Ịhagayị 1:12 - IWE ỌNỊNỊ

¹² Ịjọnọọ Izerubabẹrị ana vi ozi Isiritiyẹrị ọnịrị Ijosuwa ozi Ijehozadaki ana vị ohirẹsụ ọbanyị irehi Ohomorihi ne beri avaba aza ana hụrị Ịbabịrọnị vẹ eehi wụ́ chire Ẹnẹyịmavara Ohomorihi ẹnịnị nị. Dị ẹ mẹ̀ ịsa ọnị Ịhagayị ọnịsẹ ka agụvị ka ẹnịnị e hí angwa Ẹnẹyịmavara ana tụ ụtụ ọnọọ hi wa.

Ịhagayị 1:12 Referans Kwoze

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ịhagayị 1:14

Agụvị avọọ Ẹnẹyịmavara vaa kụ ọ hi ọzọza ayị ka e tenyi irehi anị nị. Dị Izerubabẹrị ana vi Ịgọvọnọ ẹtẹ Ijuda, ọnịrị Ijosuwa, ohirẹsụ ọbanyị irehi Ohomorihi ne beri avaba aza ana vẹ eehi nyima ụkọrọ ini irehi Ẹnẹyịmavara Ochẹtẹẹngụ ana vi Ohomorihi ẹnịnị nị.

Ẹzịra 5:2

Ịjị Izerubabẹrị ozi Isiritiyẹrị ọnịrị Ijesuwa ozi Ijozadaki wụ́ enube ọnọọ, dị ẹ kụ aza ne nyima ee tenyi irehi Ohomorihii da nị. Dị ọnịsẹ Ohomorihi ẹnẹẹ jẹẹ pe wa, dị ẹ yaa gụ wa ụvọ nị.

Ụhịrẹyị 1:7

Ịrẹyọyẹ vị ene nyima hụụnị angwa Ẹnẹyịmavara oyi hi. Ọnụra kẹnẹ ọọ̄ sị eyi wụ̀ ịrẹyọyẹ ọnịrị ajuwe ọza nị.

Ahẹ Ụgama 112:1

Waa kụ́ Ẹnẹyịmavara. Aza ene eē hí angwa Ẹnẹyịmavara, dị e sì ịrẹyị ọda anị ẹtẹẹtẹrẹ ẹ̀ nyarị ịrẹsụ ọyịza.

Ịhagayị 2:2

Dị ọ ka Ịhagayị ọ hị́ Izerubabẹrị ozi Isiritiyẹrị ana vi Ịgọvọnọ Ijuda ọnịrị Ijosuwa ozi Ijehozadaki ana vi ohirẹsụ ọbanyị irehi Ohomorihi ne beri aza ana hụrẹ Ịbabịrọnị vavẹ. Dị ọ ka Ịhagayị ọ̀ họ̀ wa ụsẹ ka,

Ịhagayị 1:1

 nyị ọnọrụ ọnya aanị, ọnị ịrẹha anị rị Ịhagayị. Ọnịsẹ Ohomorihi ọ vị nị. Ịnị ẹkụhị ịpaapa ini ụhwẹ ịhịnọnyị ịrayị ọhụva ọnị Ịdarịyọsị sị rị ohinọyị, Ẹnẹyịmavara sị tu ọ ụtụ nị. Ẹnẹyịmavara ộ tu ọ hi Izerubabẹrị ana vi Ịgọvọnọ ẹtẹ Ijuda, ọnịrị Ijosuwa ana vi ohirẹsụ irehi Ohomorihi. Izerubabẹrị vi ozi Isiritiyẹrị, di Ijosuwa ọnị vi ozi Ijehozadaki nị.

Ịrẹyị Ọzwọzịsa 12:13

Ya sị avaba ịrẹyị wụ, ịsị aa sị za ịrẹyị ịrẹsụ yị. Hi angwa Ohomorihi, dị waa saasa ọda Anị, agụvị ka avaba ụkọrọ ọnị Ohomorihi sị yị ẹyị ọza ịnị ẹhẹ ọ vị ọnọọ nị.

Anihiburu 12:28

Agụvị avọọ, à vẹ vị yaa kụ́ Ohomorihi avọ, agụvị ka ọ raà sị aha ịjọvaa yị, ana ahịka o yi zụ henyi. À vẹ ya zẹẹ ka Ohomorihi ọ̀ vayị ayị, dị ya zụ hẹkẹ ẹ ini oze ana ahịka óo zé e eyi; dị ya zụụ sị ụbanyịị yọ, dị ya rẹ zụ nyị angwahi anị!

Anikorasi 1:6

Anka énube ọyịza ọnọọ mẹ̀ ngụ ịdị awụ nịnị, avọọ ọ mẹ̀ raa garaa ngụ avaba ẹhẹẹ zị nị. Aa mẹ ka aza ẹ̀ẹ nyị ebira ọyịza, dị ẹ̀ rẹẹ vịraa tụ́ ịnị anị, anka ọ mẹ̀ rẹ yà yị ẹwụ nịnị. Ô nyima ụ mẹ̀ hụrẹ wụ́ enube ọnọọ, dị ẹwụ nịnị rẹ sị ayamva Ohomorihi yẹ obooro.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Iwe Ọhụhị Imosiisi ana aa hị́ Ọyịvatụrọda 31:12

Hị́ avaba anọrụ, anẹẹ, ezweyi ọnịrị azọga ana ra ịnị ẹkụra ẹnịnị, agụvị avaba aza ẹ wụ́ ịrẹyị ọnọọ, dị ẹ yẹ a mẹẹ sị ụbanyị yị Ẹnẹyịmavara Ohomorihi ẹnịnị, dị ẹ sị ịzẹyịza saasa ịrẹyị anị.

Oyinyima 22:12

Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.”

Iwe Ọhụhị Imosiisi ana aa hị́ Ọyịvatụrọda 31:13

Ịnị oze avọọ evere ẹnịnị ẹ yị vịdị wụ ọda Ẹnẹyịmavara Ohomorihi ẹnịnị vaa wụ, dị ẹ yẹ a mẹ vọrọ ka saasa a ịnị avaba ụmẹ ọnị ẹnịnị ẹ sị ra ịnị ẹtẹ ọnị ẹ yaa vaa jịnẹ tụ akẹnẹ Ijodani.

Ẹzịra 10:18

Ezi ohirẹsụ irehi Ohomorihi nịnị ana nyị anẹẹ anikinami ẹ vị ezi Ijesuwa ozi Ijozadaki ọnịrị ẹyịnyara anị Imaseya, Eriiza ọnịrị Ijaribi neberi Igidarịya.

Ayịsaya 1:19

Wàa zẹẹ ka wa wụ́ ịrẹyị amị, ụ vaa rị ịsa ozoza ịnị ẹhẹ.