Ihabaku 3:19 - IWE ỌNỊNỊ

¹⁹ Ẹnẹyịmavara Ochẹtẹẹngụ ọ vị ụkata anị nị. Ọ vaa sị ụkata yị ọnị jẹẹ anka epeni, dị ọnị aa zị ụsẹ ịrẹsụ ataba.

Ihabaku 3:19 Referans Kwoze

2 Ịsamụwẹrị 22:34

Ộ mẹ ka mā rẹ anka akọnọ, emee zwe echi ịnị ataba, ọ yị zẹẹ ka à nyị ịsị ẹ mẹ̀ mị.

Ahẹ Ụgama 18:33

Ộ mẹ ka ma rẹ́ anka akọnọ Emee zwe echi ịnị ataba ọ yị zẹẹ ka à nyị ịsị ẹ mẹ̀ mị.

Anihwiripi 4:13

Ma zụ mẹ avaba ịsa ini oze ụkata oni Ikirisiti aa sịị yị mị.

Ahẹ Ụgama 46:1

Ohomorihi ee sere yị dị ọ̀ yị zẹẹ ka à nyị ịsị ẹ kanyị yị nị. Ọnị ọ raa sị ụkataa yị nị Ụmẹ tụra ụmẹ ẹnị ẹngụ ayị ọ̀ọ kata vi oni oō sì ka ọnị ọ̀ gụ yị ụvọ.

Iwe Ọhụhị Imosiisi ana aa hị́ Ọyịvatụrọda 32:13

Ọnị ộ mẹ̀ ka ẹnịnị ẹ vị ohinọyị tụra anẹkụra ene hi ịrẹsụ ataba. Dị ệ rị ịsa ịnị aarẹ anị nị. Dị ệ rị ẹhụ hụụnị ịnị akakana ịrẹka, dị ọchị angwẹ orivi nịnị aa hụ ịnị ịrẹta-ịrẹta akaha ataba nị.

Ahẹ Ụgama 27:1

Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

Ayịsaya 58:14

e vee re ayohine ana ya ịnị ọyị hẹkẹ ọnị. Ẹnẹyịmavara kà ọnị vaa mẹ ka avaba anẹhẹ ẹ sị ụbanyị yị wa, dị ẹtẹ ohiku ẹnịnị ọnị ọnị si yị wa ọ vaa vị ize yị wa.

Anẹhwẹsọsị 3:16

Maa mẹ̀ aduwa ka Ohomorihi ana nyị ụbanyị ẹtẹẹtẹrẹ ọ̀ navọ Ụhwẹ Ọnịnị anị ọ̀ sị ụkata wụ nịnị, dị ayị awụ nịnị ọ̀ nyị ụkata.

Anikorasi 1:11

Ohomorihi ọ̀ sị ụkata anị, ene huna avaba ụkata yị wụ nịnị, agụvị dị ụ wa nyị ụkata, dị ụ wa rẹ nyị isuuru ini avaba ịsa ana àaa mẹ nịnị;

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Iwe Ọhụhị Imosiisi ana aa hị́ Ọyịvatụrọda 33:29

Ẹwụnị Anisirẹrị, Nyarị ịrẹsụ ọyịza nịnị. Ẹnẹ ya anka ẹwụnị aza ọnị Ẹnẹyịmavara sị dọha? Ẹnẹyịmavara aa dọ wụ nịnị tụ anka ogonto avọọ nị. Ọnị aa wụ ọnịvị awụ nịnị anka ụhwọ onyeyẹva avọọ nị. Ọnịvị awụ nịnị vị ana vaa da ịpẹ ka asị ụ wụ ọnị nịnị. Ama wa raa nyị ẹbẹẹba ẹnịnị.

Ịzakaraya 10:12

Ẹnẹyịmavara kà, ọnị vaa mẹ ka aza ẹ nyị ụkata, dị ẹẹ hẹkẹ ọnị, dị ẹẹ wụ́ chire ọnị.

Ahẹ Ụgama 18:1

Ẹnẹyịmavara, mê sì ịrẹyị awụ ẹtẹẹtẹrẹ. Ẹwaa aa sị ụkata yị mị nị.

Ayịsaya 45:24

Avaba aza vaa kà a ka ịda anị kẹnẹ ọza zụ re ịzẹyịza ọnịrị ụkata nị. Ama aza ana nyị ịhyẹrẹ anị vị ọnị ụhị vaa nyị.

Ahẹ Ụgama 54:1

Ohomorihi, navọ wa hụ agụvị ụbanyị ẹngụ awụ wa dọ mị tụ́ Navọ wa sị ụkata sị zụ̀ ka mẹ yị rị ịvị

2 Ịsamụwẹrị 2:18

Ezi Izeruya ẹyịta vi ene hi ịzọọ. Ẹnịnị ẹ rị Ijowabi, Abisayi ọnịrị Asahẹrị nị. Asahẹrị oni o zụ zwe echi ẹtẹẹtẹrẹ, ộ rẹ huna akọnọ.

Ahẹ Ụgama 18:32

Ohomorihi ọ vị ụkata amị nị; oni ee sere mi ini oze tụra oze ọnị màa zị nị.

Ahẹ Isoromọnị 2:7

Ẹwụ nịnị anyẹnẹẹ Anijerusarẹmị, kà a mị nịnị, dị wa sị uye ana aā hị́ ùnè ọnịrị akọnọ hị́ eku ka wẹ́ yị va kụ awụ nịnị vee zigi yi.

Ezikẹẹrị 36:2

ọnị Ẹnẹyịmavara Ochẹtẹẹngụ tụ́ hi wa ka: ọnịvị Anisirẹrị nịnị ee wo oto ka ataba ịyẹẹyẹ ẹnẹẹ, ẹ́ sị vị ẹẹnịnị.

Ahẹ Ụgama 18:34

Ohomorihi ọ rẹ sị ụkata mị ka ma zụ kụ ịrẹkụ dị ma zụ kụ ọkịta ana a sị enyusẹ mẹ.