Ihabaku 3:4 - IWE ỌNỊNỊ

⁴ Dị ụbanyị anị aa zẹtẹ chanyị-chanyị anka ọyị avọọ nị. Dị ẹtohweyi aa zẹtẹ hụụ ịnị ụvọta anị ịzị ụkata anị tẹ̀ tụ nị.

Ihabaku 3:4 Referans Kwoze

Imatiwu 17:2

Dị a vara Ijeesu ẹngụ éyi ẹnịnị nị. Dị eyi Ijeesu aa za nyanga-nyanga anka ọyị avọọ nị. Dị awuru anị aa vwẹtẹ sẹnẹ-sẹnẹ kẹnẹ nị.

Ijoovu 26:14

Avaba ịsa ẹnịnị aa kiiki ịnị ụkata anị anka o rere hu ohi kẹnẹ avọọ nị. Ẹnẹ zụ yẹ ịzị Ohomorihi banyị na za.

Ọyịkụra 14:20

Dị ọ jẹẹ ịnị akakana isoja Anisirẹrị ọnịrị isoja Anijipiti nị. Ịnị avaba ịrahụ di eguhi vị ịrahụ yị aneyi ọnya, ama dị ọ vị ẹtohweyi yị aneyi ọsa nị. Aza ẹnyị ẹ yị kà pè ọsa ịnị avaba ịrahụ ọnọọ.

Ẹtore 22:5

Ẹtẹ o yi vee hozi ịzọọ pooro, ẹ yị nyị ịsị ẹ vaa sị ozotupa, à vị ọyịị̄ mẹ. Ohomorihi ọ vaa vị ẹtohweyi yị wa nị. Ẹnịnị vị ana vaa mẹ ohinọyị pooro zịna-zịna.

1 Itimoti 6:16

Ọnị ịnyara chọchọchọ o reè yi mē sú nị. Ini ẹtohweyi ọnị ọ yà, ẹ yị nyị ọza ana zụ kà pee. Ẹ yị nyị ọza ene ree da, ayị rẹ nyị ọza ene zụ ree. Ọnị ọ nyị ụbanyị ọnịrị ụkata pooro zịna-zịna nị. Aamị.

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ahẹ Ụgama 104:2

Wâ sị ẹtohweyi dị ụ sị mẹ awuru chire nị, dị ụ maanị gana ẹhẹ jẹẹ anka ọza òó rere jị ajẹngụ avọọ nị.

Inehemaya 9:12

Dị ọ zụ ohiku ẹnịnị oze ịnị ụnọmị nị, ọnị ọ da eguhi jẹ ka ọ̀ zụ wa oze ọọdụ, dị eguhi ọnọọ vị ịra ọbanyị ene eyee sii re ẹtẹẹ zị ụsẹ ịnị ịrahụ nị.

Ọyịkụra 13:21

Ụmẹ ọọdụ dị Ẹnẹyịmavara yà ịnị eguhi tụ́ ọvịdị ẹnịnị aa zụ̀ wa oze na. Ịrahụ dị ọ rẹ yà ịnị ịra ana jẹẹ dị aa mẹ ka ẹnịnị èe re ẹtẹ. Ọnọọ ộ mẹ̀ ka ẹnịnị ẹ̀ zụ zị ụsẹ ọọdụ ọnịrị ịrahụ.

Ẹtore 21:23

Ẹ yị nyị ịsị ẹkụra ọnọọ aa sị ọyịị̄ mẹ, à vị ụhwẹ, ka ọ̀ọ zẹtẹ ịzọọ, agụvị ka igirima Ohomorihi aa sị ẹtohweyi yị ịzọọ nị. Ozi Atẹmẹ ọ rẹ vị ẹtohweyi anị nị.

Ahẹ Ụgama 18:12

Ọ́ mẹ̀ mẹ ka ịnyanya ọ rị, dị ata ihinẹba ọnịrị ịra aa zụ̀ụ hi ẹtẹ hụụnị eguhi ojooji ọnọọ nị.

Ezikẹẹrị 1:27

Ezikẹẹrị ka, ọnị ộ re ẹhwị ọtẹ ịsị ana yaatụ ịnị aga ohinọyị ọnọnị aanị và hịrẹ; dị â zẹtẹ anka enyusẹ ọkatarihi ana yà ịnị akakana ịra avọọ nị. Dị ẹhwị ọtẹ anị va chi sị mẹẹ anka ịra anaa za avọọ, dị aa zẹtẹ ẹtẹẹtẹrẹ nị.

Ezikẹẹrị 43:2

Ezikẹẹrị ka ọnị mẹ yà ịzọọ, ọnị ô ré Ohomorihi Anisirẹrị mẹ hụrị eyi ọnị ọyịị̄ zịị vẹ aa vẹ, ọnịrị ụbanyị anị, ọnị ộ wụ ọngwẹ Ohomorihi maa sụrẹyị anka okuha ọbanyị enee sì avọọ. Dị ụbanyị anị ọnọnị mẹ ka avaba ẹtẹ ọọ zẹtẹ nị.