Ịhagayị 1:8 - IWE ỌNỊNỊ

⁸ Ọ kà ẹnịnị ẹ hịrẹ nọ ịrẹsụ ataba, dị ẹ na ha ọchị ẹnẹ vaa sị dà irehi anị. Ọ kà ọsọnị ọ vaa sị ayị anị hine, dị aza aa hẹkẹ ọnị ịzọọ a mẹ vọrọ.

Ịhagayị 1:8 Referans Kwoze

Ẹzịra 3:7

Dị ohinọyị Ịsayịrọsị ku ịsọyịrị ọnịrị eche neberi angwẹ na hị́ ọchị Isida hụụnị ụvọ Anịsayịdọnị, Anitaya ọnịrị Ịrẹbanọnị. Dị ọ sị ẹkẹhị yị wa ẹnẹ sị sị wa ọtụrarehi ọnịrị Ikahunta ana kanyị irehi. Ọchị ẹnẹẹ vị ana sị enyi kụ vẹ hi ẹkụra ana hị́ Ịjọpa yị wa.

2 Ịtọpa 7:16

agụvị ka irehi ọnọọ vị anị. Ịzọọ ọ vị aha ịzị a vaa hẹkẹ ọnị pooro nị. Ọnị vee sere e pooro nị.

Ịhagayị 2:7

Ọ kà ọnị vee ziizi avaba ẹkụra, dị ọnị kụ́ ogu ẹnịnị ve hi ini irehi anị, di ịzọọ hí yị ogu ẹnẹẹ.

1 Ohinọyị 9:3

Dị Ẹnẹyịmavara kà a yọ dị ọ ka, “Ma raà wụ́ aduwa ọnịrị ịpẹ ọnị ụ dá mị. Irehi ọnọnị ọnị ụ dà ka ma yà ịzọọ pooro aanị, ma raà sị irehi ọnọọ yị ẹngụ amị. Eyi amị vị ana vaa yà ini irehi ọnọọ dị mị rẹ sị ayị tụ́ ịzọọ pooro.

Ọyịkụra 29:43

Mị rẹ vaa vẹ vee tù Anisirẹrị nịnị ịzọọ. Ụbanyị amị vaa yà ịzọọ dị ọ̀ sị zụ̀ ka mị yà ịzọọ.

Ịhagayị 2:9

Dị ọ ka, irehi ọnị ẹ yaa da aanị o vee zoza huna ana a vịdị dà ịyẹẹyẹ nị. Ịzọọ ọnị vaa sị ẹngwọọrọ ọnịrị ize yị aza anị nị.

Ayịsaya 66:11

Vee hine ayị ka aa ka tụ ọvịdị anka ozi ene hu ịrẹva ọnyị anị.

Ayịsaya 60:13

A vaa ha ọchị ozozoza ẹngụ ana aā hị́ ịpayịnị, ijunipa ọnịrị isipirẹsị hụrẹ iruku Ịrẹbanọnị va yị wụ. Ọchị ẹnẹẹ a vaa sị mẹ irehi amị ọvị ka ọ nyị ụbanyị, di e si tenyi ẹkụra, dị ọ nyị ụbanyị.

Ayịsaya 60:7

Avaba atẹmẹ Anikeda ọnịrị Inebayoti vị ana vaa kụ va yị wụ anka ịsa ịsọvọ. A vaa kụ wa mẹ̀ ịsọvọ ịrẹsụ ụta Ẹnẹyịmavara, dị ọ mẹ ka ụta anị ọ nyị ụbanyị hu avọọ pooro.

Ẹzịra 6:4

Ọ kà à sị ịrẹta ẹbanyị-ẹbanyị dà ọvọ ọrọ ẹtẹẹta, dị ọrọ ọhụna ana ha wa ịnẹ ọ vị ipako. Dị a sị ẹkẹhị hụụnị ampo ohinọyị sí ụta anị.

1 Ohinọyị 6:1

Ịnị ịrayị ana gụ ọ ịrayị akava tụra ẹbẹẹna ọnị ezi Anisirẹrị nịnị jịnẹ hụrẹ Ijipiti, Isoromọnị si rị ohinọyị tụra ịrẹsụ Anisirẹrị nị. Ịnị ịrayị ọhụna ọnị ọ vavọọ sị rị ohinọyị, ịnị ụhwẹ ana aā hị́ Izivi, ọnị ọ vị ụhwẹ ọhụva ịnị ịrayị ọhụna oni Isoromọnị si rị ohinọyị nị. Ịnị ụhwẹ ọnọọ Isoromọnị yà dà irehi yị Ẹnẹyịmavara nị.

Ịhagayị 1:7

Ẹnẹyịmavara Ochẹtẹẹngụ kà ẹnịnị e ro ịrẹyị ebira ọnị ẹ yaa mẹ aanị.

1 Ịtọpa 22:19

Ọ kà ọyaanị, ẹnịnị ẹ̀ naa sị avaba ayị ẹnịnị ọnịrị ẹhẹ ẹnịnịị hẹkẹ Ẹnẹyịmavara Ohomorihi ẹnịnị. Ọ kà ẹnịnị è nyima ẹẹ dà irehi Ohomorihi ọnọọ booro aanị, ụvị dị ẹnịnị ẹ̀ sị apoti oto Ẹnẹyịmavara ọnịrị avaba ẹnya Ohomorihi ana vọ ana a sịị mẹ ahẹkẹ tụ́ ịnị anị.