Ihabaku 3:8 - IWE ỌNỊNỊ

⁸ Dị ọ họ̀ Ẹnẹyịmavara kà okuha ọ́ọ́ vị ana mẹ ayị kụ ọ nị, a vị oku o du ọ ayị nị? Eyiyee! Ẹnẹyịmavara ộ tụra eguhi anka umaata anị, dị eguhi ana da dụụmẹ vị ịkẹkẹ ịrẹkụ anị ọnị ọ sị nyị ehuna.

Ihabaku 3:8 Referans Kwoze

Ahẹ Ụgama 68:17

Ananyị yị ọ raà hụrẹ Ịsịnayị vẹ va ngụ ini eehi anị. Ộ nyị ịkẹkẹ ịrẹkụ oni umaataā tura. Ệ rụrụ ẹnẹmẹhị, ọza ọ yị zụ za wa ịrịka.

Ayịsaya 50:2

Ọ kà, sị ẹ vẹ dị aza anị ẹ yị tụ ọnị ohi ịnị ụmẹ ọnị ọnị sị na ka ọnị naa dọ wa ha? Sị ẹ vẹ dị ọnị hị́ wa, dị ẹnịnị e yi tụ ohi ịrẹyị? A vị ọnị sị hịmị ọyị dọ wa haa? Ọnị ọ̀ọ ka ịrẹyị kẹnẹ enyi ịnị oku aa wụ̀ za ẹtẹ. Ọnị ọ zụ vara irehu ẹtẹ ọyịwụ̀, dị ivovo ene hi ịnị anị su va ha agụvị ka ẹ yị nyị enyi.

Ahẹ Ụgama 114:5

Ẹwụ òkū, sị ẹ vẹ di wee zwe? Sị ẹ vẹ dị ụ sị varẹma, ẹwụ Ijodani?

Ahẹ Ụgama 114:3

Ókū ịkịịkẹ mè re ka ẹ yaa vẹ, dị ọ kụ́ ahụ nya iruvo nị. Di Okuha Ịjọdanị ọnị rẹ sị varẹma nị.

Ahẹ Ụgama 18:10

Ịsa ana nyị avaka ana ahịka ahị ọọ tụra aa zị nị.

Ịmaakị 4:39

Di Ijeesu kwẹẹtẹ nị, dị ọ tụ́ ahị ọnọọ Ohuvọ nị. Dị ọ kà a yị enyi ka: ọ mẹ hẹẹ! Dị ahị jẹẹ keri, dị ẹtẹ tịtẹ sii nị.

Ihabaku 3:15

Umaata Ẹnẹyịmavara vị ana zị ụsẹ ịrẹsụ oku, dị enyi aa dà vụnga-vụnga nị.

Ịnahụmị 1:4

Ẹnẹyịmavara ọ̀ọ mẹ̀ ọda kẹnẹ, dị avaba enyi ini irehu ọnịrị òkū nịnị wụ̀ za ẹtẹ. Avị ọnịrị ododo ene hi inozi Ịbasanị ọnịrị Ịrẹbanọnị ne beri Ataba Ịkamẹrị vị anaa wara za eteesu.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ahẹ Ụgama 104:3

Ohine irehi awụ vị ọnị ụ sị jẹẹ tụ́ ịnị enyi. Wâ sị eguhi mẹ umaata, dị ahịka ahị ụ waa tụraa zị nị.

Ahẹ Ụgama 68:4

Waā jị ahẹ kụ́ Ohomorihi avọ nịnị. Waā sị ụbanyịị yọ nịnị, dị wa jẹ ịrajẹ ịda anị nịnị Ọnị ọ vị Ẹnẹyịmavara anaā tụra eguhii zị nị.

Ẹtore 19:14

Di isoja nịnị ẹbẹẹba aa saasa a nị. Ẹnịnị ệ tụra umaata ọvwọọvụ, di e chire awuru ọvụ ana nị sẹnẹ-sẹnẹ nị.

Ẹtore 19:11

Di mi re ka ihinẹba ộ na hi ẹtẹ nị. Di mi re umaata ọvwọọvụ ọnya aanị nị. Ịrẹha ọza ana tụra a ọ rị Anayọnya ọnịrị Ọnịzẹyịza nị. Ịzẹyịza aa sịị mẹ̀ ọkarẹyị, dị ọ raa sịị kụ̀ ịrẹkụ nị.

Ẹtore 16:12

Dị anggẹẹrị ọhụhịnọnyị ọnị rẹ và ene hi ịnị ịchacha hi ini okuha Iyuhureti ana banyị nị. Dị enyi anị wụ, ka oze ò tenyi tịtẹ yị ohinọyị nịnị ana yà eyi ọnị ọyịị̄ zịị hụrẹẹ vẹ nị.

Ẹtore 6:2

Dị mị kana eyi, di mi re ka umaata ọvwọọvụ ọnya nị. Ọza ana tụra umaata ọnọọ, ộ sị ọkịta rị ụvọ, dị a sị ọkẹkẹrẹkụ yọ nị. Dị ọ jịnẹ tụ́ ẹhẹ anka ọza anaā nyị ehuna ịrẹkụ avọọ ka ọnị ọ̀ na nyị ehuna ịrẹkụ nị.

Ahẹ Ụgama 45:4

Ẹwụrị ịzẹyịza beri ebira hẹẹ ọ̀ vavọọ ra. Ụ vaa nyị ụkata dị ụ nyị ẹbẹẹba ọnịvị awụ.

Ọyịkụra 7:20

Di Imosiisi ọnịrị Eerọnị vavọọ mẹ anka Ẹnẹyịmavara mẹ̀ kà a gẹdẹ-gẹdẹ nị. Di Eerọnị yà eyi Ihwarawo ọnịrị anụkọrọ anị dị ọ tana okutẹ anị tụ́ ẹba, dị ọ sị nya enyi ini okuha Ịnayịrị nị. Dị avaba enyi ọnọọ vavọọ vara tịtẹ nị.

Ọyịkụra 7:19

Dị Ẹnẹyịmavara rẹ kà a yi Imosiisi dị ọ ka ọ̀ Kà ẹ yị Eerọnị ka ọ̀ sị okutẹ anị dị ọ̀ tana ụvọ anị hi enyi ene hi Ijipiti ọnịrị orosi nịnị vaka imisi ne beri avaba ìrìkù enyi. Avaba ẹnịnị vaa vara. Avaba aha anya vee hi ịnị ẹtẹ Ijipiti nị. Avaba enyi ene hi ini ẹnya odenyi nịnị ọnịrị odu vị ana vaa vara anya.

Ọyịkụra 14:16

Tana okutẹ awụ, dụ wa tana ụvọ tụra oku ọnọọ. Oku vaa gàa hi ẹẹva dị Anisirẹrị ẹ̀ zi oze ịnị akakana oku na para hu ịrẹsụ ẹtẹ ọyịwụ.

Ahẹ Ụgama 77:16

Ohomorihi, adagu nịnị mé re wụ, angwahi ọ sị ngụ wa ẹngụ, mị ka iruvo oku vị ana aa dá ẹgahị.

Ayịsaya 66:15

Ẹnẹyịmavara vaa sị ịra hụrẹ ẹbẹẹba chi vẹ anka opomi avọọ. Ọ vaa sị ọyịkụ-ọyịkụ si atọ ayodu anị, dị ọ sị ịra rị aza ana aa kụ́ ayị hi.