vẹ? Agụvị ka irehi anị vị ana jị eburu tịtẹ, ama dị ọzọza para a huu ne tenyi irehi ẹnịnị kẹnẹ nị.

Ịhagayị 1:9 Referans Kwoze

Ịhagayị 1:4

ụmẹ wéé si tu ka ẹ ra ini irehi ẹnịnị ẹnẹ ẹ dà nyomi-nyomi, ama dị irehi anị ọnị ọ jị eburu tịtẹ nị?

Ẹtore 3:19

Avaba aza oni mi sì ịrẹyị anị vị oni miī tụ́ ohuvọ, dị mị sị ụya rị wa. Agụvị avọọ re ka wáa kụ́ ẹngụ hi ọọ, di u we ro ịnẹ varẹma.

Ịmarakayị 2:2

Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.

Ịhagayị 1:6

Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị.

Ayịsaya 40:7

Avị ọ̀ọ sị wụ̀, di ododo anị za. Ịjị Ẹnẹyịmavara ọ̀ọ tụ́ ahị, dị ẹ wọrọ va ha. Avọọ gẹdẹ-gẹdẹ aza mẹ ya nị.

Ẹtore 2:4

Ama â nyị ịsa ọnya ọnị ụ wẹ yị mẹ ẹtẹẹrẹ nịnị. We yi kuku sì ịrẹyị amị nịnị anka ịyẹẹyẹ.

Ijoovu 10:2

Ọ kà asị Ohomorihi jị ịvị yị ọnị kẹnẹ. Sị ẹ vị ebira odivi ọnị ọnị daka mẹ̀ kẹ?

2 Ohinọyị 19:7

Ẹnẹyịmavara vaa mẹ ka ohinọyị Ásiriya ọ̀ wụ ihuhu, ana vaa mẹ ka ọ̀ varẹma ọọ nọ ẹkụra anị. Ẹnẹyịmavara vaa mẹ ka à wụ ọ ịzọọ.”

2 Ịsamụwẹrị 22:16

Ẹnẹyịmavara ịjị ụ kụ́ ayị, dị ẹwụ kara eyi hi ọnịvị awụ, oku vị ana maanị tịnọ yaara, dị aza ee re iruvo enyi. Ẹtẹ vị ana maanị há nọ ẹhẹ, dị aza ee re iruvo ẹtẹ nị.

2 Ịsamụwẹrị 21:1

Ịnị ụmẹ oni Idevidi sị rị ohinọyị, â nyị ụngwẹ ana kụ̀ ịrayị ẹẹta tụra ẹngụ tụra ẹngụ. Di Idevidi va họ̀ Ẹnẹyịmavara use ka sị ẹ vẹ nị. Dị Ẹnẹyịmavara kà a yi Idevidi ka Ịsọọrụ ọnịrị aneehi anị ẹ sị ịvị rị agụvị ka Ịsọọrụ ộ wụ Anigibiyọnị.

Ụhịrẹyị 27:20

Ịnẹ ọ mā ha iswọọza ọnịrị ikuta, avọọ ọza ẹ̀ yị ma zụ nyị avaba ịsa ee sì nị.

Ịrẹyị Ọzwọzịsa 1:8

Ẹhẹ ọ sị du ọza eyi, irenu ẹ yị zụ ka a. Eyi ọza e yi re ẹtẹ pooro di ọ̀ ka a ka ọ sị ọnị tụ. Ọza ẹ yị wụ́ ịrẹyị pooro dị ọ̀ ka a ka ụtọ anị o sị hí.

Ezikẹẹrị 21:31

Ọnị vaa sị ọyịkụ anịị zụ̀ wụ nịnị, dị ẹngụ awụ nịnị kà ịra anka èe rere ká ịra ku ọza avọọ. Ọnị vaa hụrẹ ụ nịnị ụvọ yị aza edivi, ana yara sị ụya rị aza obooro-obooro.

Ireevi 19:25

Ama ịnị ịrayị ọhụhị anị, ẹnịnị ẹ́ zụ aa rị ẹtụtụ ọchị ẹnẹẹ, ọ ka ẹnịnị ẹ̀ẹ maanị mẹ avaba ẹsẹnị, ọchị ẹnịnị vaa tụ́ ẹtụtụụ yị wa hu avọọ. Ọnị ọ vị Ẹnẹyịmavara, Ohomorihi ẹnịnị nị.

Iwe Ọhụhị Imosiisi ana aa hị́ Ọyịvatụrọda 28:38

U vee chire ịsa tatarata tụ ịnị aarẹ ama dị a hịka ịsa kiiki aanị u re hụụnị anị nị; agụvị ka akụvarịva vị ene vee du waa ha.

Ụhịrẹyị 11:24

Ọza anaā mẹ̀ ẹyịza vị ọnị ụvọ anị hi kà a wa ama eneyiche vị ọnị ụvọ anị vaa wụ̀.

Ayịsaya 5:10

Ẹtẹ ana aza ẹnị ẹẹhị jị ịrịkụ anị ẹkụhị ọnya, a vaa há ẹtụtụ ọchị ịvayịnị ene e chire tụ́ ọ dị a kama a dị ahịka eche ịgarụwa ọnya kẹnẹ e re ịnị anị nị. Ọza vaa sị ayị orogo ẹẹhị di o ne chire e. Ịhị ọ̀ọ na mẹ akụ ọnọọ dị ahịka ayị orogo ọnya kẹnẹ o re sị nị.

Ijeremaya 12:13

Ẹnẹyịmavara kà, aza anị ê chire akụ ama dị a hi ka ebe ẹ́ kụ gụ nị. Ẹnịnị ệ mẹ̀ ụkọrọ ẹtẹẹtẹrẹ ama ẹ yị nyị ịsị e re hụụnị anị. Ịsị ịnị aarẹ ẹnịnị ẹ yị mẹ agụvị ka ọnị aa kụ ayịị hi wa.