Ịhagayị 1:1 - IWE ỌNỊNỊ

¹ Â nyị ọnọrụ ọnya aanị, ọnị ịrẹha anị rị Ịhagayị. Ọnịsẹ Ohomorihi ọ vị nị. Ịnị ẹkụhị ịpaapa ini ụhwẹ ịhịnọnyị ịrayị ọhụva ọnị Ịdarịyọsị sị rị ohinọyị, Ẹnẹyịmavara sị tu ọ ụtụ nị. Ẹnẹyịmavara ộ tu ọ hi Izerubabẹrị ana vi Ịgọvọnọ ẹtẹ Ijuda, ọnịrị Ijosuwa ana vi ohirẹsụ irehi Ohomorihi. Izerubabẹrị vi ozi Isiritiyẹrị, di Ijosuwa ọnị vi ozi Ijehozadaki nị.

Ịhagayị 1:1 Referans Kwoze

Ẹzịra 2:2

Ọdọvịdị ẹnịnị ana kụ wa vẹ ẹ vị Izerubabẹrị, Ijesuwa, Inehemaya, Iseraya, Ireeraya Imodekaya, Ibirisani, Imisipa, Ibigivayi ọnịrị Irehumi neberi Ibaana nị. Ịrịka aza ana hụụnị ovwoovu ọnyọọnya vẹ yị.

Ẹzịra 3:8

Ịnị ụhwẹ ana tụ ọ ụhwẹ ọhụva ịnị ịrayị ọhụva ọnị Anisirẹrị hụrẹ Ịbabịrọnị vaa ve eehi, ẹ nyima e tenyi irehi Ẹnẹyịmavara Ohomorihi da nị. Dị Izerubabẹrị ozi Isiritiyẹrị, Ijesuwa ozi Ijozadaki, ohirẹsụ irehi Ohomorihi nịnị ọnịrị Anireevi neberi avaba aza ana ve eehi nọ Ijerusarẹmị ne nyima ụkọrọ ọnọọ nị. Dị ẹ nyị ezi Ireevi ana sị gụ ịrayị oohu va hịrẹ ka e si eyi pe ụkọrọ ọnọọ nị.

Ẹzịra 3:2

Dị Ijesuwa ana vị ozi Ijozadaki ọnịrị ohirẹsụ irehi Ohomorihi ana vọ neberi Izerubabẹrị ozi Isiritiyẹrị ọnịrị aza anị tenyi ụta ịsọvọ Ohomorihi Anisirẹrị da nị. Ệ da a anka a mẹ̀ chẹrẹ tụ ịnị iwe ọda Imosiisi ana vị ọnịsẹ Ohomorihi. Ẹ vavọọ da a agụvị dị ẹ rị ịsa ịsọvọ ịra ịrẹsụ anị.

Ịhagayị 2:10

Ịnị ẹkụhị ohurịhịmba ịnị ụhwẹ ịhịịna ịnị ịrayị ọhụva ọnị Ịdarịyọsị rị ohinọyị, dị Ẹnẹyịmavara rẹ tụ Ịhagayị ọnịsẹ anị ụtụ nị.

Ịhagayị 1:12

Ịjọnọọ Izerubabẹrị ana vi ozi Isiritiyẹrị ọnịrị Ijosuwa ozi Ijehozadaki ana vị ohirẹsụ ọbanyị irehi Ohomorihi ne beri avaba aza ana hụrị Ịbabịrọnị vẹ eehi wụ́ chire Ẹnẹyịmavara Ohomorihi ẹnịnị nị. Dị ẹ mẹ̀ ịsa ọnị Ịhagayị ọnịsẹ ka agụvị ka ẹnịnị e hí angwa Ẹnẹyịmavara ana tụ ụtụ ọnọọ hi wa.

Inehemaya 7:7

Ọdọvịdị ẹnịnị ana kụ wa vẹ ẹ vị Izerubabẹrị, Ijesuwa, Inehemaya, Azariya, Iraamaya, Inahamanị, Imodekaya, Ibirisani, Imisipereti, Ibigivayi, Inehumi, ọnịrị Ibaana nị. Ịrẹha ọnịrị ịrịka anọrụ Anisirẹrị ana vẹ eehi yị.

Ịhagayị 1:14

Agụvị avọọ Ẹnẹyịmavara vaa kụ ọ hi ọzọza ayị ka e tenyi irehi anị nị. Dị Izerubabẹrị ana vi Ịgọvọnọ ẹtẹ Ijuda, ọnịrị Ijosuwa, ohirẹsụ ọbanyị irehi Ohomorihi ne beri avaba aza ana vẹ eehi nyima ụkọrọ ini irehi Ẹnẹyịmavara Ochẹtẹẹngụ ana vi Ohomorihi ẹnịnị nị.

Ẹzịra 6:14

Ụsẹ vị ana nyayịnẹ hụ azọkụ Aniju nịnị ene tenyii irehi Ohomorihi dà ịra. Ọnịsẹ Ịhagayị ọnịrị Ịzakaraya ozi Ido ệ kà ịrẹyị ana hụ wa ayọvị tu ụkọrọ ọnọọ. Ẹnịnị ệ za ụkọrọ irehi Ohomorihi ọnọọ ẹtẹ anka ọda ọnị Ohomorihi Anisirẹrị mẹ yị wa ọnịrị ọda ọnị Ịsayịrọsị ọnịrị Ịdarịyọsị neberi Atazazasisi ana vị ohinọyị Ipesiya nịnị mẹ agụvị irehi ọnọọ.

Ịhagayị 2:20

Ẹnẹyịmavara ộ tụ Ịhagayị ụtụ ụpọhụva ịnị ẹkụhị ohurẹẹna ini ụhwẹ ọnọọ ọnyọọnya.

Ịhagayị 2:4

Ama dị Ẹnẹyịmavara, Ochẹtẹẹngụ ka yị Izerubabẹrị ọnịrị Ijosuwa ne beri avaba anẹkụra ka ẹ sị ayị za, dị ẹẹ mẹ̀ ụkọrọ ka ọnị vaa ya pe wa.

Inehemaya 12:10

Ijesuwa ọ vị ada Ijoyakimi ana vị ada Eriyasibi nị; dị Eriyasibi ọnị ma Ijehoyada nị.

Inehemaya 12:1

Ịrẹha ohirẹsụ irehi Ohomorihi ọnịrị Anireevi nịnị ana saasa Izerubabẹrị ozi Isiritiyẹrị ọnịrị Ijesuwa ohirẹsụ ọbanyị irehi Ohomorihi varẹma hụrị Ịbabịrọnị vẹ eehi. Ohirẹsụ irehi Ohomorihi ẹnẹẹ ẹ vị Iseraya, Ijeremaya, Ẹzịra,

Inehemaya 8:9

Áza ẹnẹẹ mẹ wụ́ ịrẹyị ọda Ohomorihi, dị ẹ yaa jị òrèrè nị. Dị Inehemaya ana vị Ịgọvọnọ, ọnịrị Ẹzịra ohirẹsụ irehi Ohomorihi neberi Anireevi, anaa zụ ọza ịsa aa kụ wa ẹngụ nịya nị. Dị ẹ ka asị ẹnịnị va ẹngụ hi agụvị ka ẹkụhị ọnọnị vị ana sị tịtẹ yị Ẹnẹyịmavara ana vị Ohomorihi ẹnịnị nị.

Inehemaya 5:14

Mâ mẹ Ịgọvọnọ Ijuda ịrayị ẹwụrẹva, hụrị ịrayị oohu na ngụ ịrayị ohurẹẹwụ tụra ẹẹva ọnị Atazazasisi sị vị ohinọyị. Ịnị avaba ụmẹ ọnọọ, ẹmịrị aza amị ẹ yị dọ ịsọyịrị ana vọrọ ka aā sị yị.

Ẹzịra 4:24

Aanị ụkọrọ irehi Ohomorihi mẹ vana tịtẹ pooro ne tu ana tụ ọ ịrayị ọhụva ọnị Ịdarịyọsị vị ohinọyị Ipesiya nị.

Ẹzịra 4:2

Dị ẹ ne tu Izerubabẹrị ọnịrị ohirẹsụ ovwoovu ka ẹnị ẹ gụ wa ụvọ da irehi ọnọọ nị. Ẹ ka hụrẹ ụmẹ ọnị Esahadoni ohinọyị Anasiriya sị kụ ẹnị vị ịzọọ ẹnị a hẹkẹ Ohomorihi ẹnịnị dị ẹnị raa mẹ̀ ịsọvọ yị ọ nị.

Ẹzịra 2:63

Dị Ịgọvọnọ mẹ ọda ka asị ẹ rị ịsa ọnịnị anaā sịị vaa mẹ̀ ịsọvọ ịnị irehi Ohomorihi pooro dị aa nyị ohirẹsụ irehi Ohomorihi ana a sị urimi ọnịrị itumimi rị ụvọ.

Ẹzịra 1:8

Dị Ịsayịrọsị hụrị ẹnya ẹnẹẹ ụvọ yị Imitiredati ana vị ọsẹkẹhịtẹ ẹtẹ Ipesiya ana za ẹnya ẹnẹẹ ịrịka yị Isesibaza, Ịgọvọnọ ẹtẹ Ijuda nị.

1 Ịtọpa 3:19

Ịpẹdaya ộ ma ozi ọnọrụ ẹẹva. Ẹnị ẹ rị Izerubabẹrị ọnịrị Isimeyi nị. Izerubabẹrị ọnị ọ rẹ ma ozi ọnọrụ ẹẹva ana aā hị́ Imesurami ọnịrị Ịhananịya, dị ọ ma ozi ọnẹẹ ọnya Iseromiti nị.

1 Ịtọpa 3:17

Ohinọyị Ijehoyakimi ọnị Anibabironi nịnị za ọrịhị ọ ma ezi ẹnẹnị nị. Ezi anọrụ ịhịmba ọnị ọ ma aā hị́ Isiritiyẹrị.

2 Ohinọyị 14:25

Ijerobowami ọhụva ọnọnị ọ dọ avaba ẹtẹ Anisirẹrị nịnị varẹma yị wa nị. Ộ dọ ẹhwị ẹtẹ ẹnịnị hụrị ịzị aā hị́ Irebo-Ihamati huuu na ngụ oku Araba. Aanị Ẹnẹyịmavara, Ohomorihi Anisirẹrị nịnị mẹ̀ vịdị zị oze ịnị ụvọ Ijona ozi Amitayi kà a nị. Ijona vị anẹkụra ana aā hị́ Igati-Ihehwa.

1 Ohinọyị 14:18

Dị ẹnịnị ne e, dị avaba Anisirẹrị jị òrèrè anị nị. Avọọ Ẹnẹyịmavara mẹ̀ tụ́ ozi ahụ anị ana aā hi Ahija ana vị ọnịsẹ ka ọ̀ kà a nị.

Iruuku 3:27

Ijoda vị ozi Ijowananị, ana vị ozi Ireesa. Ireesa ọnị rẹ vị ozi Izerubabẹrị, ana vị ozi Isaritiyẹrị. Isaritiyẹrị ọnị vị ozi Ineeri,

Ọyịkụra 4:13

Di Imosiisi ka Ẹnẹyịmavara, ọnị ka aarịhịnị ọ navọ ọ̀ tụ́ ọza ẹnẹsa nị.

1 Ohinọyị 10:15

Ịrẹma ẹsẹnị a rẹ nyị igooru oni osohu ẹbanyị-ẹbanyị irenyi-irenyi aa kụ́ vaa yọ. Avọọ avaba ohinọyị Anarabi ọnịrị Ịgọvọnọ ẹtẹ ọnọọ ẹnị mẹ̀ raa kụ́ igooru vaa yọ nị.

Ẹzịra 5:1

Ịnị ụmẹ ọnọọ, Ohomorihi ộ tụ ọnịsẹ anị Ịhagayị ọnịrị Ịzakaraya ana vị ozi Ido ụtụ hi Aniju nịnị ana ra Ijuda ọnịrị Ijerusarẹmị.

Ẹzịra 5:3

Ịnị ụmẹ ọnọọ, Itatenayi sị vị Ịgọvọnọ tụ ẹtẹ Ehwirati nị. Dị ọnịrị atụra Ịgọvọnọ, Isita Ibozenayi ne beri ọdọvịdị ẹkụra nịnị nọ Ijerusarẹmị ne tu wa nị. Dị ẹ họ̀ wa ka ẹ̀nẹ sị oze yị wa ka ẹẹ da irehi Ohomorihi ọnọọ?

Ẹzịra 10:18

Ezi ohirẹsụ irehi Ohomorihi nịnị ana nyị anẹẹ anikinami ẹ vị ezi Ijesuwa ozi Ijozadaki ọnịrị ẹyịnyara anị Imaseya, Eriiza ọnịrị Ijaribi neberi Igidarịya.

Ịhagayị 1:2

Dị Ẹnẹyịmavara Ochẹtẹngụ kà, aza ẹnịnị kà ụmẹ o yi tu ka a varẹma tenyi irehi anị da.

Ịhagayị 1:3

Agụvị avọọ Ẹnẹyịmavara va tu Ihagayị hi wa ka ọ̀ họ̀ wa use ka,

Ịhagayị 2:21

Dị ọ ka yị Ịhagayị ka ọ kà yi Izerubabẹrị, Ịgọvọnọ Ijuda ka ọnị vee henyi ihinẹba ọnịrị ẹtẹ.

Ịmarakayị 1:8

Ẹ̀ẹ vị avọọ, áá vọrọ ka ẹẹ sị ịsụpa ene gu eyi ọnịrị ene che ahụ beri ẹnị ụkụ za va mẹ̀ ịsọvọ yị ọnị? Ẹ́ẹ́ zụ sị ẹngụ ịsa ẹnẹẹ na yị Ịgọvọnọ ẹnịnị? Ẹnẹyịmavara Ochẹtẹẹngụ kà, ẹnịnị éé ro ka ayị Ịgọvọnọ ẹnịnị ọnọọ vee hine tụ ẹnị?

Ịhagayị 1:15

Ẹnịnị ẹ nyima ụkọrọ ọnọọ ini ẹkụhị ohurẹẹna ịnị ụhwẹ ịhịnọnyị ịnị ịrayị ọhụva ọnị Ịdarịyọsị rị ohinọyị.

Ịzakaraya 1:1

 nyị ọnịsẹ aanị ana a hị́ Ịzakaraya ana vị ozi Ịbẹrẹkiya ana vị ozi Ido. Ịnị ụhwẹ ịhịnta ịnị ịrayị ọhụva ọnị Ịdarịyọsị rị ohinọyị, Ẹnẹyịmavara tụ́ ọ ụtụ hí Anisirẹrị nịnị nị.

Ịzakaraya 3:1

Ịnị etore ọsa ọnị Ẹnẹyịmavara sị zụ Ịzakaraya, ô re Ijosuwa ohirẹsụ irehi Ohomorihi ka ọ jẹẹ ọvịdị anggẹẹrị Ẹnẹyịmavara, di echu jẹẹ eyi ụvọrị anị ka ọnị o du ọ nị.