Ịhagayị 1:5 - IWE ỌNỊNỊ

⁵ Agụvị avọọ, Ẹnẹyịmavara Ochẹtẹẹngụ kà yị wa ka è ro ịrẹyị ẹngụ ẹnịnị.

Ịhagayị 1:5 Referans Kwoze

Arụwẹ 3:40

Navọ yaa zama oze ayị re, ị mẹmẹ aa ra ẹhẹ ayị, dị ye ro ịnẹ varẹma và ka Ẹnẹyịmavara vẹ.

2 Anịkọrịntị 13:5

Zama ẹngụ awụ nịnị re, dị ụ wa yẹ wàa yị sị ayị tụra Ikirisiti nịnị! Aanị ka wẹ yị yẹ ẹngụ awụ nịnị ka Ijeesu Ikirisiti yà ịnị ayị awụ nịnị? À yị vị avọọ, ahịka ụ wẹ̀ yị kụkụ mẹ ẹtẹẹrẹ nịnị nị.

Ịhagayị 1:7

Ẹnẹyịmavara Ochẹtẹẹngụ kà ẹnịnị e ro ịrẹyị ebira ọnị ẹ yaa mẹ aanị.

Iruuku 15:17

Ịjị eyi anị si hweyi, dị ọ ka: ‘Anụkọrọ ada amị ẹnị aa rị ịsa, dị ẹ vọ kú aanị, oo; dị ụngwẹ aa vaa wụ̀ ẹmịị tụ́ ịzẹnị aanị nị.’

Anigaratiya 6:4

Ọzọza ọnị ụvọta ọ̀ zama ụkọrọ anị re; òo re ka óo zoza, ọ vaa jẹ agụvị ịsị ọ mẹ; ẹ yị nyị ka ọ̀ sị ụkọrọ anị pe ọ́ọza ẹnẹsa mọ ẹbẹ.

Ọyịkụra 9:21

Ama â nyị aza ẹnyị ẹnịnị ene ro ka ịrẹyị ẹnị Ẹnẹyịmavara vị ịrẹyị ịyẹyẹ, dị ẹ navọ ọrịhị ẹnịnị ọnịrị ịsụpa ẹnịnị hi ịnị aarẹ nị.

Ịdanịyẹrị 10:12

Dị ộ ka, asị ọnị hí angwa, agụvị ka hụrị ịhị ịpaapa ọnị ọnị hụrẹ ka ẹngụ anị chi dị ọnị ê si ka ọnị ọ yẹ́ iruvo ịrẹyị ẹnẹnị, Ohomorihi hụrẹ tụ́ ohi aduwa anị nị, aduwa anị ọnọọ ọnị ve aanị nị.

Ịdanịyẹrị 6:14

Ịjị ohinọyị maanị wụ́ ịrẹyị ọnọnị kẹnẹ, dị ayị anị sị du nị. Dị o si oze pooro dị ẹtẹ hozi ịhị ọnọọ ka ọnị ọ dọ Ịdanịyẹrị há hụụnị ịrẹyị ọnọnị nị.

Ezikẹẹrị 40:4

Ọza ọnọnị ộ kà a yị ọnị ka, ọnị ozi-ọza ò sị eyi pe ẹtẹ o. Ọnị ọ̀ sị ụtọ pe ẹtẹ ẹtẹẹtẹrẹ, dị ọnị ò jị eyi ngụ avaba ịsị ọnị ọnị ọọ sị zụ ọnị; agụvị ka ịsị a hụvị anị sị ọnị vẹ ịzẹnị ọ vị ọnọọ nị. Ọ kà avaba ịsị ọnị oo re, ọnị ọ̀ kà a yị Anisirẹrị nịnị.

Ezikẹẹrị 18:28

Ka ộ zama ẹhẹ anị re, dị ọ và hụụnị ebira ọnị ọnị aa mẹ, ịzẹyịza, ọ vaa yara. É yị vee sú.

Ahẹ Ụgama 48:13

Rẹ zama ohweje anị re, dị wa hịrẹ nọ ẹbẹẹba anị. Wèe si o re, dị wa zụ kà enube anị yị ezi ịrẹma.

Ọyịkụra 7:23

Di Ihwarawo si hu aa nọ ini eehi anị nị. Ọ yị hyakụ sị ayị ro nọ ịnị ịrẹyị ọnọọ.

Ịhagayị 1:4

ụmẹ wéé si tu ka ẹ ra ini irehi ẹnịnị ẹnẹ ẹ dà nyomi-nyomi, ama dị irehi anị ọnị ọ jị eburu tịtẹ nị?

Ịhagayị 1:6

Ọ kà ẹnịnị ê chire ịsa ọrụrụ ama dị ahịka ịsa chee kẹnẹ e re hụụnị anị nị. Ẹnịnị yáa rị ama ịnẹ ọ yị ha wa, e yee hu eche ama ọ yị nọ wa onyi, ẹ yaa sị ịta ku ẹngụ ama ọ yị ku wa ahị. Ẹ yaa dọ ẹkẹhị ụkọrọ ama dị ahịka ẹ yaa va a hi oku awuru ọ jị iruvo nị.