Ihabaku 3:3 - IWE ỌNỊNỊ

³ Ohomorihi ọnịnị ô chi vẹ hụrẹ ịrẹsụ ataba Itemani ọnịrị ataba Ịparanị. Dị ụbanyị anị va ku ẹbẹẹba, dị avaba anẹhẹ aa ga a nị.

Ihabaku 3:3 Referans Kwoze

Iwe Ọhụhị Imosiisi ana aa hị́ Ọyịvatụrọda 33:2

Imosiisi kà a, Ẹnẹyịmavara ô chi hi ẹtẹ hụụ ịrẹsụ ataba Ịsịnayị va gụ ẹnị ụvọ. Ộ kwẹẹtẹ anka ọyị avọọ, dị ụbanyị anị zẹtẹ ku aza anị hụụnị ataba Ịsẹyị ana ya Edomi nị. Etohweyi anị ộ zẹtẹ hụụnị ataba Ịparanị, dị anggẹẹrị otomiroku ya pe e nị, dị ịra aa da wụụrụ hụụnị ụvọ anị nị.

Ọbadaya 1:9

Avaba isoja ene hi ẹkụra ọbanyị ẹnịnị ana aā hị́ Itemani vị ọnị ayị ẹnịnị vaa sẹ hi ịnẹ. Ẹ yị nyị isoja ẹnịnị ana vaa ha.

Emọsị 1:12

Avọọ, Ẹnẹyịmavara kà ọnị aa sị ịra hụ́ ẹkụra ọbanyị ẹnịnị ana aa hị́ Itemani ọnịrị irehi Ibozira ohinọyị ẹnịnị.

Ahẹ Ụgama 4:4

Asị ụ zẹẹ ka ayị ọ̀ kụ́ wụ nịnị pooro dị wa na mẹ̀ ebira odivi. Waa hụtụ rò o dị waa mẹ hẹẹ

Ijeremaya 49:7

 nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?

Ayịsaya 6:3

Dị ẹ yaa hị́ ẹngụ, dị ẹ ka “Ọnịnị, Ọnịnị Ọnịnị! Ẹnẹyịmavara Ochẹtẹẹngụ vị ọnịnị. Ụbanyị anị vi ene chi avaba ẹhẹ ẹngụ.”

Ahẹ Ụgama 68:17

Ananyị yị ọ raà hụrẹ Ịsịnayị vẹ va ngụ ini eehi anị. Ộ nyị ịkẹkẹ ịrẹkụ oni umaataā tura. Ệ rụrụ ẹnẹmẹhị, ọza ọ yị zụ za wa ịrịka.

Iwe Ọhụhị Imosiisi ana aa hị́ Ọyịvatụrọda 5:24

Dị ẹ̀ ka, Ẹnẹyịmavara ana vị Ohomorihi ẹnịnị ọ̀ raa zẹ ka eni e re ọ mẹmẹ nyị ụbanyị. Ẹnị ẹ raa wụ́ ọngwẹ hụụnị ịra. Ajịnị eni e ree re ka Ohomorihi ọ̀ zụ pe ọza ka ịrẹyị dị ọ yị su.

Oyinyima 21:21

Ọ mè yà ịnị ụnọmị ịzị aā hị́ Ịparanị, dị ọnyị anị nọ ẹkụra Ijipiti dị ọ na nyị ọnẹẹ hụụ ịzọọ va yọ nị.

Ayịsaya 64:3

 nyị ụmẹ ọnị ụ sị vaa mẹ ịtọmatapa ọnị ye yi tụra eyi, ataba nịnị mè re wu, vị́ ẹyaa bànyị angwa mee hi wa nị.

Ahẹ Ụgama 48:10

Ohomorihi, anka ịrẹha awụ mẹ̀ ngụ ịrẹyị na ngụ avaba ẹhẹ avọọ aza mẹ̀ raa sị ụbanyịị wụ nị Ịzẹyịza ụ waa sịị mẹ ohinọyịị tụra aza nị.

Ahẹ Ụgama 9:20

Ẹnẹyịmavara, navọ we chire wa angwa dị ẹ̀ yẹ ka aza rị ẹyị ịrẹsụ kẹnẹ ẹnị vị nị.

Ahẹ Ụgama 9:16

Aza ệ yẹ ka Ẹnẹyịmavara vị ana aā mẹ ịzẹyịza. Ịsa ana aza edivi aa sị ụvọ ẹnịnị mẹ ọ rẹ vara eyi za wa nị.

Ahẹ Ụgama 3:4

Ụmẹ tụra ụmẹ oni mèe nowu hị́ Ẹnẹyịmavara dị ọ rẹ vavọọ ba mi owu ịnị ataba ọnị ọ yà.

Ahẹ Ụgama 3:2

Aza ọrụrụ-ọrụrụ ka mba, ẹwụ Ohomorihi ọ yị kụkụ vaa dọ mịị tụ́.

1 Ịsamụwẹrị 25:1

Ịnị ụmẹ ọnya, dị Ịsamụwẹrị wusu nị, dị avaba Anisirẹrị kụ́ gụ, dị ẹ jị òrèrè anị nị. Dị ẹ sị ọ, di e ne e tụ́ ini eehi anị Iraama nị. Di Idevidi kwẹẹtẹ, di o si hu aa nọ ịnị ụnọmị ịzị aā hị́ Ịparanị nị.

Ịrịka 10:12

avọọ, dị Anisirẹrị nịnị kụ ẹnya ẹnịnị kwẹẹtẹ hụrẹ ụnọmị Ịsịnayị na ngụ ụnọmị Ịparanị nị.

Ọyịkụra 20:18

Aza ẹnẹẹ ê re apaana ihinẹba màa há, dị ịnyanya aa rị, dị ẹ wụ́ ọpanyị màa sụ́ ịrẹyị nị. Di e re re ka ataba aa dá areyi nị. Dị angwa ee hi wa, di ẹ yaa dá ẹgahị nị. Dị ẹ jẹẹ ẹ́nẹẹnẹ,

Oyinyima 36:11

Ezi eni Eripazi ọnị rẹ ma ẹ vị Itemani, Ọma, Izehwọ, Igatami ọnịrị Ikenazi.

Ahẹ Ụgama 113:4

Ẹnẹyịmavara ọ vị ohinọyị tụra ịrẹsụ avaba ẹhẹ nị. Ụbanyị anị ộ nẹba huna ihinẹba.

Ahẹ Ụgama 148:13

Avaba awụ nịnị ọ̀ọ kụ́ Ẹnẹyịmavara avọ, agụvị ka ọnị ịnyara ọ nyị ụbanyị nị, Ụbanyị anị ộ para ẹtẹ ọnịrị ihinẹba hu.

Ayịsaya 31:1

Ẹwụ nịnị ana nọ Ijipiti ka vi u wee nee sì ọgụvọ nịnị, wa sị dà nịnị, we yi re ẹpẹ sị va. Mị ka ẹwụ nịnị ana sị ayị tụra umaata Anijipiti ka ệ mẹ̀hị rụrụ, ọnịrị ka ệ nyị ọmụha ana aā sị umaataa kù ịrẹkụ, wa sị dà nịnị. Wẹ yị kụkụ zẹẹ ka wa sị ayị tụra Ohomorihi ọnịnị ana Anisirẹrị aa hẹkẹ. Wẹ yị kụkụ ne tù ọ nịnị ka ọ̀ gụ wụ nịnị ụvọ.

1 Ohinọyị 11:18

Ẹnịnị mẹ̀ kwẹẹtẹ hụrẹ Imidiyani, dị ẹ va ngụ Ịparanị nị. Dị ẹ sị aza ẹnyị hụụ ịzọọ saasa ẹngụ, dị ẹ na ngụ Ijipiti nị. Ẹnịnị ệ nọ ịda Ihwarawo ana vị ohinọyị Anijipiti. E mè tù ịzọọ di Ihwarawo si irehi yị Ihadadi, dị ọ rẹ sị ịsọyịrị yọ, dị ọ rẹ sị ẹtẹ yọ nị.

Ezikẹẹrị 43:2

Ezikẹẹrị ka ọnị mẹ yà ịzọọ, ọnị ô ré Ohomorihi Anisirẹrị mẹ hụrị eyi ọnị ọyịị̄ zịị vẹ aa vẹ, ọnịrị ụbanyị anị, ọnị ộ wụ ọngwẹ Ohomorihi maa sụrẹyị anka okuha ọbanyị enee sì avọọ. Dị ụbanyị anị ọnọnị mẹ ka avaba ẹtẹ ọọ zẹtẹ nị.

Ihabaku 2:14

Aza ana yẹ Ẹnẹyịmavara dị ẹ sị ụbanyị yọ vaa rụrụ chi ẹhẹ ẹngụ anka enyi meē hi oku avọọ.