Ihabaku 3:18 - IWE ỌNỊNỊ

¹⁸ ọ ka ayị anị vee hine, dị ọnị aa jẹ agụvị ka Ẹnẹyịmavara, Ohomorihi ọ vị ẹnẹdọha anị nị.

Ihabaku 3:18 Referans Kwoze

Ijoovu 13:15

Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị.

Anihwiripi 4:4

Waa jẹ nịnị ụmẹ tụra ụmẹ agụvị Ananyị yị. Me re tenyi ọ kà, mị ka waa jẹ nịnị.

Imika 7:7

Emi ee zi Ẹnẹyịmavara, mâ yẹ ka ẹ vaa mẹ ọgụvọ Mị ka maa jẹẹ zị ọnị ọnị ana vị ọdọzaha amị. Ọnị ọ vị Ohomorihi amị nị, mâ yẹ ka ẹ vaa wụ́ aamị.

Ayịsaya 61:10

Ayị amị vị ana nyayịnẹ hine ịnị Ẹnẹyịmavara Ohomorihi amị. Ọ raà sị ẹdọha yị mị anka a mẹẹ kụ ẹnya hi ọza ẹngụ avọọ. Awuru ịzẹyịza ene e chire mi vị ana hụ mị enyi Mị sị mẹẹ anka ọnọrụ ene chi awuuru ana nyị ọnẹẹ avọọ nị. Mị sị mẹẹ anka ọnẹẹ ana a za oze ana kụ ọmọ hi ẹngụ avọọ nị.

Ayịsaya 12:2

Ịzẹyịza Ohomorihi ọ vị ẹnẹdọha amị nị. Ẹwụ m maa sị ayịị tụra nị, me yi vee hí angwa. Ẹnẹyịmavara ọ sị ụkata yị mị nị. Ẹwa m maa sịị jị ahẹ nị. Ọnị ọ vị ẹnẹdọha amị nị.

Ahẹ Ụgama 25:5

Navọ waa zụ̀ mi oze dị ma zụụ mẹ̀ ebira ana vị ịzẹyịza ini eyi awụ Wâ yẹ ka ẹwa vị Ohomorihi amị ana dọ mị ha nị Ẹwụ kẹnẹ mị sị ayị tụra pooro nị.

1Ipita 1:8

Wẹẹ̀ yị daka sị eyi awụ nịnị re Ijeesu Ikirisiti da, ama we yi sì ịrẹyị anị nịnị. We yi si eyi ree nịnị booro aanị, ama wáa sị ayị tụra a nịnị, ana ahịka ayị awụ nịnị ee hine ẹtẹẹtẹrẹ oni irenu ọ̀ yị zụ kà.

Ahẹ Ụgama 27:1

Ẹnẹyịmavara aa sị ẹtohweyi zụ̀ mị nị. Ọnị aa dọ mịị ha nị agụvị avọọ ẹ yị nyị ọza ọnyọọnyị oni mee hí angwa anị. Ọnị ọ rẹ ẹ̀ yị zẹẹ ka à nyị ịsị ẹ mẹ̀ mị nị agụvị avọọ m mè yị hí angwa ọza ọnyọọnyị nị.

1 Ịsamụwẹrị 2:1

Ịhaana ộ mẹ̀ aduwa dị ọ kà, “Ẹnẹyịmavara ọ raà mẹ̀ ka maa jẹ ịrajẹ; Ayị amị vị ana nyayịnẹ hine agụvị ịsa ọnị ọ mẹ̀ yị mị. Ma nyẹngụ jẹẹ ọvịdị ọnịvị amị, di mee nyi wa unyi. Mâ dà jẹ kẹnẹ ka Ohomorihi ọ raà dọ mị tụ́.

Ọyịkụra 15:2

Ẹnẹyịmavara ọ vị ụkata amị, ọnị ọ vị aha ọyịtẹ̀ amị nị, ọnị ọ vị Ohomorihi ana ada amị hẹkẹ nị, mị vaa sị ọ ngụ ịrẹyị.

Ahẹ Ụgama 97:12

Ẹwụ nịnị ana nyị ịzẹyịza, tamayị ịsị Ẹnẹyịmavara mẹ dị waa jẹ nịnị, dị wa rẹẹ kụ́ ọ avọ nịnị.

Ijemiisi 1:2

Ẹwụ nịnị ẹyịnyara amị, waa jẹ nịnị ụmẹ ana àa sị zama wụ nịnị re ini oze irenyi-irenyi.

Iruuku 2:30

Ma raà sị eyi amị re ẹdọha

Ayịsaya 41:16

di o hira a hi ịnị ahị, dị ahị kụ ọ ne hu, di opomi gara a hi ozi. Ịjọnọọ ayị ẹnịnị vee hine agụvị ka ọnị ọ vị Ohomorihi ẹnịnị nị. Ẹnịnị vaa ga ọnị, Ẹnẹyịmavara Ohomorihi ọnịnị Anisirẹrị.

Ahẹ Ụgama 85:6

Navọ de, wa sị ẹngwọọrọ vavẹ va yị dị ẹyị aza awụ ọ̀ zụụ jẹ agụvị ịsị ụ mẹ yị.

Ahẹ Ụgama 33:1

Ẹwụ nịnị ana nyị ebira ana vọrọ, waā tụ́ ọga booro-booro Wa vavọọ tụ́ ọ agụvị Ẹnẹyịmavara Aza ana nyị ebira ana vọrọ e rere ka ẹ̀ẹ kụ́ Ohomorihi nị.

Ahẹ Ụgama 149:2

Ẹwụ nịnị Anisirẹrị, waa jẹ agụvị Ohomorihi ana mẹ wụ nịnị. Ẹwụ nịnị Anịzayọnị, waa jẹ agụvị ohinọyị awụ nịnị.

Ahẹ Ụgama 104:34

Maa jẹ ịrajẹ agụvị ịsa ẹnị Ẹnẹyịmavara mẹ, navọ ahịka ịrẹyị ene zee wu eyi m mee ro ịnị ayị amị nị.

Ịzakaraya 10:7

Anisirẹrị nịnị vaa nyị ụkata anka isoja nịnị, ayị ẹnịnị vee hine anka aza enee hú eche avọọ nị. Ezi ịrẹma ẹnịnị vaa tamayị dị ayị ẹnịnị ee hine agụvị ịsị Ẹnẹyịmavara mẹ̀.

Iwe Ọhụhị Imosiisi ana aa hị́ Ọyịvatụrọda 12:18

Ọvịdị Ẹnẹyịmavara Ohomorihi awụ nịnị ụ vaa yaa rị ẹngụ ịsa ẹnẹnị ịzị Ẹnẹyịmavara Ohomorihi awụ nịnị vaa nyị nị. Ẹwụrị ezi ọnọrụ awụ ọnịrị anẹẹ, beri ọrịhị awụ anọrụ ọnịrị anẹẹ, ọnịrị Anireevi nịnị ana ra ẹkụra awụ nịnị e dudu vaa rị ịsa ẹnẹnị nị. Dị ụ yà ọvịdị Ẹnẹyịmavara Ohomorihi awụ nịnị aa jẹ ịrajẹ tụ́ ịrẹsụ avaba ịsa ọnị ụ mẹ nịnị.

Ọyịkụra 15:1

Ahẹ oni Imosiisi ọnịrị Anisirẹrị jị gono Ẹnẹyịmavara ịhị ọnọọ yị: “Maa jị ahẹ gono Ẹnẹyịmavara agụvị ka ọ sị ọnịvị amị huna, ọ raà sị zụ̀ ka ọnị Ộ nyị ụbanyị. Umaata ọnịrị onumaata vị ọnị ọ tụ́ ụvọ và hi òkū.

Ijowẹrị 2:23

Aza ene hi Ịzayọnị ẹẹ jẹ ịrajẹ, Waa mẹrị sadaa ka ọnị Ẹnẹyịmavara Ohomorihi awụ nịnị vaa zụ́ orihi ịjịjọọ yị wụ nịnị. Dị ọnị zù orihi ịpaapa ọnịrị ọ́dịrẹma a mẹ vọrọ anka ọ mẹẹ̄ vịdịị zụ́.

2 Ịsamụwẹrị 6:15

Avọọ ọ maà nyị ẹzẹ dị ọnịrị avaba Anisirẹrị ana vọ sị apoti Ẹnẹyịmavara hịrẹ nọ ịda anị nị. Ẹ́ màa vẹ, di eyee nowu, di eyee hu ọpanyị nị.

Ayịsaya 25:9

Ịjị ụmẹ ọnọọ ọ̀ọ vẹ, avaba aza vaa kà a ka Ohomorihi ayị yọ. Yâ sị ayị tụra a, dị ọ dọ yị tụ́ nị. Ọnị ọ vị Ẹnẹyịmavara nị, ọnị ị sị ayị tụra nị. Ọ sị yị dọ ha; agụvị avọọ à vẹ vị yaa jẹ ịrajẹ.